Fréttablaðið

Dagsetning
  • fyrri mánuðurapríl 2006næsti mánuður
    SuÞrMiFiLa
    2627282930311
    2345678
    9101112131415
    16171819202122
    23242526272829
    30123456

Fréttablaðið - 21.04.2006, Blaðsíða 26

Fréttablaðið - 21.04.2006, Blaðsíða 26
 21. apríl 2006 FÖSTUDAGUR FRÁ DEGI TIL DAGS ÚTGÁFUFÉLAG: 365 – prentmiðlar RITSTJÓRAR: Kári Jónasson og Þorsteinn Pálsson FRÉTTARITSTJÓRI: Sigurjón M. Egilsson AÐSTOÐARRITSTJÓRI: Jón Kaldal FRÉTTASTJÓRAR: Arndís Þorgeirsdóttir, Pétur Gunnarsson og Trausti Hafliðason. RITSTJÓRNARFULLTRÚI: Steinunn Stefánsdóttir RITSTJÓRN OG AUGLÝSINGAR: Skaftahlíð 24, 105 Reykjavík AÐALSÍMI: 550 5000 SÍMBRÉF Á FRÉTTADEILD: 550 5006 NETFÖNG: ritstjorn@frettabladid.is og auglysingar@frettabladid.is VEFFANG: visir.is UMBROT: 365 – prentmiðlar PRENTVINNSLA: Ísafoldarprentsmiðja ehf. DREIFING: Pósthúsið ehf. dreifing@posthusid.is Fréttablaðinu er dreift ókeypis á heimili á höfuðborgarsvæðinu, Suðurnesjum og Akureyri. Einnig er hægt að fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. issn 1670-3871 Notaðu þína ávísun! VIKA BÓKARINNAR Hvaða bækur vilt þú? Notaðu þína ávísun til bókakaupa, því lestur er líkamsrækt hugans! Hafrannsóknastofnunin er stærsta og öflugasta vísinda-stofnun sem rekin er á vegum íslenska ríkisins. Á þeim vettvangi hefur í gegnum tíðina starfað fjöldi afbragðs vísindamanna. Margir þeirra hafa á heimsvísu verið í fremstu röð á sínu sviði. Sú var tíð að allar rannsóknir í þágu atvinnuveganna tengdust Háskólanum. Á sjöunda áratugnum þótti rétt að gera skipulags- breytingar þar á. Stofnanirnar voru þá færðar undir atvinnumála- ráðuneytið og síðar einstök atvinnuvegaráðuneyti þegar þau urðu formlega til. Að baki þessum breytingum hvíldi sú eðlilega hugsun að tengja rannsóknir betur atvinnulífinu. Háskólinn var þá mikil embættis- mannastofnun og í meiri fjarlægð frá atvinnulífinu en nú er. Eng- inn vafi er á að þessi háttur hefur styrkt þetta rannsóknastarf. Það á ekki síst við um hafrannsóknirnar. Glögg dæmi eru um þetta. Hér á landi hafa störf vísindamanna á þessu sviði almennt notið trausts bæði útgerðarmanna og sjó- manna. Þessu er öfugt farið í öllum öðrum löndum. Öflug, hyggin og framsýn forysta í hagsmunasamtökum hefur ráðið miklu þar um. Annað dæmi af fjárhagslegum toga er bygging nýja hafrann- sóknaskipsins Árna Friðrikssonar á síðasta áratug. Útgerðarmenn voru einhuga um að kosta það verk. Þessi tengsl hafa því verið mikilvæg. En tímarnir breytast. Í fyrsta lagi er fyrirsjáanlegt að aðskilin atvinnuvegaráðuneyti munu brátt heyra sögunni til. Í öðru lagi hefur Háskóli Íslands breyst í grundvallaratriðum. Hann er ekki lengur fílabeinsturn embættismanna, heldur vísindastofnun í lif- andi tengslum við atvinnulífið. Í þriðja lagi hefur Háskólinn nýverið kynnt áform um að kom- ast í fremstu röð slíkra vísindastofnana. Það er metnaðarfullt stefnumið. Ljóst er að Háskólinn þarf á öllu því afli að halda sem til er ef það markmið á að verða að veruleika. Ef hagsmunir ann- arra vísindastofnana geta tengst því markmiði er allsendis óvit- laust að skoða það. Hafrannsóknastofnunin er vísindastofnun sem nýtur alþjóð- legrar virðingar. Á síðasta áratug var byrjað að tengja stofnunina Háskólanum á ný, með því meðal annars að tengja prófessorsemb- ætti í líffræði við starf á stofnuninni. Það var skref fram á við. Í nýju umhverfi þarf Hafrannsóknastofnunin að njóta óskoraðs og víðtæks trausts. Hún hefur vissulega notið vísindalegs sjálf- stæðis en það yrði um margt trúverðugra og öruggara í vísinda- umhverfi Háskólans. Breytt háskólaumhverfi þarf ekki á nokkurn hátt að rjúfa eðlileg og sjálfsögð tengsl við atvinnugreinina. Í þeim efnum blása nýir vindar í háskólasamfélaginu. Hafrannsóknastofnunin gæti lagt grundvöll að doktorsnámi vísindamanna á þessu sviði, jafnt innlendra sem erlendra. Samein- ing við Háskólann gæti þannig orðið upphaf að nýjum tíma fyrir báðar stofnanirnar og leyst úr læðingi endurnýjaðan kraft í þessu mikilvæga vísindastarfi. Að ýmsu er að hyggja í þessu sambandi, bæði tæknilegum úrlausnarefnum og vísindalegum markmiðum. Sjávarútvegsráð- herra hefur á stuttum ferli sýnt að hann er maður nýrra viðhorfa. Það væri ómaksins vert fyrir ráðherra af þeim toga að láta skoða þetta álitaefni og hugsanlega koma því á framkvæmdastig ef honum og menntamálaráðherranum sýndist svo. ■ SJÓNARMIÐ ÞORSTEINN PÁLSSON Er kominn tími endurskipulagningar? Hafrannsóknir og Háskólinn Málefni innflytjenda voru áber- andi í Kastljósi Sjónvarpsins síð- ustu tvo daga þessa vetrar, þótt með gjörólíkum hætti væri. Á þriðjudag var athyglisverð umfjöllun um sýninguna um Útlendinga í Eyjafirði sem fjöl- miðlafræðinemar við Háskólann á Akureyri stóðu fyrir á dögunum. Í fyrrakvöld, síðasta vetrardag, sat Ásgeir Hannes Eiríksson fyrrum þingmaður fyrir svörum vegna Gallupkönnunar sem hann lét gera um hugsanlegt fylgi stórnmála- flokks sem beitti sér gegn frekari fjölgun innflytjenda. Niðurstöð- urnar voru vissulega sláandi, en næstum þriðji hver Íslendingur taldi líklegt að hann gæti stutt slíkan flokk. Segja má að nálgun náms- mannanna á Akureyri hafi verið í samræmi við viðtekinn pólitískan rétttrúnað, sem leggur áherslu á þá jákvæðu viðbót sem innflytjendur færa Íslendingum og íslensku mannlífi og viðurkennir að fjöl- menning sé lífsmynstur framtíðar- innar í siðuðum samfélögum. Sjónarmiðin sem Ásgeir Hann- es dró fram eru hins vegar mun óvenjulegri og segir Ásgeir þau sprottin upp í umræðum fasta- gesta á veitingahúsi hans, Blá- steini í Reykjavík. Ásgeir er þekktur fyrir uppreisnir sínar gegn valdakerfum og rétttrúnaði í stjórnmálum og birtist nú eftir nokkuð margra ára hlé í opinberri umræðu og er enn að storka. Hann segist vera að draga fram mál sem bannað hefur verið að tala um opinberlega - það sem hann kallar „flóð innflytjenda“. Í framhaldinu nefnir hann nauðsynina á að spyrna við fótum og takmarka þennan straum, ekki síst í ljósi þess að nú um mánaðamótin muni opnast fyrir frjálsan flutning fólks frá nýju ESB-löndunum. Lausnina sér Ásgeir Hannes og aðrir Blá- steinungar í nýjum stjórnmála- flokki sem væntanlega yrði í stíl Danska þjóðarflokksins undir leið- sögn Piu Kjærsgaard og annarra flokka af því sauðahúsi. Nú er þetta ekki í fyrsta sinn sem Ásgeir Hannes er þátttakandi í uppbroti á flokkakerfinu á Íslandi. Stundum hafa þessar tilraunir borið árang- ur eins og t.d. í Nýjum vettvangi og Borgaraflokknum á sínum tíma og stundum hafa þær verið lítið annnað en vangaveltur eins og sérstakt Breiðholts- eða úthverfa- framboð sem einhverju sinni var fréttamál í nokkra daga. Líklegast er - og vonandi - að þetta þjóðern- isflokkstal sem nú er komið fram sé í seinni hópnum. Þó oft hafi í gegnum árin verið gaman að fylgjast með því hvern- ig Ásgeir Hannes ögrar pólitísk- um réttrúnaði og viðurkenndum pólitískum gildum er hætt við að honum hafi að þessu sinn fatast illa flugið. Ásgeir dregur að því leyti rétta ályktun af skoðana- könnuninni að hann bendir á að fólk sé hrætt. Augljóslega er margt fólk óttaslegið, og sam- kvæmt könnuninni ekki síst það sem er ungt og lítið menntað. En það er ljótur leikur að ala á ótta fólks við hið óþekkta og framandi eins og Ásgeir gerir og það er jafnvel enn ljótari leikur að ala á þessum ótta og þessari neikvæðni án þess að neitt sérstakt tilefni sé til og án þess að bjóða upp á nokkra einustu raunverulega leið til að draga úr þessum ótta. Það eru ein- faldlega engin stórfelld innflytj- endavandamál komin upp á Íslandi og hugsanleg vandkvæði vegna frjálsra fólksflutninga innan EES- svæðisins alls eftir 1. maí eru á engan hátt leyst með því að gera innflytjendur sem slíka að ein- hverju vandamáli. Ásgeir hefur því gengið í björg í þessu máli, eins konar Blásteinsbjörg! Skoðanakönnun Gallup og útspil Ásgeirs Hannesar eru þó - þrátt fyrir allt - ekki veitingahúsarabb sem ekki á erindi í almenna umræðu. Þvert á móti er bæði nauðsynlegt og gagnlegt að fá þetta fram í dagsljósið því augljós- lega er mikilvægt að vita af duld- um ótta þriðja hvers landsmanns við nýja innflytjendur. Það er aug- ljóslega verk að vinna á þessum vettvangi, verk sem stjórnvöld þurfa að hafa forustu um. Öfugt við yfirlýsingar Ásgeirs hefur verið talsvert talað um inn- flytjendamál að undanförnu og nú síðast kvaddi Einar Skúlason for- stöðumaður Alþjóðastofu sér hljóðs og kallaði eftir endurskoð- un á stefnu varðandi íslensku- kenslu. Alþýðusambandið hefur haldið uppi málefnalegri gagnrýni vegna EES-málsins. Stjórnvöld hafa heldur ekki setið aðgerðar- laus og af þeirra hálfu hefur ýmis- legt verið vel gert. Þannig hefur innflytjendaráð tekið til starfa þar sem verið er að samræma aðgerð- ir til að auðvelda aðlögun innflytj- enda og stefnumótunarvinna er í fullum gangi. Framlag Ásgeirs og Blásteinunga felst fyrst og fremst í því að sýna að miklu, miklu meira þarf að koma til ef sefa á ótta og fyrirbyggja fordóma og fortíðar- hyggju. Sýningin Útlendingar í Eyjafirði dró einmitt fram það sem er mikilvægast af öllu: við erum hér að tala um samskipti fólks, einstaklinga af holdi og blóði sem auðga líf hvers annars. Í því felst einfaldlega eftirsóknar- verður rétttrúnaður. ■ Gengið í Blásteinsbjörg Í DAG ÓTTI VIÐ INN- FLYTJENDUR BIRGIR GUÐMUNDSSON En það er ljótur leikur að ala á ótta fólks við hið óþekkta og framandi eins og Ásgeir gerir og það er jafnvel enn ljótari leikur að ala á þessum ótta og þessari neikvæðni án þess að neitt sérstakt tilefni sé til... Mest lesna viðskiptablaðið AUGLÝSINGASÍMI 550 5000 FYLGIR FRÉTTABLAÐINU ALLA MIÐVIKUDAGA Sa m kv æ m t fj ö lm ið la kö n n u n G al lu p o kt ó b er 2 00 5. Dagur og Steinar Samfylkingin í Reykjavík kynnti á mið- vikudag stefnuskrá sína fyrir kosning- arnar í vor. Auglýsing Samfylkingarinnar í Fréttablaðinu þann sama dag vakti mikla athygli en í henni er mynd af borgarstjóraefni flokksins Degi B. Egg- ertssyni brosmildum og keikum með sjö mánaða son sinn Steinar Gauta í fanginu. Bæði þótti athyglisvert að Dagur væri einn frambjóðenda á mynd- inni en ekki síður að sonurinn væri með. Fram til þessa hafa stjórnmálamenn að mestu haldið börnum sínum utan við hinn pólitíska vettvang en nú kann að verða breyting þar á og ekki óhugsandi að börn frambjóðenda fari að spila rullu í kosningabaráttu. Slysin burt Meðal stefnumála Samfylkingarinnar er að gera Reykjavík að þeirri höfuðborg í Evrópu þar sem fæst slys verða. Á það að gerast árið 2012 og eru því sex ár til stefnu. Vitaskuld lítur þetta vel út á pappír en eins og Guðjón Þórðarson orðar það gjarnan er auðveldara um að tala en í að komast. Rifjast upp svipuð markmið sem sett hafa verið fram, til dæmis að gera Ísland að eiturlyfjalausu landi árið 2002. Er skemmst frá því að segja að það gekk ekki eftir. Fábrotin sjónvarpssaga Í nýjasta Mannlífi er flett ofan af hneykslismáli af stærri gerðinni. Í opinskáu viðtali greinir Steingrímur batsjelor frá því að hann hafi ekki verið einráður um hvaða stúlkum var vísað úr leik í íslenska Bachelornum á Skjá einum í vetur. Segir hann aðstandendur þáttarins hafa haft hönd í bagga. Þó málið sé graf- alvarlegt er ólíklegt að eftirmál verði þó einhverjar stúlknanna og dyggir áhorf- endur kunni að telja sig svikin. Það er annars til marks um álit blaða- manns Mannlífs á þáttaröðinni að hann segir eina uppákomuna í þáttunum „eitt eftirminnilegasta atvik í íslensku sjónvarpi“. Hlýtur þar gjörvöll fjörutíu ára saga íslensks sjónvarps að liggja til grundvallar og má hún teljast heldur fábrotin ef atvik úr batsjelornum er meðal þeirra eftirminnilegustu. bjorn@frettabladid.is
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað: 106. tölublað (21.04.2006)
https://timarit.is/issue/271660

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.

106. tölublað (21.04.2006)

Aðgerðir: