Réttur - 01.10.1982, Blaðsíða 2
Þar með væri ísland orðin ein aðalstjórnstöð og árásarskotpallur
bandaríska flughersins er hann hæfi tortímingarstríð sitt gegn Sovét-
ríkjunum. Land vort og þjóð væri ofurseld þessu ofstækisfulla,
hatursblinda herliði, sem ekkert vílar fyrir sér eins og Vietnamstríðið
sýndi. Þjóð vor yrði skotskífa þeirra, er fyrir árásunum yrðu: ísland
atómstöð, þjóðin dauðadæmd.
Þetta er „verndin", sem Kaninn fyrirhugar íslendingum: að verða fórnar-
lömb í árásarstríði ameríska auðvaldsins.
Og það eru til voldugir menn á íslandi, sem vinna að því öllum árum að
framkvæma þessi böðulsverk, sem drottnar þeirra í Washington og Pentagon
fyrirskipa — og fjölmiðlar, sem reyna að blinda þjóðina fyrir hættunni, sem
yfir vofir. Þess vegna reikna amerísku árásarseggirnir með því að eiga hvergi
þekkingarlausari og þægari verkfæri en hér. Því skuli, ef þeir þora, fyrsta
skotinu, er tendrað getur heimsbálið, skotið héðan.
íslendingar!
Er ekki mál að linni, — að þjóðin sjálf vakni og taki fram fyrir hendur
þeirra óvita og ofstækismanna á landi hér, sem eru að gera ísland að
eldfimustu árásarstöð þeirra amerísku auðdrottna, sem heimtuðu strax
1945 gríðarlegar herstöðvar hér á landi til árása á Evrópu. Þá þegar
tröllreið heimsdrottnunardraumurinn bandarísku „hernaðar- og stóriðjuklík-
unni“, sem sjálfir forsetar Bandaríkjanna þá — eins og Eisenhower — hafa
alvarlega varað þjóð sína við. Og nú hefur þessi valdaklíka vikapilt sinn
á forsetastól og lætur hann auka atómvopnin í sífellu, því á slíkri
framleiðslu græðir manndrápsklíka sú, er almenn fyrirtæki riða til falls í
heimskreppunni.
Það er sem stendur undir íslendingum komið hvort gereyðingarbálið
verður nú tendrað héðan.
Vér íslendingar getum hindrað það eða a.m.k. gert allt, sem í voru valdi
stendur til að hindra slíkt voðaverk með því að reka bandaríska herinn með
öll morðvopn sín burt af landi voru.
Það er skylda okkar gagnvart þjóð vorri, gagnvart mannkyni öllu. Og
vér eigum að vera menn til þess eins og að hindra 1945 bandarískar
herstöðvar hér til 99 ára.
Það eru nú síðustu forvöð að sýna að vér séum menn en ekki
bandarískir þrælar.
Kjörorð íslendinga nú á mestu hættutímum, sem yfir þjóð vora hafa gengið,
ætti að vera: ísland frjálst af herfjötrum bandarísks hervalds, — frjálst
af skuldafjötrum amerísks auðvalds.
Takmark alls hins hugsandi mannkyns ætti að vera framkvæmd hins forna
draums: Friður á jörðu — og fyrsta skerfið í þá átt: eyðing allra
atómvopna.