Réttur - 01.01.1975, Qupperneq 13

Menn gengu til verka sinna jafnt ungir sem gamlir, allir hjálpuðust að,
Gerður G. Óskarsdóttir:
SNJÓFLÓÐIN
í NESKAUPSTAÐ
Föstudagurinn 20. des. 1974 mun seint líða Norðfirðingum úr minni. í fjallinu fyrir ofan
bæinn losnaði um tvær risavaxnar snjóhengjur, sem steyptust niður fjallshliðina með
leifturhraða og þyrmdu engu, sem á vegiþeirra varð. Fjöldi manna varð undir skrið-
unni, 12 manns létu lífið, heimili eyðilögðust og stærstu atvinnufyrirtæki bæjarins
lögðust í rúst. Lítill bær sviptur hópi vaskra þegna og atvinnulíf í einni af stærstu ver-
stöðvum landsins lamað.
I. MISKUNNARLEYSI NÁTTÚRUAFLA
Náttúruöflin láta ekki að sér hæða. Nú
tvívegis með stuttu millibili höfum við verið
minnt á, hversu erfið sambúðin er við þetta
land, og það ætti að kenna okkur að hóf
er best með hverjum hlut og að við höfum
ekki efni á að sóa svo gegndarlaust þeim
auði sem okkur áskotnast. Meðan allt leikur
í lyndi, láta menn kaffærast í lífsgæðakapp-
hlaupinu. Við tileinkum okkur aðfluttar
13