Réttur - 01.01.1975, Page 65

yfirstéttarinnar og Nato-bandalagsins með
henni og hét á hermennina að snúa heim
og láta ekki misnota sig.
„Þeir, sem neita fólkinu um brauð og frelsi,
fá því nú vopn í hönd og flækja það út í
stríðsæfintýri. Þeir eru að reyna að tryggja
viðhald arðránsins í landi voru með herlög-
um og brjóta þjóðfrelsishreyfingu alþýðu á
bak aftur.” — Svo segir m.a. í ávarpinu.
Kommúnistar í Tyrklandi, bannaðir og of-
sóttir, sýna með þessari afstöðu sinni sanna
alþjóðahyggju í verki.
SUÐUR-VIETNAM
Þjóðfrelsisfylkingin í Suður-Víetnam sæk-
ir nú á og vinnu marga mikilvæga sigra.
Leppstjórn Bandaríkjamanna, Thieu-ein-
ræðið hefur leitt argasta öngþveiti yfir þann
hluta landsins, sem hún enn ræður. Frá árs-
byrjun 1973 hefur gengið verið fellt 17 sinn-
um, verðbólgan vex gífurlega, atvinnuleysið
er orðið slíkt að í sumum borgum er helm-
ingur íbúanna atvinnulaus. Framleiðslan er
orð n minni en var 1960.1 mörgum héruðum
deyja heilar fjölskyldur úr hungri. Stríðið
hefur eyðilagt samgöngur landsins og meir
en hálfa miljón hektara af hrísgrjónaekrum.
I borgunum er raunverulega komið á „neyslu-
þjóðfélag'' sérstakrar tegundar, þar sem
90% íbúanna verða að lifa af hjálp utan-
lands frá.
Tveir þriðjungar útgjalda á fjárlögum fara
í herkostnað og kúgunartæki gegn alþýðu.
Hálf miljón manna er í hernum. Fjórar milj-
ónir í einskonar hernaðarsamtökum. 122 þús-
und lögreglumenn halda vörð um fangelsi
og fangabúðir, þar sem 200 þúsund fangar
eru meira eða minna sveltir og kvaldir.
Thieu skírskotar til alþjóðaauðvaldsins að
fjárfesta í Suður-Víetnam, laun verkamanna
séu þar helmingi lægri en sultarlaunin í
Singapure og alþjóðaauðvaldinu er boðið
tollfrelsi, skattfrelsi og trygging gegn þjóð-
nýtingu. En alþjóðáhringarnir virðast ekki
áfjáðir.
Rodney Arismendi
FRJÁLSIR
Rodney Arismendi, aðalritari Kommúnista-
flokks Uruguay, sem fangelsaður var í maí
1974, hefur nú verið látinn laus og er kom-
inn út úr helgreipum böðulsstjórnarinnar þar
í landi. Þá hafa og tveir fyrrverandi ráðherr-
ar alþýðustjórnarinnar í Chile, þeir Clodo-
miro Almeyda og Jorge Tapia verið látnir
lausir. Það eru mótmæli alþýðunnar um víða
veröld og kröfur ýmissa voldugra samtaka,
svo og ríkisstjórna sósíalistísku landanna,
sem knúið hafa fram frelsun þessara bar-
áttumanna.
PALME DUTT DÁINN
Þann 20. desember 1974 lést Rajani
Palme Dutt, 79 ára að aldri. Þessi ágæti rit-
höfundur og skarpskyggni marxisti hefur í
rúma hálfa öld verið einn af bestu leiðtog-
um Kommúnistaflokks Bretlands.
Faðir Palme Dutt var Indverji, Upendra
Krishna Dutt (1837—1938) og móðir hans
65