Réttur - 01.07.1930, Page 79

Indland.
»Hvar rofnar herlína stórveldanna næst? Aftur mun hún
rofna þar sem hún er veikust. Það er ekki ómögulegt að það
verði í Indlandi. Hversvegna? Vegna þess, að þar er ung, fram-
sækin öreigastjett, sem á vísan stuðning hinnar þjóðlegu frels-
ishreyfingar, vegna þess að byltingin þar á við erlenda drotnun-
arstefnu að etja, sem hefir tæmt alla siðferðislega. varasjóði og
sem öll hin kúgaða og' arðrænda alþýða Indlands hatar«.
J. Stalin 1924.
Hinni blóði drifnu sögu bresku yfirráðanna í Ind-
landi má skifta í þrjú tímabil.
Á fyrsta tímabilinu ráku enskir æfintýramenn
»verslun« og kaupskap í Indlandi. Það er tímabil hinn--
ar upprunalegu auðsöfnunar. Á þessu tímabili barst
árlega offjár til Evrópu frá æfintýra- og Gósenlandinu
Indlandi. Það var ekki furða þó skáldin syngju fagur-
lega um draumalandið á Gangesarbökkum.
En hvernig var svo gullið sótt, til þessa undralands,
sem skáldin þráðu að berast til á vængjum farfugl-
anna?
Árlegir ágóðahlutir Austur-Indverska fjelagsins voru
að meðaltali 100—250%. Með öðrum orðum: fyrir 100
sterlingspund keyptu þeir 200—350 pund.
Um gang slíkrar verslunar hafa fslendingar nokkura
reynslu frá einokunarversluninni dönsku. Þó var ein-
okunarverslunin tiltölulega »heiðarleg« borin saman
við verslun Englendinga í Indlandi. Milli verslunar og'’
hreinna og beinna rána voru takmörkin mjög óglögg.