Réttur - 01.04.1982, Síða 42

Orsök mannkynsbölsins:
Auðdrottnun og
vígbúnaðarvitfirringin
Sífellt fleiri milljónir manna í veröldinni eru dæmdar til hungurs og
skorts alla ævi sína, er sífellt styttist hjá þeim þjóðum, sem ofurseldar
eru þessu böli. Og af hverju stafar þetta böl?
Mannkyniö sem heild er nógu ríkt, jörðin gæti gefið gnægð matar og
alls, sem þetta fólk skortir, ef heiminum væri stjórnað með það fyrir
augum að tryggja öllum mannanna börnum fæði, föt, menntun, atvinnu
og annað, sem hundruð milljóna nú skortir.
En það er fámenn auðmannastétt, sem drottnar yfir stærstum hluta
jarðar — og hugsar aðeins um eitt: gróðann og vopnin, til að tryggja
vald sitt til að sölsa undir sig gróða, margfalda hann og varðveita. Og
vopnaframleiðsla auðvaldsins er um leið mesti gróðavegur þess, því
vopnin lætur hún ríkið borga sér og það þótt fjöldi atvinnuvega berjist í
bökkum.
106