Fréttablaðið - 21.04.2006, Blaðsíða 65

FÖSTUDAGUR 21. apríl 2006 49
GOLF Besti kylfingur heims, Tiger
Woods, hefur tekið sér ótímabund-
ið frí frá íþróttinni svo hann geti
eytt tíma með föður sínum, Earl
Woods, sem virðist vera að heyja
sína lokabaráttu við krabbamein
og er honum ekki hugað líf mikið
lengur. Tiger hefur engu að síður
staðfest að hann muni taka þátt á
opna bandaríska meistaramótinu,
US Open, sem fram fer í júní.
„Það er allt upp í loft heima hjá
mér þannig að ég veit ekki
nákvæmlega hvað gerist. Faðir
minn berst áfram og er ekki búinn
að gefast upp enda mikill baráttu-
jaxl og í raun er hann gangandi
kraftaverk,“ sagði Tiger sem er
staddur í Nýja-Sjálandi til að vera
viðstaddur brúðkaup kylfusveins
síns, Steve Williams.
Woods mun væntanlega ekki
taka þátt í US Open án undirbún-
ings og því spurning hvenær hann
mætir næst á völlinn en US Open
hefst 15. júní.
Tiger hefur unnið tíu risamót á
ferlinum og mun eltast við ellefta
titilinn í júní en það mót mun
eflaust falla í skuggann af HM.
- hbg
Tiger Woods tekur sér ótímabundið frí frá golfinu:
Dvelur hjá dauðvona
föður sínum
NÁNIR FEÐGAR Tiger og faðir hans Earl hafa ávallt verið mjög nánir. FRÉTTABLAÐIÐ/GETTY IMAGES
FÓTBOLTI Frakkinn Robert Pires
hjá Arsenal greindi frá því eftir
fyrri leik Arsenal og Villarreal í
undanúrslitum meistaradeildar
Evrópu að hann væri búinn að fá
tveggja ára samningstilboð frá
spænska félaginu.
Pires, sem er 32 ára, er samn-
ingslaus í sumar og viðræður við
Arsenal hafa gengið illa þar sem
enska félagið hefur aðeins viljað
bjóða honum eins árs samning.
„Villarreal er til í að bjóða mér
tveggja ára samning,“ sagði Pires
við spænska blaðið AS. „Það sem
skiptir mestu nú er að koma Ars-
enal í úrslit meistaradeildarinnar.
Ef þess verður þörf mun ég tala
við forráðamenn Villarreal í kjöl-
farið.“ - hbg
Robert Pires opnar sig:
Með tilboð frá
Villarreal
ROBERT PIRES Hugsanlega að leika sitt
síðasta tímabil með Arsenal.
FRÉTTABLAÐIÐ/GETTY IMAGES
FÓTBOLTI Paul Scholes, miðjumað-
ur Man. Utd, hefur sett stefnuna á
að spila með Manchester United á
næstu leiktíð þó hann eigi við sjón-
vandamál að stríða. Scholes á það
til að sjá allt í móðu án nokkurs
fyrirvara og það segir sig sjálft að
erfitt er að leika knattspyrnu við
slíkar aðstæður.
Hann hefur ekkert leikið síðan
í desember er hann var loks
greindur en þessi sjúkdómur er
mjög sjaldgæfur. „Ég er bara að
hugsa um tímabil. Ég er búinn að
hvíla í fjóra mánuði og ég veit ekki
hvort ég verði fullkomlega góður
af þessu en ég ætti að vera klár í
slaginn í byrjun næsta tímabils,“
sagði Scholes. - hbg
Paul Scholes:
Horfir til
næstu leiktíðar
PAUL SCHOLES Er með sjaldgæfan augn-
sjúkdóm. FRÉTTABLAÐIÐ/GETTY IMAGES
HLAUP Fræknasti hjólreiðamaður
sögunnar, Bandaríkjamaðurinn
Lance Armstrong, hefur sett
stefnuna á að hlaupa New York-
maraþonið sem fram fer 5. nóv-
ember næstkomandi.
Armstrong læsti hjólið inni í
skúr eftir að hafa unnið Tour de
France sjö ár í röð, en það hefur
engum öðrum tekist, og er nú til í
nýjar áskoranir.
„Ég hef verið að æfa en ekkert
alvarlega,“ sagði hinn þindarlausi
Armstrong sem sigraði Tour de
France-keppnirnar eftir að hafa
sigrað í baráttunni við krabba-
mein en hann fékk krabbamein í
eistun. „Ég er bara að æfa til þess
að fylla upp í tómarúm í lífi mínu
eftir að ég hætti að keppa.“ - hbg
Lance Armstrong:
Með í NY
maraþoninu?