Fréttablaðið - 19.04.2008, Blaðsíða 10
19. apríl 2008 LAUGARDAGUR
MENNTUN Nýtt frumvarp um opin-
bera háskóla er á skjön við lýð-
ræðishefð Háskóla Íslands og ber
það með sér að sjónarmið nem-
enda voru virt að vettugi við gerð
þess. Þetta er mat stúdenta og
allra nefndarmanna menntamála-
ráðs, nema formannsins Sigurðar
Kára Kristjánssonar, sem tóku til
máls á málþingi um frumvarpið í
Háskóla Íslands í gær.
Lýstu þeir yfir mikilli óánægju
með þá breytingu að sjö manns
muni sitja í háskólaráði í stað tíu
áður og þar af verði aðeins einn
fulltrúi frá nemendum í stað
tveggja. „Mér þykir frumvarpið
bera þess merki að nemendur
voru ekki með í ráðum við samn-
ingu þess,“ sagði Katrín Júlíus-
dóttir, fulltrúi Samfylkingar í
menntamálanefnd. Hún sagði enn
fremur að nefndarmenn sem
hefðu unnið að frumvarpinu hefðu
ekki haft þekkingu á þeirri lýð-
ræðislegu hefð námsmanna
Háskóla Íslands.
Kristján Freyr Kristjánsson, frá
menntamálanefnd Stúdentaráðs,
lýsti einnig yfir áhyggjum stúd-
enta af þeirri breytingu sem gert
er ráð fyrir að fólk sem ekki starfi
í háskólanum verði í meirihluta í
háskólaráði. Sagði hann að með
frumvarpinu væri háskólaráði
einnig fengið lögformlegt hlut-
verk um að koma með tillögu til
ráðherra um hækkun skráningar-
gjalds. Í því skjóli gætu utanað-
komandi fulltrúar komið tillögu til
ráðherra um að hækka skráninga-
gjöld.
Katrín Júlíusdóttir sagði að
þessi breyting gæti ekki verið
mikilvæg þar sem upphæð skrán-
ingargjaldsins, 45 þúsund krónur,
væri lögbundin.
Sigurður Kári Kristjánsson,
fulltrúi Sjálfstæðisflokks í
menntamálanefnd og formaður
hennar, sagði að frumvarpið væri
aðeins í fyrstu umræðu og gæti
því tekið nokkrum breytingum.
Hvatti hann stúdenta til að koma
með tillögur þegar þeir fengju
frumvarpið til umfjöllunar.
Katrín sagðist ánægð með frum-
varpið en þó gætti skoðanaágrein-
ings hjá henni og hinum fulltrúa
stjórnarflokkanna og þótti Sigurði
Kára rétt að minna á að frumvarp-
ið væri runnið undan rifjum
stjórnarflokkanna beggja.
jse@frettabladid.is
Frumvarp gegn vilja
og hefð nemenda
Fulltrúar menntamálanefndar og stúdentar segja nýtt frumvarp um opinbera
háskóla stríða gegn lýðræðishefð Háskóla Íslands og bera þess merki að ekki
hafi verið haft samráð við nemendur.
FRÁ MÁLÞINGINU Í HÁSKÓLA ÍSLANDS Katrín Jakobsdóttir, fulltrúi Vinstri grænna
í menntamálaráði, var sammála nöfnu sinni úr Samfylkingunni um að frumvarpið
bæri það með sér að ekki hefði verið tekið mið af vilja nemenda.
FRÉTTABLAÐIÐ/ARNÞÓR
FJÖLDI NEMENDA Í HÁSKÓLARÁÐUM
Fulltrúar alls Fulltrúar nemenda
Háskóli Íslands 10 2
Miðað við nýtt frumvarp 7 1
Háskólinn á Bifröst 18 4
Háskólinn í Reykjavík 8 0
Háskólinn á Akureyri 5 1
PARÍS, AP Nicolas Sarkozy Frakklandsforseti sagði í
gær að baráttan gegn loftslagsbreytingum krefðist
stóraukinnar þátttöku einkageirans í þeim kostnaði
sem hún útheimti. Til lengri tíma litið ættu níutíu
prósent framlaga til þessarar baráttu að koma frá
einkageiranum. Alþjóðasamfélagið yrði að „beina í
stórum stíl fjárstreymi til hins nýja lágkolefnis-
efnahagskerfi“.
Sarkozy lét þessi orð falla á fundi fulltrúa þeirra
ríkja heims sem losa mest af gróðurhúsalofttegund-
um, sem fram fór í París. Viðræðurnar eru liður í
undirbúningi loftslagsráðstefnu Sameinuðu þjóðanna
í Kaupmannahöfn á næsta ári, þar sem til stendur að
komast að samkomulagi um arftaka Kyoto-bókunar-
innar sem rennur út árið 2012.
Sarkozy lét í ræðu sinni í gær ógert að bregðast
sérstaklega við tímamótatilkynningu George W.
Bush Bandaríkjaforseta frá því á miðvikudag um að
Bandaríkin verði að stöðva aukningu á losun sinni á
gróðurhúsalofttegundum fyrir árið 2025. Viðbrögð
evrópskra ráðamanna hafa annars að mestu verið á
þá lund að þetta sé „of lítið og of seint“ en batnandi
mönnum sé best að lifa. - aa
Viðræður ríkja sem losa mest af gróðurhúsalofttegundum:
Einkageirinn beri kostnaðinn
FJÁRFEST Í FRAMTÍÐ
Sarkozy talar á
fundinum í París
í gær.
DALVÍK Bæjaryfirvöld í
Dalvíkurbyggð leggjast
gegn fyrirætlunum heil-
brigðisráðherra um sam-
einingu heilsugæslu-
stöðvanna á Dalvík,
Ólafsfirði og Siglufirði.
Telja þau hagsmunum
íbúanna mun betur borg-
ið með því að sameina
heilsugæsluna í Eyja-
firði öllum heldur en að
fara í smærri samein-
ingar.
„Það var ekkert samráð haft
áður en tillagan var sett fram,“
segir Svanfríður Jónasdóttir,
bæjarstjóri í Dalvíkurbyggð sem
ritað hefur bréf til ráðherra um
málið. Í bréfi sínu vísar Svan-
fríður til bókunar bæjarráðs-
fundar og segir þess vænst að
hugmyndir um skiptingu Eyja-
fjarðar í tvö heilsugæsluum-
dæmi verði endurskoð-
aðar og stefnt að einu.
Svanfríður segir svör
fulltrúa ráðuneytisins
hafa verið afskaplega
fátækleg. Í þessu sam-
bandi sé rætt um bætta
þjónustu en bæjaryfir-
völd og starfsfólk heilsu-
gæslustöðvarinnar eru
sammála um að hags-
munum íbúanna sé mun
betur borgið með því að
sameinast heilsugæslunni á
Akureyri. „Við höfum reyndar
komið með þá tillögu áður, eða að
sameina allan Eyjafjörð sem
væri langrökréttast til framtíðar
litið.“
Segir hún Dalvíkinga ekki
skilja af hverju setja á hlutina
upp með þessum hætti. „Við
skiljum það ekki og við fáum
ekki svör sem útskýra það.“ - ovd
Fyrirætlanir um sameiningu heilsugæslustöðva:
Telja svörin fátækleg
SVANFRÍÐUR
JÓNASDÓTTIR
FÓLK Ný búningsaðstaða fyrir
fatlaða hefur verið tekin í notkun
í Sundlaug Seltjarnarness.
„Aðstaða þessi breytir miklu
fyrir aðgengi fatlaðra í sundlaug-
ina. Í búningsklefanum er
hreyfiskynjari sem stjórnar
ljósabúnaði og gefur til kynna
hvort klefinn sé í notkun eða ekki.
Með tilkomu þessarar aðstöðu
geta fatlaðir einstaklingar komið
með aðstoðarmanneskju með sér
óháð kyni,“ segir á heimasíðu
Seltjarnarnessbæjar. - gar
Sundlaug Seltjarnarness:
Fatlaðir fá betri
búningsklefa
SUNDLAUG SELTJARNARNESS Nýr klefi
breytir miklu fyrir fatlaða.
N
O
R
D
IC
PH
O
TO
S/
A
FP