Fréttablaðið - 21.04.2006, Blaðsíða 55

FÖSTUDAGUR 21. apríl 2006 39
[UMFJÖLLUN]
TÓNLIST
Hvað gerðist? Hvernig er það
mögulegt að sami maður og hefur
þegar fært okkur tvær skotheldar
plötur geti mögulega sætt sig við
að gefa út heila breiðskífu af upp-
fyllingarefni?
Þessi plata er eins og ávaxtasafi
þar sem búið er að skipta út öllum
safa úr ávöxtum fyrir rotvarnar-
efni og sykur.
Það er mjög undarleg upplifun að
renna þessari nýju afurð Mike
Skinners í gegn. Þetta hljómar
eins og The Streets, meira að
segja kannski einum um of. Það er
eins og Mike nenni ekki að gefa
sér tíma til þess að þefa upp ný
sömpl eða nenni ekki að gefa sér
tíma til þess að finna sér ný tæki
til að vinna á. Kannski róast
einhverjir aðdáendur við það að
heimsækja þennan kunnuglega
hljóðheim í þriðja skiptið. Nema
hvað í þetta skiptið sárvantar lög
sem hreyfa við manni og textarnir
eru orðnir merkilega linir. Skinner
virðist geta fundið fátt annað að
semja um en kókaín, kellingar og
hversu erfitt það sé að vera
frægur. Það er ekkert svalt við
þessa plötu, sem kemur alveg
ótrúlega á óvart miðað við fyrri
sigra. Flestir textarnir hljóma
bara eins og bitrar vangaveltur
frá manni sem er gjörsamlega
búinn að missa allt jafnvægi úr
eigin lífi. Það lítur út fyrir að
Skinner hafi frekar viljað gefa út
plötu strax, til þess að minna á sig
og viðhalda glansímynd sinni í
stað þess að bíða eftir því að verða
fyrir innblæstri. Eina lagið sem
ég hef einhverjar taugar til á
þessari plötu er Never Went to
Church, sem er óður Skinners til
látins föður síns. Undirspilið þar
minnir nokkuð á Bítlalagið Let it
Be, án efa viljandi gert af virð-
ingu við minningu pabba. Þar
virðist sem hann hafi loksins náð
einhverri tengingu við sitt innra
sjálf og hann nær að hljóma
heiðarlegur. Svo eru ágætir
punktar í Two Nation sem fjallar
um muninn á Bretum og Könum.
Restin er bara rusl.
Ef það er eitthvað að marka
textana á þessari nýju plötu, þá er
augljóst hvað hefur orðið um
hæfileika hans. Þeim hefur verið
ýtt út af borðinu til þess að skapa
meira rými fyrir kókaínrendurnar.
Herra Skinner, persónulega vildi
ég óska þess að þú slappaðir
aðeins af og gæfir þér tíma til
þess að finna sjálfan þig á ný. Að
minnsta kosti væri fínt ef þú
hættir að röfla um hversu erfitt
lífið sé í stöðugu kókaínpartíi og
drullaðir þér í meðferð. Þú átt að
geta svo miklu, miklu betur en
þetta. Ef ég fengi að gefa stjörnur,
myndi ég gefa þér hálfa... bara
fyrir þetta eina lag.
Birgir Örn Steinarsson
Skinner missir kúlið
THE STREETS: THE HARDEST WAY TO
MAKE AN EASY LIVING
NIÐURSTAÐA:
Þriðja breiðskífa The Streets er hrein og klár
vonbrigði. Fljótfærnisleg útgáfa frá listamanni
sem hefði frekar átt að bíða þangað til hann
hefði upp á eitthvað áþreifanlegt að bjóða,
eins og góð lög og texta.
Það verður efnt til tónlistarspuna í
Tjarnarsal Ráðhússins síðdegis í
dag þar sem fjórar spunasveitir
munu koma fram og spila óvæntar
blöndur af alls konar músík. „Þetta
er svolítil breyting úr opnum spuna-
kvöldum sem við höfum áður haldið,
því nú inniheldur dagskráin fyrir-
fram ákveðin atriði og þetta eru því
meiri tónleikar,“ segir Gunnar
Grímsson sem hefur starfað með
Magnúsi Jenssyni í Spuna síðan
1993. Þeir félagar hafa staðið fyrir
um eitt hundrað spunauppákomum
en spuni er ört vaxandi grein í
tónlistarsenu Reykjavíkur.
„Þetta er allt fólk sem hefur
verið virkt í spunaspilamennsku
síðustu árin en hópurinn er mjög
fjölbreyttur - allt frá atvinnu-
tónlistarmönnum til fólks sem er
meira og minna þekkt fyrir eitthvað
allt annað.“ Tónlistarfólkið er á
öllum aldri, hátt í tuttugu manns
munu taka þátt í dagskránni en
spunasveitirnar Strengir Mithra,
úþð, Kyrtlarnir frá Kaíró og Svimi
munu skipta henni á milli sín en
áherslan verður á fjölbreytni og til-
urð góðrar tónlistar.
„Það verður spilað á allan
skalann og alls konar hljóðfæri, á
hefðbundin blásturshljóðfæri, gítar,
bassa og trommur og líka furðuleg
elektrónísk hljóðfæri sem jafnvel
spila sjálf,“ útskýrir Gunnar.
Spunakvöldið er í tengslum við
sýningu Arkitektafélags Íslands á
útskriftarverkefnum arkitekta sem
nú stendur yfir í Tjarnarsal Ráð-
hússins en tónleikarnir hefjast
stundvíslega kl. 17. -khh
Svimi í Tjarnarsal
UNDRASAMSETNINGAR OG ÓVÆNTIR
TÓNAR Spunadagskrá síðdegis í dag
HVAÐ? HVENÆR? HVAR?
APRÍL
18 19 20 21 22 23 24
Föstudagur
■ ■ TÓNLEIKAR
 16.00 Fyrsti bræðingur
Jazzakademíunnar í
Stúdentakjallaranum. Framverðir
yngstu kynslóðarinnar í íslenskum
djassi, þeir Davíð Þór Jónsson
píanóleikari og Valdimar Kolbeinn
Sigurjónsson kontrabassaleikari
úr Flís, gíra upp mannskapinn.
Aðgangur er ókeypis.
 20.00 Birna Hallgrímsdóttir
heldur útskriftartónleika í Salnum í
Kópavogi og leikur verk eftir Haydn,
Liszt, Janacék og Debussy á píanó.
 21.15 Björn Thoroddsen og
Jón Rafnsson leika á Jazzhátíð
í Garðabæ ásamt klarinettusnill-
ingnum Jörgen Svare. Tónleikarnir
verða haldnir í sal Tónlistarskóla
Garðabæjar í Kirkjulundi 11.
 Jazzorgeltríóið B-3 leikur á
Hammond-hátíð á Djúpavogi.
■ ■ LEIKLIST
 20.00 Hugleikur sýnir leik-
ritið Systur eftir Þórunni
Guðmundsdóttur í
Möguleikhúsinu við Hlemm. Systur
njóta sérkjara á sýningarnar, aðeins
er greitt fyrir eina á hverja sýningu.
Bræður eiga ekki kost á slíku nema
þeir kjósi að villa á sér heimildir.
 20.00 Leikfélag MH sýnir
Íslenska fjölskyldusirkusinn
í Verinu í Loftkastalanum við
Seljaveg. Leikstjóri er Sigrún Sól
Ólafsdóttir.
■ ■ SKEMMTANIR
 23.00 Halli og Kalli spila í
Klúbbnum við Gullinbrú.
 Lúdó og Stefán spila á
Kringlukránni.
■ ■ SÍÐUSTU FORVÖÐ
 12.00 Málverkasýning Helgu
Egilsdóttur í galleríi Animu í
Ingólfsstræti 8. Síðasta sýningar-
helgi á sýningunni huginn.
 13.00 Síðasta sýningarhelgi
í Gerðasafni. Á sýningunni
Tærleikar eru verk finnsku lista-
konunnar Elinar Brotherus, Þórs
Vigfússonar og Rúríar.
■ ■ MÁLÞING
 10.15 Ráðstefna Norræna
fyrirbærafræðifélagsins (Nordic
Society for Phenomenology) hefst í
Háskóla Íslands. Um helgina verða
flutt fjögur aðalerindi og rúmlega
40 málstofuerindi en ráðstefnan
fer fram í Lögbergi og Öskju.
Ráðstefnan er öllum opin.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.