Fréttablaðið - 21.04.2006, Side 56

21. apríl 2006 FÖSTUDAGUR40
tonlist@frettabladid.is
Færeyski söngvarinn Högni
Lisberg er einn þeirra tónlistar-
manna sem koma fram á færeysku
tónlistarhátíðinni Atlantic Music
Event, AME, sem verður haldin á
Nasa annað kvöld.
Högni gaf nýverið út sína aðra
plötu sem ber heitið Morning Dew.
Platan var gefin út í Færeyjum í
fyrra og var kosin plata ársins á
Planet Awards þar í landi auk þess
sem hún hefur fengið mjög góða
dóma í Danmörku, Belgíu, Sviss
og víðar.
Fyrsta plata Högna, Most
Beautiful Things, kom út árið 2003
og var einnig valin plata ársins.
Hún var lágstemmd, en nýja
platan er aftur á móti fjörlegri og
fjölbreyttari, þótt ekki sé um
mikla stefnubreytingu að ræða.
Vel þekktur í heimalandinu
Högni var einn af stofnendum
trip-hop hljómsveitarinnar Click-
haze sem Eivör Pálsdóttir var
meðlimur í þangað til hún ákvað
að einbeita sér að sólóferli sínum.
Hann er vel þekktur í heima-
landi sínu en einnig er hann orðinn
nokkuð stórt nafn í Sviss. Þangað
fór hann í tónleikaferð árið 2004
við góðar undirtektir. Einnig hefur
hann meðal annars spilað á Nibe-
hátíðinni í Danmörku og á G!-
hátíðinni í Færeyjum.
Nýlega skrifaði Högni undir
dreifingarsamning við hið forn-
fræga útgáfufyrirtæki Rough
Trade og því er ljóst að framtíðin
er björt hjá þessum efnilega
Færeyingi.
Í yfirgefnu kvikmyndahúsi
„Ég hlakka mikið til að koma. Það
verður mjög spennandi að sjá
hvernig allt gengur og hvernig
það verður að spila á Nasa. Það
verður gaman að sjá hvort fólk
láti ekki sjá sig á tónleikunum,“
segir Högni um förina til Íslands,
sem er ekki sú fyrsta í röðinni.
Síðast spilaði hann hér á landi sem
trommari Clickhaze með Eivöru
Páls fyrir nokkrum árum en þetta
verður í fyrsta sinn sem hann
sjálfur verður í forgrunninum.
Hann segir að nokkur munur sé
á fyrstu plötunni og þeirri nýjustu.
„Fyrsta plata var ódýr í fram-
leiðslu og tekin upp í yfirgefnu
kvikmyndahúsi í Færeyjum. Við
eyddum meiri peningi í aðra plöt-
una, sem var tekin upp í hljóðveri
í Danmörku. Á henni er ég meira
með hljómsveitina á bak við mig
heldur en á þeirri fyrstu,“ segir
Högni, sem er búsettur í
Danmörku.
Færeysk hlýja
Eitt lag á hinni prýðilegu Morning
Dew er gamla Bob Dylan-lagið All
Along the Watchtower sem bæði
Jimi Hendrix og U2 hafa tekið í
eftirminnilegum útsetningum.
Högni segir ákvörðunina um að
hafa lagið á plötunni segja mikið
um sig sem listamann því hann
hafi alist upp við að hlusta á Jimi
Hendrix og Black Sabbath. Hann
segir að þrátt fyrir tökulagið megi
engu að síður greina sérstæða
færeyska hlýju á plötunni.
„Í Clickhaze blönduðum við
saman færeyskri þjóðlagatónlist,
poppi og rokki og hún hafði yfir
sér einhverja hlýju. Á sama hátt
heyrir maður alltaf þegar maður
hlustar á sænska tónlist hvaðan
hún er. Þó svo að það sé minna af
færeyskri þjóðlagatónlist á nýju
plötunni en í Clickhaze er hún
samt til staðar og það má alveg
greina þessa hlýju ennþá, ég veit
ekki út af hverju.“
Auk Högna koma fram á Nasa
annað kvöld hljómsveitirnar Gestir,
Déjà Vu, Makrel og Marius auk
tónlistarkonunnar Lenu sem ólst
upp í Kanada en hóf söngferil sinn
í Færeyjum sautján ára gömul.
Allir flytjendurnir sem koma fram
á Nasa eru í fremstu röð færeyskra
tónlistarmanna í dag.
Sérstakur gestur AME hátíðar-
innar í ár er svo íslenska hljóm-
sveitin Dikta sem stefnir á að
halda tónleika í Færeyjum síðar á
árinu. freyr@frettabladid.is
Færeysk innrás á Íslandi
HÖGNI LISBERG Tónlistarmaðurin Högni Lisberg gaf nýverið út sína fyrstu plötu sem ber
heitið Morning Dew.
> Plata vikunnar
Tapes N´Tapes: The Loon
„Loksins skilar árið af sér plötu sem
maður heldur varla vatni yfir. Frum-
raun Tapes N´Tapes er afbragð, tært
og fullkomið indírokk!“
BÖS
The Flaming Lips: At War
With the Mystics
„Enn önnur frábær plata frá The Flaming Lips.
Þó þessir menn þrammi sinn stíg ekki varlega
virðast þeir ekki geta misstigið sig. Álíka súr
og síðasta plata með nokkrum popplögum
á milli.“
BÖS
Graham Coxon: Love Travels
at Illegal Speeds
„Sjötta breiðskífa Coxon er hrá pönkuð og
keyrð áfram með sóðalegum gítarstefjum.
Hljómar eins og tilraun til að komast aftur inn
í bílskúrinn.“
BÖS
Ghostigital: In Cod We Trust
„Platan sannar sérvisku og snilligáfu Ghostigital
með dansvænum og taktföstum hip-hop tökt-
um sem blandast við (ó)hljóð í skreytistíl.“
SHA
Yeah Yeah Yeahs: Show Your
Bones
„Önnur breiðskífa Yeah Yeah Yeahs gerir allt
sem hún á að gera. Stenst allar væntingar og á
bara eftir að auka hróður sveitarinnar.“
BÖS
Isobel Campbell & Mark Laneg-
an: Ballad of the Broken Seas
„Isobel Campbell og Mark Lanegan ná að
fanga sömu töfra og Nick Cave og Tom Waits
eru þekktir fyrir. Bæta svo sínu eigin bragði við
og framkalla afbragðsplötu.“
BÖS
SMS
UM NÝJUSTU PLÖTURNAR
Þungarokksveitin Sólstafir gaf nýverið út sína þriðju
plötu, Masterpiece of Bitterness, hjá finnsku útgáf-
unni Spikefarm.
Platan hefur fengið mjög góða dóma víða um
heim og er hún loksins fáanleg heima á Íslandi á
vegum 12 Tóna.
Aðalbjörn Tryggvason, gítarleikari og söngvari
Sólstafa, segist ánægður með þessa góðu plötu-
dóma þó svo að einhverjir hafi ekki verið svo góðir.
„Það finnst mér mjög skiljanlegt því flestir hafa
sagt að hún væri svo erfið. Það er ekki auðvelt að
hlusta á tuttugu mínútna lag, eins og fyrsta lagið á
plötunni er þar sem sami kaflinn er í korter. En það
eru engar reglur í þessari tónlist. Doors var að gera
ellefu mínútna lag 1970 og eitthvað og af hverju
getum við ekki gert 20 mínútna lag í dag,“ segir
Aðalbjörn.
Aðalbjörn segir að nafn hljómsveitarinnar hafi
verið að krauma lengi í neðanjarðarheiminum
erlendis með tilheyrandi póstsendingum enda varð
sveitin til árið 1995, áður en netið hóf innreið sína.
„Í dag er þetta allt annað. „Undergroundið“ er samt
ekkert dautt. Internetið skemmdi „undergroundið“
en það er ennþá á lífi. Það eru bara færri sem safna
frímerkjum núna.“
Útgáfutónleikar Sólstafa vegna nýju plötunnar
verða haldnir eftir um það bil tvær vikur.
Internetið skemmdi „undergroundið“
Í SPILARANUM HJÁ RITSTJÓRNINNI
Jet Black Joe: Full Circle, Mammút:
Mammút, Högni Lisberg: Morning Dew,
Deja Vu: A Place to Stand On, CocoRosie:
Noah´s Arc og The Flaming Lips: At War
With The Mystics.
1. DR. MISTER & MR. HANDSOMEBOOGIE WOOGIE SENSATION
2. RED HOT CHILI PEPPERSDANI CALIFORNIA
3. PEARL JAM WORLD WIDE SUICIDE
4. WULFGANGMACHINERY
5. THE RACONTEURSSTEADY AS SHE GOES
6. 10 YEARS WASTELAND
7. TONY THE PONYARMY OF THE SUN
8. BULLET FOR MY VALENTINEALL THESE THINGS I HATE
9. MAMMÚTÞORKELL
10. THE STROKESHEART IN A CAGE
X-DÓMÍNÓSLISTINN
TOPP TÍU LISTI X-INS 977
Laginu sem Jack White, forsprakki
rokkdúettsins The White Stripes
samdi fyrir gosdrykkjaframleið-
andann Coca Cola, hefur verið
lekið á netið, aðdáendum sveitar-
innar til mikillar hamingju.
Í texta lagsins, sem er á
ástkæru nótunum, segir meðal
annars: „It´s the right thing to do,
and you know it, It´s inside of you,
just show it, love is the truth.“
Auglýsingunni þykir nokkuð
svipa til myndbands The White
Stripes við lagið The Hardest
Button to Button frá árinu 2003
þar sem meðlimir sveitarinnar
eru margfaldaðir.
Jack White sagðist í viðtali
fyrir nokkru síðan vera spenntur
fyrir því að semja lag fyrir aug-
lýsinguna. Hafði hann lítinn
áhuga á að nota lag sem hann
hafði þegar gefið út. „Að vera
beðinn um að semja lag sem á að
ná til heimsbyggðarinnar þar
sem ástin er aðalþemað þótti
mér heillandi verkefni,“ sagði
White.
Kóklag á netinu
JACK WHITE Jack White úr The White
Stripes hefur samið lag fyrir Coca Cola.
FRÉTTABLAÐIÐ/VALLI
Worm is Green: Push Play
„Frumleikinn er horfinn á nýju plötunni sem
hefur engu að síður að geyma mörg áhuga-
verð en frekar þunglyndisleg popplög.“
FB
Blindfold: Blindfold
„Fyrsta plata Birgis Hilmarssonar úr Ampop
stendur vel fyrir sínu þar sem draumkennd
fegurðin skín í gegn víðast hvar.“
FB
Úlpa: Attempted Flight by
Winged Men
„Þetta er ágæt plata sem þó nær ekki að halda
athyglinni allan tímann. Gítarinn á góða spretti
á köflum en því miður dugar það ekki til.“
FB
550 5000
Hringdu ef blaðið berst ekki
- mest lesið