Réttur - 01.10.1975, Side 12

Veturinn 1945 neituðu islendingar
amerískum auðdrottnum um voldugar
herstöðvar fram til ársins 2035. Það var
harka Sósialistaflokksins og sjálfstæðis-
vitund þjóðarinnar, er þar réð úrslitum.
Þessvegna getur ísland í dag losað sig
við amerískar herstöðvar með hálfs
annars árs fyrirvara. — Hefði verið gefist
upp fyrir ásókninni 1945 svo sem vissir
valdamenn vildu, væri ísland allt sem
amerisk herstöð enn í 70 ár og spilling
enn meiri en undirskriftasmánin 1974
segir til um.
III.
Nú er öxi nýlendukúgunar enn reidd
hátt að hálsi þjóðar. Heyrst hefur að er-
lendir auðhringir séu að reyna að fleka
ríkisstjórn Islands inn í alþjóðlega auð-
félagasamsteypu, er eignist mikla ís-
lenska fossa til virkjunar fyrir erlendar
verksmiðjur. Þau auðfélög, er flýja nú
eða forðast þær fyrri nýlendur, er upp
hafa risið og eru að verða frjálsar, líta
nú girndaraugum gróðans til íslenskrar
orku, hyggjast finna hér fégráðuga fjár-
glæframenn og auðsveipar undirlægjur,
er fórni framtíðargæðum þjóðarinnar
fyrir augnabliksgróða.
Samtimis krefjast rikisstjórnir Eng-
lands og Vestur-Þýskalands þess að út-
gerðarauðvald þeirra fái að ræna íslensk
fiskimið áfram, af því það hafi rænt þau
í fimm aldir og öðlast þannig ,,hefð“ ti!
ráns. Og þær vitna í landráðasamninginn,
er viðreisnarstjórnin gerði við þær 1961
um að stækka ekki ísienska fiskveiðilög-
sögu úr 12 milum nema með þeirra sam-
þykki eða Haagdómstólsins.
Samtímis sýna skýrslur fiskifræðinga
og rannsóknarráðs að yfir vofir hrun
þorskstofnsins, ef ekki er tekið harðvít-
uglega í taumana, en að með skynsam-
legri, forsjálli stjórn sé hægt að stórauka
stofninn síðar. En ef gefist er upp fyrir
þessum Nato-veldum nú, vofir hrunið
yfir. Hryndi sjávarútvegurinn sem höfuð-
atvinnugrundvöllur Íslands, vofir eyðing
lands yfir. Nato myndi lítt hirða um slíkt.
Þeim herrum þætti betra hálfgert eyði-
sker, hersetið vel, óþægir eyjarskeggjar
eru aðeins til trafala.
„Frjálsa verslunin“, sem amerisk yfir-
völd knúðu fram með Marshallsamningn-
um og íslenskt verslunarauðvald dýrkar
sem skurðgoð, bakaði þjóðinni upp undir
40 miljarða króna viðskiptahalla 1974 og
1975. Erlendar skuldir vaxa þar með
þannig að efnahagslegt sjálfstæði er í
veði. Aldrei hefur það sannast betur hve
óhjákvæmileg forsenda sjálfstæðis og
afkomuöryggis heildarstjórn á þjóðarbú-
skap íslendinga er. — En fyrir ríkisstjórn
afturhaldsins er verslunarbraskið og und-
irgefnin við Nato heilagar kýr.
,,Úrræði“ afturhaldsins við hruni í sjáv-
arútvegi og viðskiptajöfnuði yrðu: gífur-
leg stóriðja erlendra auðhringa í krafti
islenskrar orku og stóraukin herseta, —
m. ö. orðum: ísland sem ævarandi ný-
lenda og herstöð erlends auðvalds.
Það mun þurfa heilsteyptustu sam-
stöðu allra samtaka og flokka íslenskrar
alþýðu og róttækustu baráttu af þeirra
hálfu, sem ísland hefur séð, til þess að
hnekkja óstjórninni, tryggja efnahags-
grundvöll sjálfstæðrar þjóðar og stór-
bæta lífskjör alþýðu með myndun rót-
tækrar rikisstjórnar.
Þriðja örlagastund — hættustund —
Islands á þessari öld er upp runnin.
Tekst að afstýra ógæfunni sem fyrrum?