Fréttablaðið - 21.04.2006, Blaðsíða 16

21. apríl 2006 FÖSTUDAGUR16
nær og fjær
„ORÐRÉTT“
„Allt mjög gott að frétta,“ segir Sigurður Örn Hilmarsson sem er staddur á
skrifstofu Stúdentaráðs Háskóla Íslands þegar blaðamaður slær á þráðinn.
„Það er spennandi að vera stúdent í dag þar sem margt er að eiga sér
stað í málefnum háskólans.“ Um þessar mundir er stefnumótunarvinna
í gangi í háskólanum þar sem starfsfólk og nemendur vinna að því að
bæta skólann með það að markmiði að koma skólanum í hóp
100 bestu háskóla í heimi. Allt starfið er í endurskoðun og
virkilegur samhugur í fólki að sögn Sigurðar.
Fyrir um mánuði endurvakti Stúdentaráð Háskóla
Íslands réttindaskrifstofu stúdenta. „Við tökum að okkur
að aðstoða stúdenta og reka mál fyrir þá innan skólans.“
Sigurður segir að 50 mál hafi komið inn á borð réttinda-
skrifstofunnar nú þegar þar sem stúdentar telja brotið
á rétti sínum. Sem dæmi má nefna réttinn til að skoða
gömul próf og að fá útskýringar frá kennurum á einkunum.
„Ég legg mikla áherslu á að þó að það sé mikilvægt að
Stúdentaráð Háskóla Íslands hugsi um stóru málin þá
séu litlu málin sem koma upp einnig mikilvæg, sem
lúta að beinni hagsmunagæslu stúdenta.“
Af öðrum málum sem eru í deiglunni hjá formanni stúdentaráðs
þessa dagana er samstarf sem hefur verið tekið upp við Félag stúdenta
við Háskólann á Akureyri en skólarnir eiga við sambærileg vandamál að
stríða að sögn Sigurðar sem telur að með samvinnu geti þeir áorkað miklu
sameiginlega.
Um páskana skellti Sigurður sér með tengdafjölskyldunni í sum-
arbústað í Borgarfirði og náði að slaka á frá annasamri vinnu við
hagsmunagæslu stúdenta. Huti páskafrísins fór einnig í vinnu við
stúdentakort sem veita nemendum aðgang að byggingum Háskóla
Íslands. „Þau eru algjör bylting í þjónustu við stúdenta en við erum
núna að taka í gagnið stærsta aðgangsstýringakerfi landsins.“
Spurður um áhrif vinnunnar á námið segir Sigurður að það sitji
óneitanlega á hakanum. „En ég hika ekki við að fresta náminu þar
sem þetta er það spennandi starf,“ segir Sigurður áður en hann kveður
blaðamann og snýr sér aftur að vinnu.
HVAÐ ER AÐ FRÉTTA? SIGURÐUR ÖRN HILMARSSON FORMAÐUR STÚDENTARÁÐS HÁSKÓLA ÍSLANDS
Bjart yfir stúdentum þessa dagana
Sigurður Örn Hilmarsson
Halda áfram?
„Við viljum halda áfram
að efla heimaþjónustu og
heimahjúkrun, byggja fleiri
hjúkrunarheimili og tryggja
örugg úrræði þegar fólk þarf
á þeim að halda.“
DAGUR B EGGERTSSON SAM-
FYLKINGUNNI UM STEFNUSKRÁ
FLOKKSINS. FRÉTTABLAÐIÐ.
Hefur þetta heyrst
áður?
„Ég hvet til samkomulags
og samráðs við stjórnar-
andstöðuna því að þingið
er núna komið í fullkomið
uppnám.“
ÖGMUNDUR JÓNASSON VINSTRI
GRÆNUM UM ÁSTANDIÐ Á AL-
ÞINGI. MORGUNBLAÐIÐ.
SVAMLAÐ Í LAUGINNI Ísbjörninn í dýragarðinum í Albuquerque í Nýju-Mexíkó í Bandaríkj-
unum kældi sig í vorhitunum í lauginni sinni, gestum garðsins til ánægju. FRÉTTABLAÐIÐ/AP
Draumar Haraldar Þór-
arinssonar, bifvélavirkja
í Kvistási í Kelduhverfi,
benda til að veður fari batn-
andi undir næstu helgi.
„Einhvern veginn fannst mér
að það yrði 27. eða 28. sem veðrið
ætti að batna,“ segir Haraldur
sem jafnan er kallaður Mannsi.
Hann hefur dreymt fyrir veðrinu
um áratugaskeið en eins og geng-
ur hefur allur gangur verið á hvort
draumarnir hafi ræst.
Harald dreymdi síðast fyrir
veðrinu um síðustu mánaðamót.
„Þessi draumur var einhvern veg-
inn skýrari en aðrir og þegar ég
vaknaði hugsaði ég sem svo að
þetta yrði langur og leiðinlegur
mánuður.“ Óhætt er að segja að
það hafi gengið eftir, tíðin hefur
verið í samræmi við drauminn. Og
nú er að sjá hvort breyting verði á
tíðarfari undir lok næstu viku.
„Það á eftir að koma í ljós hvort ég
hafi ráðið þetta alveg rétt.“ Har-
aldur gerir ráð fyrir að veðrið
batni um land allt en sér þó ekki
fyrir hreint og klárt blíðviðri.
„Nei, nei, það er nú ekki þannig
enda hefur mér alltaf fundist
snöggur bati heldur vondur.“
Haraldur á erfitt með að
útskýra með hvaða hætti veðrátta
framtíðirinnar birtist honum í
draumum og hefur engar skýring-
ar á reiðum höndum. Segir þetta
bara koma. „Mig hefur oft dreymt
og dreymir mikið en sennilega
gleymi ég meirihlutanum og kann
svo ekki að ráða í hitt,“ segir hann
af hógværð.
bjorn@fréttablaðið.is
Veðrið batnar eftir eina viku
DREYMIR FYRIR VEÐRINU Haraldur Þórarinsson í Kvistási er mikill áhugamaður um veðurfar og dreymir oft fyrir tíðinni. Hann býst við að
veðrið batni fyrir næstu helgi en veit ekki hve lengi það verður gott.
Hluthafafundur Dagsbrúnar hf.
Dagsbrún hf. tilkynnir um frestun áður boðaðs hluthafafundar hinn 24. apríl nk.
Fundurinn verður haldinn föstudaginn 28. apríl 2006 kl. 16:00 á Hótel Nordica,
Suðurlandsbraut 2, Reykjavík.
Á dagskrá fundarins verða eftirtalin mál:
1. Tillögur stjórnar um hækkun hlutafjár.
2. Kjör stjórnar.
3. Önnur mál.
Stjórn Dagsbrúnar hf. leggur fyrir fundinn eftirfarandi tillögur:
1. Tillaga um breytingu á gr. 2.01.4 í samþykktum félagsins. Hækkun hlutafjár allt að
1.450.000.000 kr. vegna samruna eða yfirtöku á öðrum félögum. Hluthafar falli frá
forgangsrétti. Réttur hluthafa til forgangs að þessum hluta hlutafjáraukningarinnar skv.
hlutafélagalögum og samþykktum skal ekki eiga við, sbr. heimild í 34. gr.
hlutafélagalaga nr. 2/1995.
2. Tillaga um breytingu á gr. 2.01.5 í samþykktum félagsins. Hækkun hlutafjár að fjárhæð
413.333.333 kr. vegna kaupa á hlutum í Kögun hf. Hluthafar falli frá forgangsrétti.
Réttur hluthafa til forgangs að þessum hluta hlutafjáraukningarinnar skv.
hlutafélagalögum og samþykktum skal ekki eiga við, sbr. heimild í 34. gr.
hlutafélagalaga nr. 2/1995.
3. Stjórnarkjör.
Dagskrá og fundargögn verða hluthöfum til sýnis á skriftstofu
félagsins, Síðumúla 28, Reykjavík, viku fyrir fundinn.
Aðgöngumiðar og atkvæðaseðlar verða afhentir á fundarstað.
Stjórn Dagsbrúnar hf.
550 5000
AUGLÝSINGASÍMI
LANDBÚNAÐUR Tveir kiðlingar litu
dagsins ljós að Arnarstapa á
Mýrum í fyrradag. Ásgerður Páls-
dóttir var að huga að þeim þegar
blaðamann bar að garði og var
huðnan við góða heilsu en þó
áhyggjufull þegar bóndinn tók
kiðlingana í fangið til að sýna þá
litlu sem einnig eru huðnur.
Sjö geitur eru á bænum og eiga
tvær eftir að bera. Hinsvegar er
Ásgerður að undirbúa sig fyrir
miklar annir þar sem sauðburður
gengur senn í garð en um 150 ær
eru á Arnarstapa. Ásgerður segist
henda geitakjötinu þegar þær gefa
upp öndina en slíkt kjöt er ekki í
hávegum þar á bæ. - jse
Arnarstapi á Mýrum:
Kiðlingar koma í heim
ÁSGERÐUR MEÐ KIÐLINGANA Huðnan fylgdist vel með nýbornum afkvæmum sínum í
höndum bóndans á Arnarstapa en Ásgerður kann á þeim tökin. FRÉTTABLAÐIÐ/GVA