Réttur - 01.10.1988, Blaðsíða 9
hent að reisa þessa „arfleifð mannkyns“
til nýrrar vegsemdar. Kona að nafni Tam-
ara Blanes sagði mér undan og ofan af
þessu mikla starfi einn heitan júnímorgun
í sumar. Hún er starfsmaður þeirrrar
stofnunar sem annast varðveislu og
endurreisn gömlu borgarinnar í samvinnu
við UNESCO. Hún sagði brýnast af öllu
að sérþjálfa fleira fólk til starfa, enda
verkefnin ærin. Til skamms tíma hefur
gamla Havana verið í niðurníðslu, mörg
húsanna hanga uppi að því er virðist af
gömlum vana og flest eru þau troðfull af
fólki sem býr auðvitað við mikil þrengsli
og lélegar aðstæður. Nú er mikið byggt af
nýju húsnæði í öðrum hverfum Havana
og stefnan er sú að íbúar gamla borgar-
hlutans flytji smám saman í nýjar íbúðir
eftir því sem kostur er, til þess að rýma
fyrir endurreisninni. Þegar hefur verið
gert við mörg hús, sum þeirra hafa fengið
að vera íbúðarhús áfram en í öðrum er nú
ýmiskonar starfsemi stunduð, oftast af
menningarlegra taginu (söfn, gallerí,
menningarhús) og svo eru þar rekin kaffi-
hús, veitingastaðir, verslanir. Víða má sjá
þá viðleitni í verki að endurskapa and-
rúmsloft liðinna tíma, t.d. komum við í
apótek þar sem scld voru lyfjagrös ýmis-
konar, rætur og mura í sinni upprunaleg-
ustu mynd, en engar sykurhúðaðar nú-
tímapillur. Á öðrum stað var hægt að
kaupa sér glas af köldu vatni, alveg eins-
og á tímum Spánverja fyrir gos. Og á
sjálfu Dómkirkjutorginu er nú útimark-
aður á hverjum laugardegi þar sem mest
er selt af handunnu glingri, misjafnlega
merkilegu.
Norræna húsið
Alþjóðahyggja Kúbumanna kemur fram
með skemmtilegum hætti í þessu endur-
reisnarstarfi þeirra í gömlu Havana. Þá á
Hluti af elsta borgarvirkinu við innsiglinguna í Hav-
ana, Castillo de la Fuerza. „Vindhaninn“ er í konu-
líki. La giraldilla, sem er tákn Havanaborgar og
rommtegundarinnar Havana Club... Ljósm. E.G.
ég við þá staðreynd að opinberir aðilar í
öðrum löndum hafa veitt aðstoð til þess
að gera upp ákveð n hús sem síðan eru
helguð viðkomandi landi eða menningar-
svæði: Afríkuhús, Mexikóhús, Arabahús.
í Afríkuhúsinu sem stendur við götuna
Obrapía gaf að líta glæsilega sýningu á
listmunum frá ýmsum Afríkulöndum og
var kjarni þeirrar sýningar gripir sem Fi-
del Castro voru gefnir þegar hann ferðað-
ist um Afríku árið 1977. Auk sýningar-
innar fer margskonar starfsemi fram í
húsinu og tengist öll Afríku, listum og
menningu álfunnar. Við sömu götu stend-
ur niðurníddur húskumbaldi sem í býr
fjöldi manns enn sem komið er. Það á þó
eftir að breytast, því að þarna verður
153