Réttur - 01.07.1930, Side 81
Rjettur]
INDLAND
297
Þetta varð til þess, að í Indlandi rís upp borgara-
stjett, sem tekur þátt í arðráni verkalýðsins með
bresku borgarastjettinni. En þessi borgarastjett er óá-
nægð með hlutskifti sitt. Hún verður að hlýta forustu
Breta og hirða molana af borðum þeirra. Hún tók að
heimta meira frelsi sjer til handa, meiri þátttöku í
stjórn landsins, að öllum hindrunum væri rutt úr vegi
fyrir frjálsri þróun iðnaðarins í Indlandi.
Jafnframt rís upp voldug verklýðshreyfing í öllum
iðnaðarbæjum Indlands. Með því að koma upp iðnaði
í Indlandi, gróf breska drottnunarstefnan sjálfri sjer
gröfina. Það reyndist algerður misskilningur að hægt
væri að fara með indverska verkamenn eins og dauða
hluti. Þrátt fyrir hungur og klæðleysi hafa þeir haldið
út í verkföllum mánuðum saman. Þrátt fyrir öll morð-
tól Breta og hinar djöfullegu dýflissur þeirra hafa þeir
komið sjer upp sterkum verklýðssamtökum.
Fyrir stríðið tók aðeins örlítill hluti indversku þjóð-
arinnar þátt í þjóðernishreyfingunni. En eftir stríðið
og með rússnesku byltingunni hefst voldug vakning í
Indlandi eins og með öðrum undirokuðum þjóðum og
stjettum um heim allan. 1919—1922 voru stórar kröfu-
göngur, verkföll og skærur milli bresku yfirvaldanna
og fólksins daglegt brauð um gjörvalt landið. Nýir for-
ingjar rísa upp, sem safna fjöldanum í kring um sig,
eigi aðeins borgarastjettinni og mentamönnunum, sem
hingað til höfðu einir verið í hreyfingunni, heldur og
alþýðunni, verkalýð og fátækum bændum. Slíkur for-
ingi var Gandhi.
Aðferðir þær, sem Gandhi gerði sig að talsmanni
fyrir, voru að neita samvinnu við Breta og óhlýðnast
þeim (Non Cooperation og Mass Civil Disobedience
etc.). Á þann hátt skyldi vald Breta í Indlandi brotið á
bak aftur og sjálfstæði (swaraj) náð.
Miljónir af öllum stjettum fylgdu herópi Gandhis.
Og undirokuðu stjettirnar fylgdu því miklu rækilegar
20