Réttur - 01.01.1967, Side 6

SARA LIDMAN
(KOSTNAÐARSPURNING)
UNDUR
STJÖRNU-
FÁNANS
Bandaríkjunum sárna ekki
brennurnar í Vietnam
fána þeirra og skinni svíður ekki
þó að Vietnam tærist í „eldinum af himni"
tilreiddum af Gulf eða Shell
(hvort félagið hefur nú sölusamninginn?)
Páfastólnum er vel um vært
og vestrið snýst ekki í austur
þótt Vietnam sé breytt í Gehenna
Bandaríkin dreifa Ijósmyndum af eldinum
sem napalmregnið kveikir
Alþjóð fær að sjá þessar myndir
óðar en logarnir slokkna
alþjóð getur ímyndað sér sárin
óðar en þau brennast inn í kviku
í Vietnam
Samt eru Bandaríkin heiðarlegt land
Einmitt þess vegna eru Bandaríkin heiðarlegt land:
þau kynda bálið í Vietnam
fyrir opnum tjöldum —
í Auschwitz aftur á móti
var eldinum leynt eins og glæp
Eldur Bandaríkjanna í Vietnam
er efnd á gefnu loforði
— að gefa líf
en hafa lofað dauða
það væri brigð
á helgu heiti
6
Bandaríkin eru heiðarlegt land
Vietnam talar máli sínu slælega
Það lítur einhliða á eldinn
og önnur lönd eru of fátæk
til að hafa nokkra skoðun
Auðvitað mundi maður láta í Ijós
við Bandaríkin
að ef til vill sé rangt gert
að brenna fólk . . .
ef vér værum bara svo rík þjóð
að vér hefðum ráð á því
— svo rík að vér hefðum ráð á sannleika —
byggjum sem sé betur
að þessa heims gæðum
en þar sem Bandaríkin eru öllum löndum auðugri
að mat og bensíni
þá er ábyrgðarlaust og hlægilegt
og hættulegt fyrir þjóð
sem er lakar efnum búin
að segja nokkuð annað við Bandaríkin
en lofuð séu Bandaríkin
Þeirra er ábyrgðin, vegsemdin og eldurinn
Þorsteinn Valdimarsson íslenzkaði