Fréttablaðið - 19.04.2008, Qupperneq 90

62 19. apríl 2008 LAUGARDAGUR
FÓTBOLTI Fallbarátta ensku úrvals-
deildarinnar stendur nú sem hæst
og þar eru Íslendingaliðin Bolton
og Reading í vafasömum málum.
Grétar Rafn Steinsson og Heið-
ar Helguson verða líklega báðir í
byrjunarliði Bolton sem heim-
sækir Middlesbrough á River-
side-leikvanginn í dag. Grétar
Rafn hefur verið fastamaður í
byrjunarliðinu síðan hann var
keyptur til félagsins frá AZ Alk-
maar í janúar og þykir hafa staðið
sig mjög vel en Heiðar hefur ekki
náð að festa sig í sessi í liðinu
eftir að hafa jafnað sig af meiðsl-
um. Heiðar mun þó eins og segir
líklega fá tækifæri í byrjunarlið-
inu að þessu sinni í fjarveru
Kevin Davies sem tekur út leik-
bann.
Bolton er sem stendur í 18. sæti
þegar fjórir leikir eru eftir og
þarf nauðsynlega á stigum að
halda gegn Middlesbrough til að
fylgja eftir sigri sínum gegn West
Ham um síðustu helgi.
Ívar Ingimarsson verður án
vafa á sínum stað í byrjunarliði
Reading þegar liðið mætir Arsen-
al á Emirates-leikvanginum í dag
og Brynjar Björn Gunnarsson
verður líklega í leikmannahópn-
um í fyrsta skipti síðan í lok síð-
asta árs eftir að hafa náð sér að
fullu eftir aðgerð á nára. Ef
Brynjar Björn leikur með Reading
í dag verður það 300. leikurinn
sem hann spilar á Englandi en
þessa leiki hefur hann spilað með
Reading, Stoke, Nottingham
Forest og Watford.
Aldrei unnið Arsenal
Reading á erfitt verkefni fyrir
höndum; hefur tapað öllum þrem-
ur leikjum sínum gegn Arsenal í
ensku úrvalsdeildinni og þess
utan hefur liðið nú ekki skorað
mark í 281 mínútu. Gengi Arsenal
hefur vissulega verið niður á við
upp á síðkastið en það breytir því
ekki að liðið hefur aðeins tapað
einum af fimmtíu og þremur
leikjum sínum síðan það hóf að
leika á Emirates-leikvanginum.
Arsenal hefur enn fremur unnið
tuttugu leiki í ensku úrvalsdeild-
inni á þessu tímabili en Reading
hefur tapað þar tuttugu leikjum
þannig að það er óhætt að segja
að tölfræðin sé ekki á bandi þeirra
Ívars og Brynjars.
omar@frettabladid.is
Íslendingaliðin í vafasömum málum
Bolton-mennirnir Grétar Rafn Steinsson og Heiðar Helguson eru á kafi í fallbaráttu ensku úrvalsdeildar-
innar ásamt Ívari Ingimarssyni og Brynjari Birni Gunnarssyni hjá Reading. Íslendingaliðin verða í eldlín-
unni í dag þegar Bolton mætir Middlesbrough og Reading heimsækir Arsenal á Emirates-leikvanginn.
HARÐUR Í HORN AÐ TAKA Grétar Rafn Steinsson hefur ekki farið neinum vettlinga-
tökum um stórstjörnur ensku úrvalsdeildarinnar og hér fær Martin Petrov flugferð í
leik Bolton og Manchester City á dögunum. NORDIC PHOTOS/GETTY
FÓTBOLTI Rafa Benitez, knatt-
spyrnustjóri Liverpool, svaraði
fullum hálsi beiðni Gary Megson,
starfsbróður síns hjá Bolton, þess
efnis að Spánverjinn ætti að stilla
upp sínu sterkasta liði gegn
Fulham í dag út af virðingu við
önnur lið í fallbaráttunni.
„Ég verð vissulega með hugann
við leikinn gegn Chelsea í
Meistaradeildinni á þriðjudag og
það eru ákveðnir leikmenn sem
ég get ekki tekið áhættu með í
leiknum gegn Fulham. Ég mun
samt stilla upp liði sem ég tel að
geti sigrað Fulham,“ sagði
Benitez, sem hlaut mikla gagn-
rýni frá Neil Warnock, þáverandi
stjóra Sheffield United, eftir að
Liverpool beið ósigur gegn
Fulham á svipuðum tímapunkti í
deildinni í fyrra.
„Það kom vissulega upp svipuð
staða í fyrra þegar ég hvíldi
nokkra lykilmenn gegn Fulham,
við töpuðum leiknum og aðstand-
endur Sheffield United urðu
brjálaðir. En hvað gerði Sheffield
United í síðasta leik tímabilsins,
liðið tapaði leiknum og stundum
tel ég að liðin þurfi að líta í eigin
barm áður en þau skammast í
öðrum,“ sagði Benitez á blaða-
mannafundi í gær. - óþ
Rafa Benitez, Liverpool:
Svarar Megson
fullum hálsi
FORGANGSRÖÐUN Benitez hvílir lykil-
menn gegn Fulham í dag fyrir leikinn
gegn Chelsea. NORDIC PHOTOS/GETTY
FÓTBOLTI Sir Alex Ferguson,
knattspyrnustjóri Englandsmeist-
ara Manchester United, tilkynnti
á blaðamannafundi í gær að Rio
Ferdinand, Michael Carrick og
Wes Brown hefðu allir skrifað
undir nýja langtímasamninga við
United.
Fyrr í vikunni greindi Pini
Zahavi, umboðsmaður hins 29 ára
gamla Rio Ferdinand, frá því að
leikmaðurinn væri við það að
skrifa undir nýjan fimm ára
samning. Nú hefur það gengið í
gegn og telja breskir fjölmiðlar
að samningar Carricks og Browns
séu einnig til fimm ára.
Hinn 28 ára gamli Brown hafði
þegar neitað í það minnsta
þremur samningstilboðum frá
United og allt leit út fyrir að hann
myndi yfirgefa herbúðir félags-
ins á frjálsri sölu næsta sumar.
Honum hefur því greinilega
snúist hugur og Ferguson, sem
gagnrýndi Brown harðlega fyrir
að neita að skrifa undir, var
hæstánægður með að Brown
hefði loksins skrifað undir.
„Það er ekkert annað félag til
fyrir Wes Brown því hann er
United-maður í gegn og við
vissum að hann myndi skrifa
undir á endanum,“ sagði
Ferguson sáttur. - óþ
United semur við leikmenn:
Rio, Brown og
Carrick semja
NÝR SAMNINGUR Brown skrifaði loks
undir nýjan samning hjá United eftir
nokkurt þóf. NORDIC PHOTOS/GETTY