Fréttablaðið - 22.02.2008, Qupperneq 75

FÖSTUDAGUR 22. febrúar 2008 43
HANDBOLTI Aron Kristjánsson
hefur hafnað boði HSÍ um að ger-
ast landsliðsþjálfari í handknatt-
leik. Hann er fjórði þjálfarinn sem
segir nei við HSÍ en áður höfðu
Magnus Andersson, Dagur Sig-
urðsson og Geir Sveinsson gefið
sama svar og Aron.
HSÍ er þar með komið aftur á
byrjunarreit í leitinni endalausu
að arftaka Alfreðs Gíslasonar.
Einar Þorvarðarson, fram-
kvæmdastjóri HSÍ, fór utan til
Þýskalands í gær til þess að hitta
Alfreð Gíslason, meðal annars
vegna landsliðsmálanna. Alfreð
hefur verið HSÍ innan handar upp
á síðkastið og nú hefur verið kall-
að á hann til að koma af fullum
krafti í björgunarleiðangur.
Alfreð þekkir betur til en marg-
ir aðrir í handboltaheiminum og
er ákaflega vel tengdur. Hann
hefur stungið upp á einhverjum
nöfnum sem hann telur vert að
skoða og mun nú hjálpa Einari í
viðræðum við líklega kandídata.
Eftir því sem Fréttablaðið kemst
næst er enginn einn ákveðinn
þjálfari í sigtinu sem stendur og
ætlar HSÍ að heyra hljóðið í nokkr-
um og vega síðan og meta þá
möguleika sem þeir standa frammi
fyrir. Annar möguleiki sem einnig
hefur ekki verið útilokaður er að
ræða við Guðmund Guðmundsson,
fyrrverandi landsliðsþjálfara.
Aron segir að það hafi verið
mjög erfitt að segja nei við HSÍ en
hann hafi hreinlega ekki getað
hlaupið á brott frá skuldbinding-
um sínum við Hauka.
„Ég hafði mikinn áhuga á starf-
inu. Það lá samt fyrir að ég gat
ekki sinnt báðum störfum og get
ekki hlaupið frá hálfkláruðu verki
hér hjá Haukunum. Ég er vel til í
að þjálfa landsliðið en tímasetn-
ingin hentar mér því miður engan
veginn. Svo á ég líka von á mínu
þriðja barni í lok júlí og ef við
værum að fara á ólympíuleika þá
myndi ég missa af því líka,“ sagði
Aron í gær. - hbg
Aron Kristjánsson hafnaði HSÍ og framkvæmdastjórinn floginn til Þýskalands að ráðfæra sig við Alfreð:
Alfreð í björgunarleiðangur fyrir HSÍ
ALFREÐ TIL BJARGAR? Alfreð Gíslason, fyrrverandi landsliðsþjálfari, mun gegna lykilhlutverki í því að finna hæfan erlendan þjálf-
ara fyrir íslenska handboltalandsliðið. Hann sést hér með Einari Þorvarðarsyni, framkvæmdastjóra HSÍ, sem er farinn út til Kölnar
þar sem hann fer yfir stöðuna með Alfreð. FRÉTTABLAÐIÐ/PJETUR
FÓTBOLTI Hinn 34 ára gamli Ryan
Giggs, leikmaður Manchester
United, hefur hug á að fara út í
þjálfun eftir knattspyrnuferilinn
en það fullyrðir Osian Roberts,
tæknilegur ráðgjafi velska
knattspyrnusambandsins.
„Ryan hefur komið að máli við
okkur og hyggst hann taka UEFA-
A leyfi til þjálfunar hjá velska
knattspyrnusambandinu næsta
sumar. Það eru auðvitað frábærar
fréttir fyrir okkur og fótbolta-
heiminn að leikmaður á borð við
hann ætli sér að halda áfram í
fótboltanum,“ sagði Roberts.
Giggs virðist hins vegar vera
langt frá því að hafa sagt sitt
síðasta inni á vellinum; hann er
enn mikilvægur hlekkur í liði
Englandsmeistara United og lék
sinn 100. leik í Meistaradeild
Evrópu í fyrrakvöld.
Margir fyrrverandi leikmanna
United, undir stjórn Sir Alex
Ferguson, hafa sest í stól
knattspyrnustjóra; menn á borð
við Gordon Strachan, Steve
Bruce, Paul Ince, Bryan Robson,
Roy Keane og Mark Hughes. - óþ
Ryan Giggs, Man. Utd:
Ætlar að þjálfa
í framtíðinni
ÞJÁLFARAEFNI Ryan Giggs hyggst leggja
fyrir sig þjálfun þegar hann leggur skóna
á hilluna. NORDIC PHOTOS/GETTY
FÓTBOLTI Paul Gascoigne, betur
þekktur sem Gazza, fyrrverandi
atvinnumaður í knattspyrnu, var
handtekinn eftir að hafa orðið
valdur að ólátum á Hilton Hóteli í
Newcastle á Englandi í fyrra-
kvöld. Gazza var í fyrstu færður í
gæsluvarðhald vegna brots á
lögum sem falla undir geðræna
hegðun og var hann síðar í
aðhlynningu á sjúkrahúsi.
„Umræddur gestur sýndi ekki
mótspyrnu þegar lögreglan fylgid
honum út af hótelinu og við erum
í fullri samvinnu við lögregluna í
málinu,“ sagði í yfirlýsingu frá
viðkomandi hóteli í gær.
Gazza hefur í gegnum tíðina átt
í erfiðleikum með áfengisnotkun
sína; var árið 2005 lagður inn á
sjúkrahús eftir að hafa drukkið
ótæpilega og sama var uppi á
teningnum á fertugsafmæli
kappans. Gazza hafði hins vegar
óumdeilda hæfileika og einstakt
keppnisskap þegar hann var upp
á sitt besta. - óþ
Gascoigne í vandræðum:
Var handtekinn
vegna óláta