Réttur - 01.01.1957, Blaðsíða 66

66
R É T T U R
hætti þeirra ára, þegar teflt var um líf og dauða sovétskipulagsins
að fastri reglu í þjóðlífinu og flokksstarfinu. Fullskipaðir lands-
fundir miðstjórnar hafi verið haldnir óreglulega og loks hafi liðið
mörg ár á milli slíkra funda. Stalín hafi í raun og veru verið tal-
inn ofar allri gagnrýni. Hann hafi haldið fram þeirri kenningu
að stéttabaráttan hlyti að harðna eftir því sem Sovétríkjunum og
sósíalismanum yxi fiskur um hrygg. Þessi kenning hafi í fram-
kvæmd verið notuð til þess að réttlæta lögleysur og ofríki.
Smátt og smátt hafi eftirlitið með öryggisstofnunum ríkisins
færst úr höndum ríkisstjórnarinnar og flokksins í hendur Stalíns
persónulega. Þá fyrst hafi þó keyrt um þverbak þegar glæpa-
menn á borð við Bería, sem sakaður er um að hafa verið erind-
reki erlendra heimsvaldasinna, hafi náð nndir sig æðstu embætt-
um öryggismálanna. Mjög alvarleg lögbrot hafi verið framin
og valdníðsla gegn fjölda manns. Stéttaróvinirnir hafi komið því
til leiðar að margir heiðarlegir kommúnistar og góðir sovétborg-
arar hafi verið rægðir, bornir röngum sökum og dæmdir saklausir.
Þá er Stalín sakaður um að hafa valdið mjög alvarlegum villum
í stjórn landbúnaðarmála, um gerræði og handahóf í viðskiptum
við Kommúnistaflokk Júgóslavíu og ásakanir í hans garð, sem
ekki voru á rökum reistar, og leiddu til þess að samvinnan við
Júgóslavíu rofnaði. Þetta hvorttveggja hafi haft mjög skaðleg
áhrif á þróun mála í Sovétríkjunum.
Ein allsherjarskýring var gefin á því að svo alvarleg og örlaga-
rík mistök skyldu geta átt sér stað: Hóflaus persónudýrkun hafi
þróazt í Sovétríkjunum.
Ræða Krústjoffs þótti öllum mikil tíðindi bæði vinum og
fjandmönnum Sovétríkjanna. Hún var mikill hvalreki á fjörur
andstæðinganna og mikið harmsefni öllum vinum sósíalismans.
Þeir sem kunnugir voru sögu Sovétríkjanna vissu raunar að
Kommúnistaflokkurinn þar í landi hafði lengi átt við mikla inn-
byrðis örðugleika að stríða, skriffinnar og valdastritarar ollu miklu
tjóni og það hafði komið fyrir áður að misendismenn höfðu