Fréttablaðið - 21.04.2006, Blaðsíða 54

21. apríl 2006 FÖSTUDAGUR38
��������������������������������� �����������������������������������������������������
�� ����������������������������������������� ���������� ������������������������������
������������ �������������� �� �����������
���������������� ��� ��������������������� ����������������
��������� ��������������������� ���������
��������� ���������������������������������
������������������������������������ ��� �������
������ �������������
������������������������������� ������
���������������������������������������������
�����������������������������������������

KRINGLUKRáIN
fyrir leikhúsgesti
Tilboðsmatseðill
KRINGLUK ÁIN
VIÐTALIÐ
eftir Lailu Margréti
Arnþórsdóttur
Föstud. 21. apríl kl. 20.00
Fimmtud. 27. apríl kl. 20.00
550 5000
AUGLÝSINGASÍMI
Á morgun hefði skáldið
Snorri Hjartarson orðið 100
ára og að því tilefni verður
opnuð minningarsýning um
hann í bókasal Þjóðmenn-
ingarhússins.
Halldór Ásgeirsson myndlistar-
maður er bróðursonur Snorra og
einn af aðstandendum sýningar-
innar en hann lýsir föðurbróður
sínum sem einkar ljúfum manni.
„Hann var ákaflega góður maður
og ég á fallegar minningar um
hann sem manneskju. Við bjuggum
í sama húsi, fjölskyldan mín bjó á
fyrstu hæðinni en í einni af mínum
fyrstu minningum er ég að skríða
upp á loft til hans.“ Halldór minn-
ist þess að Snorri hafi jafnan farið
seint á fætur því hann hafi verið
nátthrafn eins og faðir Halldórs.
„Maður beið stundum heillengi
eftir honum og þá gaf vinnukonan
hans manni stundum saft,“ segir
hann kíminn. Snorri var kvæntur
um tíma meðan hann bjó í Ósló en
síðar skildi hann og flutti aftur
heim en hann bjó einn hér heima.
Halldór kynntist Snorra fyrst
sem frænda og vini en fór að lesa
ljóð hans á unglingsaldri. „Hann
tók mér alla tíð eins og jafningja,
það skipti ekki máli þótt maður
væri fimm ára, viðmótið var það
sama. Við gátum rætt um heima
og geima.“ Seinna fetaði Halldór í
fótspor Snorra og fór í myndlist-
arnám en Snorri nam við Listaaka-
demíuna í Ósló í tvö ár, áður en
hann sneri sér að skáldskapnum.
„Hann vildi ekki tala um þennan
stutta myndlistarferil sinn, hann
var svo hógvær,“ útskýrir Halldór
en bætir við að myndir eftir hann
hafi fundist eftir lát hans, upprúll-
aðar og vel faldar á háaloftinu.
„Hann málaði í ljóðunum, sum
af seinustu ljóðunum – knöpp og
stutt – minna mikið á myndlistina,“
segir Halldór og bendir á líkindi
þessa við nútímalist þar sem
myndlistarmenn nota eiginleg orð
í verkum sínum. „Það er forvitni-
legt að sjá hvernig honum verður
tekið af nýrri kynslóð. Við lifum á
tímum þar sem ofgnótt er af mynd-
um og þá á hann kannski erindi
með sínar tæru og sterku myndir,
einfaldar en fullar af merkingu.“
Í tilefni af aldarafmælinu mun
ný heildarútgáfa á verkum Snorra
koma út hjá Eddu útgáfu en þess
má geta að þar verða tvö myndlist-
arverk eftir Snorra, sjálfsmynd
sem hann málaði á námsárunum í
Ósló og uppstilling sem einnig verð-
ur til sýnis í Þjóðmenningarhúsinu.
Fjölskylda Snorra hefur veg og
vanda af sýningunni í samstarfi
við Þjóðmenningarhúsið en þar
gefur að líta fjölmarga muni úr
einkaeigu fjölskyldunnar, stíla- og
skissubækur Snorra og gripi sem
hann safnaði á ferðum sínum inn-
anlands og utan.
Rithöfundasambandið mun
standa fyrir sérstakri dagskrá við
opnun sýningarinnar þar sem
Hjörtur Pálsson flytur erindi um
skáldið, Þorleifur Hauksson og
Ragnheiður Steindórsdóttir lesa
kvæði eftir Snorra og Gunnar
Guðbjörnsson og Jónas Ingimund-
arson flytja sönglög við kvæði
hans. Sýningin opnar kl. 16.00 á
morgun og stendur yfir fram á
vorið. kristrun@frettabladid.is
Aldarminning skálds
MINNINGARSÝNING UM SNORRA HJARTARSON Endurútgáfa á heildarverkum skáldsins í tilefni afmælisins. FRÉTTABLAÐIÐ/ VILHELM