Réttur - 01.05.1932, Blaðsíða 14

fjölskyldur, sem rændar hafa verið fyrirvinnu sinni
þannig, að fjölskyldufaðirinn eða foreldrarnir hafa
verið settir í fangelsi eða myrtir. Hún hjálpar póli-
tískum föngum með fjárstyrkjum og öðru, með því að
útvega þeim bækur og blöð í fangelsin, með því að
halda uppi sambandi milli þeirra sjálfra og félaga
þeirra og ættingja, og ekki sízt með því, að sjá þeim
fyrir lögfræðilegri aðstoð og vörn fyrir stéttardóm-
stólunum.
Rauða samhjálpin flettir miskunnarlaust ofan af
réttarfarshneykslum, sér um það að kynna þau alþjóð
manna og skapa þannig samúð og samhyggju allra
hinna kúguðu stétta. Henni hefir oft tekizt að koma
svo voldugu róti á almenningsálitið um allan heim, að
valdhafarnir hafa ekki séð sér annað fært, en að hætta
við fyrirhugað dómsmorð saklausra manna eða önnur
hermdarverk. Það má t. d. óefað þakka rauðu sam-
hjálpinni það, að enn er ekki búið að lífláta negra-
drengina frá Scottsboro í Bandaríkjunum, sem dæmd-
ir hafa verið til dauða í rafmagnsstólnum, enda þótt
sannazt hafi að þeir eru alsaklausir.
Hingað til Islands eru angar fasismans að byrja að
teygja sig. Islenzka auðvaldið er mjög hnigið á efri
ár, ekki síður en annars staðar, og á í vök að verjast
gegn vaknandi stéttarvitund verkalýðsins.
Það má þegar benda á ýms dæmi, sem sýna þetta
ljóslega, t, d. það, er lögreglan er látin berja verka-
menn í höfuðið með trékylfum, sem eru hrein og bein
morðvopn, eins og átti sér stað á bæjarstjórnarfundi
í Reykjavík í sumar. Stéttvísum verkamönnum og
kommúnistum hefir verið varpað í fangelsi upp á vatn
og brauð fyrir það eitt að krefjast atvinnubóta til
handa sveltandi atvinnuleysingjum, og margt fleira
mætti telja. Og ekki ber að efa það, að þegar enn
frekar tekur að sverfa að, þá muni auðvaldið herða
til muna á ofsóknum sínum. En verkalýðurinn mun þó
einnig búast til varnar. Hann mun ekki láta leiða sig
78