Fréttablaðið - 21.04.2006, Blaðsíða 62

46 21. apríl 2006 FÖSTUDAGUR
sport@frettabladid.is
HANDBOLTI Stjórn handknattleiks-
deildar FH gerði sér lítið fyrir á
dögunum og nýtti uppsagnar-
ákvæði í samningum leikmanna
félagsins. Allir leikmenn félags-
ins, bæði í karla og kvennaflokki,
eru því án samnings og í raun
frjálst að semja við hvaða lið sem
er.
„Ef við ætluðum að segja upp
samningum við leikmenn varð það
að gerast fyrir 15. apríl og þetta er
varúðarráðstöfun hjá okkur því ef
við lendum í neðri hlutanum í karl-
aboltanum er ljóst að tekjurnar
munu minnka stórlega og ekki víst
að við getum í kjölfarið staðið við
gerða samninga. Rekstrarum-
hverfið í neðri deildinni er þess
eðlis að það væri ekki ábyrg fjár-
málastjórnun hjá okkur að grípa
ekki til þessara aðgerða núna. Ef
við hefðum ekki gert þetta þá
hefði deildin einfaldlega farið á
hausinn næsta vetur að því gefnu
að við leikum í neðri hlutanum,“
sagði Örn Magnússon, formaður
handknattleiksdeildar FH, við
Fréttablaðið í gær en félagið sagði
ekki upp samningum við þjálfara
liðanna, þá Atla Hilmarsson og
Kristján Halldórsson.
„Við verðum að gera hlutina
öðruvísi ef við lendum í neðri hlut-
anum og munum semja á þeim
forsendum sem liggja fyrir í lok
tímabilsins. Þetta er ekki gert
samt bara fyrir okkur heldur erum
við einnig að gera þetta fyrir leik-
menn því það er ekkert víst að
allir leikmenn liðsins vilji spila í
neðri hlutanum næsta vetur,“
sagði Örn sem neitar því ekki að
skuldastaða félagsins sé mjög
slæm og að reksturinn sé þungur.
Fréttablaðið hefur heyrt að deild-
in skuldi í kringum 40 milljónir
króna en Örn vildi ekki staðfesta
þá tölu. „Ég held að það sé orðum
aukið en skuldastaðan er vissu-
lega slæm og í endurskoðun. Ég
vil ekki segja hver skuldastaðan
er nákvæmlega en hún er erfið.“
Örn segir að það sé enginn dans
á rósum að reka handknattleiks-
deildina sem sé í samkeppni við
Íslandsmeistara Hauka í hand-
bolta og Íslandsmeistara FH í fót-
bolta um styrktaraðila og annað.
Þó staðan sé slæm á Örn samt ekki
von á því að stjórnin muni stökkva
frá borði fari svo að liðið lendi í
neðri hlutanum.
„Það er engan bilbug á okkur
að finna en þetta er erfitt þar sem
allur tíminn fer í að leita að pen-
ingum. Við erum að skoða hvaða
möguleikar eru í stöðunni núna en
við trúum því að við verðum samt
í efri hlutanum. Félag eins og FH á
ekki að vera í svona basli og von-
andi náum við úrvalsdeildarsæti
því FH á heima á meðal þeirra
bestu,“ sagði Örn. henry@frettabladid.is
Handknattleiksdeildin ákvað að
segja upp öllum samningum
Handknattleiksdeild FH hefur sagt upp samningum allra leikmanna meistaraflokks félagsins, bæði í karla-
og kvennaflokki. Formaðurinn segir aðgerðina nauðsynlega enda standi handknattleiksdeildin illa fjár-
hagslega. Talað er um að deildin skuldi 40 milljónir króna en formaðurinn segir það orðum aukið.
VILJA EKKI HEYRA SLÆMAR FRÉTTIR? Ásdís Sigurðardóttir og stöllur hennar í FH eru allar
án samnings rétt eins og leikmenn meistaraflokks karla. FRÉTTABLAÐIÐ/PJETUR
Markvörðurinn Florentina Grecu, sem
leikið hefur með ÍBV síðustu tvö ár, segir
að það séu 80% líkur á að hún spili
með liði Stjörnunnar á næstu leiktíð.
Grecu hefur ekki enn skrifað undir
samning við félagið, öfugt við það sem
forráðamenn ÍBV hafa haldið fram, en
viðurkennir að hana langi til að breyta
um umhverfi.
„Þetta er ekki alveg komið á hreint en
það er langlíkegast að ég fari til Stjörn-
unnar. Ég er búinn að vera í Eyjum í tvö
góð ár og langar til að breyta til og flytja
til Reykjavíkur,“ útskýrir Grecu, en samn-
ingur hennar við ÍBV rennur út í sumar
og er hún því frjáls ferða sinna.
Grecu, sem hefur verið í hópi bestu
markmanna landsins frá því að hún
kom fyrst, hefur fengið fjölmörg tilboð
frá félögum í öðrum löndum,
m.a. Þýskalandi, Dan-
mörku, Spáni, Rúmeníu
og fleiri löndum. Hún
býst þó ekki við að fara
af landi brott. „Mér líður
vel á Íslandi og
svo er mað-
urinn minn
í þeirri
aðstöðu að það er best fyrir hann að
vera á Íslandi,“ sagði Grecu.
Sem kunnugt er voru forráðamenn ÍBV
ekki sáttir við vinnubrögð Stjörnunnar
í þessu máli og sökuðu félagið um að
ræða ólöglega við samningsbundinn
leikmann. Grecu ítrekar að hún hafi
ekki átt samskipti við neinn inn-
anbúðar hjá Stjörnunni. „Ég er
með góðan umboðsmann
sem vinnur í mínum
málum og tala aðeins
við hann. Það var frá
honum sem ég frétti
af áhuga Stjörnunnar,“
segir hún en kæra frá ÍBV
liggur enn á borði HSÍ og
verður tekin fyrir á næstunni.
FLORENTINA GRECU: MUN LÍKLEGA STANDA Í MARKI STJÖRNUNNAR Á NÆSTU LEIKTÍÐ:
Mig langar að breyta um umhverfi
> Heyrst hefur...
... að verulegur skjálfti sé í herbúðum
KR-sports enda hefur gengi meist-
araflokks KR verið langt fyrir neðan
væntingar. Liðið hefur tapað hverjum
leiknum á fætur öðrum
á undirbúningstíma-
bilinu og tap gegn 1.
deildarliði Fram í gær var
síðan sérlega erfitt að
kyngja. Stuðnings-
menn KR eru því
farnir að búa
sig undir komu
útlendinga rétt
fyrir tímabil
og fá sumir
stuðningsmannanna
hroll niður bakið við
tilhugsunina enda
gleymast menn á
borð við Moussa
Dagnogo og Sergio
Ommel seint.
Wilkins fylgdist með
Ray Wilkins, hinn gamalreyndi þjálfari
úr enska boltanum og núverandi
þjálfari hjá Millwall, var á meðal
áhorfenda á leik KR og Fram í deilda-
bikarnum í gær. Eins og kunnugt er
eiga KR og Millwall í samstarfi en
Wilkins var á landinu til að ganga frá
lausum endum í tengslum við heim-
sókn Milwall til Íslands í sumar.
FÓTBOLTI Riðlakeppni í deildabikar
karla er lokið en fjögur lið komust
upp úr tveimur riðlunm í A-deild.
Það voru ÍBV og FH sem komust
upp úr riðli eitt og Keflavík og Þór
komust upp úr riðli númer tvö.
Þórsarar komu mikið á óvart
en þrátt fyrir að skora aðeins níu
mörk í sjö leikjum leika Þórsarar í
undanúrslitum þar sem þeir mæta
Íslandsmeisturum FH sem tryggði
sér efsta sætið í 1. riðli með 5-2
sigri á Fjölni í gær.
Leikur FH og Þórs verður leik-
inn á þriðjudaginn í næstu viku en
Keflavík og ÍBV mætast í Egils-
höllinni á fimmtudaginn. Úrslita-
leikurinn sjálfur fer svo fram 1.
maí á Stjörnuvelli. - hþh
Deildabikar karla:
Riðlakeppni A-
deildar lokið
HART BARIST Það voru engin vettlingatök
sýnd í leik ÍA og Keflavíkur í gær. Hér sækir
Hólmar Örn Rúnarsson fast að Dean Mart-
in. FRÉTTABLAÐIÐ/STEFÁN