Réttur - 01.07.1930, Page 58

274 ALÞJÓÐASAMHJALP VERKALÝÐSINS [Rjettur
hafa aðeins fulltrúar og félagsstjórn. Verklýðsfélög,
sem eru meðlimir, mega senda hvert einn fulltrúa til
að sitja aðalfund, hefir hann þar málfrelsi og tillögu-
rétt en ekki atkvæðisrétt.
15. grein.
Félagsstjórn kallar saman aukafundi er henni þykir
með þurfa, eða ef meira en helmingur deilda æskir
þess. Um fundarboðun og fulltrúa á aukafund gilda
sömu ákvæði sem aðalfund.
16. grein.
Á fundum ræður meiri hluti atkvæða úrslitum mála.
17. grein.
Félagsstjórn stjórnar allri starfsemi A. S. V. í. á
milli funda, gefur út ávörp í nafni félagsins, annast
hjálparstarfsemi þess og vinnur að útbreiðslu og þró-
un A. S. V. um land alt. Hún stendur í nánu sambandi
við deildirnar og veitir þeim alla aðstoð í starfsemi
þeirra.
18. grein.
Lögum þessum er ekki hægt að breyta, nema á að-
alfundi, og skulu breytingartillögur vera komnar til
félagsstjórnar 14 dögum fyrir aðalfund. Leggi félags-
stjórn fram lagabreytingar, skal hún senda þær deild-
unum um leið og hún boðar aðalfund.
19. giæin.
Lög þessi eru samþykt af miðstjórn Alþjóðasam-
hjálpar verkalýðsins og breytingar á þeim eru því að-
eins gildar að þær hafi öðlast samþykki hennar.