Fréttablaðið - 22.02.2008, Qupperneq 42

● fréttablaðið ● suðurland 22. FEBRÚAR 2008 FÖSTUDAGUR6
Fyrirhugað er að reisa bjórverk-
smiðju í Vestmannaeyjum eftir
því sem fram kemur á fréttavefn-
um suðurlandið.is. Gera áætlan-
ir ráð fyrir að verksmiðjan geti
framleitt 320 þúsund lítra á ári og
hefur bjórinn þegar fengið nafn-
ið Volcano-bjór enda framleiddur
í návígi við eldstöð.
Gert er ráð fyrir að fyrsti bjór-
inn verði tilbúinn í byrjun sumars
á þessu ári en enn er verið að leita
að heppilegu húsnæði undir starf-
semina.
Haft er eftir Björgvini Þór Rún-
arssyni, öðrum eigenda 2B Comp-
any, að áhugi sé fyrir því að verk-
smiðjan fari í nýtt húsnæði sem
verður byggt á lóð við Græðis-
braut, nánar tiltekið við gömlu
smurstöðina. Þó er ekkert fast í
hendi enn sem komið er og vel
getur verið að einhver töf verði á
framkvæmdinni og þá opnun bjór-
verksmiðjunnar.
Eldfjallabjór í Eyjum
Bjór verður framleiddur í Eyjum á árinu.
● NÝTT ÍBÚÐAHVERFI VIÐ FLÚÐIR
Lítið framboð hefur verið á lóðum á Flúðum hin síðari ár. Nú sér fyrir
endann á þeim vanda enda búið að leggja fram fyrstu drög að tillögu
um íbúðabyggð í landi Laxárhlíðar. Þar er gert ráð fyrir 57 íbúðum í
einbýlishúsum, parhúsum og fjölbýli en stefnt er á að lóðirnar komist í
gagnið með haustinu.
Fyrir utan framtíðarlóðir við Laxárhlíð eru nú nokkrar lóðir á lausu í
Hofatúni sem brátt er fullbyggt og hugmyndir eru um að ljúka gatna-
framkvæmdum þar í ár eða á næsta ári. Einnig er verið að skoða gatna-
framkvæmdir í öðrum hverfum þar sem enn er ekki komið varanlegt
slitlag á götur. Einnig eru lausar lóðir í Högnastaðaás en þar er gert ráð
fyrir tveggja hæða húsum. Þá eru einnig lausar iðnaðarhúsalóðir, ein
garðyrkjulóð og hesthúsalóðir í hesthúsahverfinu.
Flúðir
Í Vestmannaeyjum er fjölskrúðugt
frumkvöðlastarf. Eyjaköfun, köfunar-
skóli, er eitt þeirra nýju verkefna sem
fram undan eru og mun skólinn hefja
starfsemi í vor.
„Köfunarskólinn mun verða með mjög
fjölbreytta starfsemi og verður eini sinn-
ar tegundar hér á landi,“ segir Páll Mar-
vin Jónsson, sjávarlíffræðingur við Há-
skóla Íslands í Vestmannaeyjum og
kafari, sem er í undirbúningshóp köfun-
arskólans í Vestmannaeyjum.
Verkefnið er þverfaglegt samstarf
stofnana og fyrirtækja og meðal mark-
miða er fjölbreyttari ferðaþjónusta og
aukið framboð í fræðslu og menntun í
samvinnu við Háskóla Íslands. „Starf-
semin skiptist má segja í tvennt. Annars
vegar verður í boði köfun fyrir ferða-
menn sem afþreying. Það er engin köfun-
arþjónusta á Suðurlandinu að höfuðborg-
arsvæðinu undanskildu og því mikil eftir-
spurn,“ útskýrir Páll og heldur áfram:
„Hins vegar er í boði þríþætt nám. Fyrst
er það almennt sportköfunarnámskeið
sem gefur réttindi til köfunar niður á
átján metra dýpi hvar sem er í heimin-
um. Síðan eru námskeið sem ganga út á
atvinnuköfun og veita réttindi til rann-
sókna og björgunar. Í þriðja lagi eru það
námskeið sem veita einingar í sjávarlíf-
fræði við Háskóla Íslands. Þar er meðal
annars farið í aðferðafræði, greiningu og
sýnatöku, ásamt dýrafræði neðansjávar
og sjávarvistfræði,“ segir Páll og bætir
við að einnig verði komið á samstarfi við
Framhaldsskólann í Vestmannaeyjum.
Náttúran neðansjávar við Vestmanna-
eyjar er bæði tilkomumikil og fjöl-
skrúðug að sögn Páls sem hlakkar til að
bjóða gestum í kaf. „Það er mikil eftir-
spurn meðal ferðamanna eftir köfunar-
þjónustu í Eyjum. Þjónusta fyrir ferða-
menn hefst í vor ef allt gengur eftir
áætlun. Sjálft námið er enn á teikniborð-
inu og það skýrist von bráðar hvenær
það hefst,“ segir Páll sem vílar ekki fyrir
sér að kafa í köldum sjónum við Íslands-
strendur. „Ég lærði köfun í Þrándheimi
í Noregi. Þar þurfti ég að hoppa í sjóinn
í höfninni í kulda og kolniðamyrkri sem
eru ekki spennandi köfunaraðstæður. Að-
staðan í Eyjum er mun betri. Sjórinn á
Íslandi er alltaf 4-13 gráður, bæði sumar
og vetur, en það er ekkert vandamál í
góðum þurrbúningi,“ segir Páll. -rh
Á bólakaf í Vestmannaeyjum
Margrét Lilja Magnúsdóttir, Sigurmundur Gísli Einarsson, Páll Marvin Jónsson, starfsfólk Kafaraskólans,
ásamt Jóni Marvini Pálssyni sem brá sér í kafarabúning. MYND/ÓSKAR P. FRIÐRIKSSON
Fjölbreyttar og skemmtilegar sýningar mánaðarlega.
9. feb. – 16. mars.
Þetta vilja börnin sjá – myndskreytingar úr íslenskum
barnabókum.
Upplýsingamiðstöð ferðamanna.
Sumaropnun alla daga kl. 9-19 · Vetraropnun um helgar kl. 13-17
Aðrir tímar samkvæmt samkomulagi
Köfunarskólinn í Eyjum verður sá eini sinnar teg-
undar á Íslandi.