Morgunblaðið - 05.01.2006, Qupperneq 28

28 FIMMTUDAGUR 5. JANÚAR 2006 MORGUNBLAÐIÐ
DAGLEGT LÍF Í JANÚAR
ÚTSÖLUR eru nú víðast
við það að fara af stað
og jafnvel hafnar og er
gott hljóð í versl-
unarfólki. Jólasalan
var mikil og oft helst
það í hendur við góða
sölu á útsölum. Í Kringl-
unni hófst hið formlega út-
sölutímabil á mánudag. Um 110
verslanir eru í Kringlunni og flestar
verða með útsölu í janúar. Nokkrar
verslanir hafa þó valið aðrar tíma-
setningar fyrir útsölu, en þær selja
flestar annað en fatnað.
Í Smáralind hófust útsölur form-
lega síðastliðinn þriðjudag þó sumar
verslanir hafi farið fyrr af stað og á
Laugavegi eru flestir að byrja með
útsölu þessa dagana.. Í Smáralind
er afsláttur í verslunum á bilinu 15–
70%.
Hermann Guðmundsson, mark-
aðsstjóri Kringlunnar, segir að þar
hafi útsölurnar yfirleitt byrjað á
fimmtudögum. „Þá er opið til níu og
það myndast ágætis stemning í
kringum það,“ segir hann. „Núna
ættu allir sem ætla að vera með út-
sölu á þessum tíma að vera byrjaðir.
Örfáir „þjófstörtuðu“ reyndar á
milli jóla og nýárs.“
Hermann gerir ráð fyrir mikilli
sölu þar sem góð jólasala hafi hald-
ist í hendur við ekki síðri útsölur í
kjölfarið. Hann segir fólk ekki virð-
ast þreytt eftir jólaösina. „Það virð-
ist vera endalaus kauporka í okkur
Íslendingum og ég finn fyrir mikl-
um áhuga á útsölunum,“ segir hann.
Mikið af nýjum vörum
Í versluninni Skór.is í Kringlunni
hófst útsalan á hádegi síðastliðinn
mánudag. „Það var biðröð fyrir ut-
an,“ sagði Daði Agnarsson, eigandi
verslunarinnar.
„Við erum reyndar með öflugan
netklúbb sem hafði verið látinn vita.
En þetta byrjaði með miklum látum
og greinilegt að það verður mikið
stuð hérna. Það eru mjög margir
með lokað í dag [mánudag],
en miðað við það er mik-
il stemning.“
Daði segir að
þar sem jólasal-
an hafi verið
mjög góð fari
mikið af nýrri
vöru, sem lítið
sé eftir af, á út-
söluna.
„Mesti afslátturinn okkar er 40%
og við erum með skó á 500 krónur
sem voru á 6.900 krónur. Við erum
með allt upp í 90% afslátt. Þetta er
hörkustemning.“
Daði segir útsöluna leggjast vel í
fólk og að margir séu að kaupa skó
á útsölu sem þeir hafi séð áður en
ekki verið tilbúnir að kaupa á fullu
verði.
„Margir eru greinilega búnir að
skoða úrvalið og eru að koma og
tryggja sér sín númer. Það er gam-
an,“ segir Daði. „Þessi útsala stend-
ur lengi en við erum að fá heilmikið
af vörum inn á hana sem hafa ekki
verið áður. Það fer mikið af nýjum
vörum á útsöluna.“
Brjálaðir á útsölum
Í Blend í Kringlunni voru starfs-
menn í óða önn við vörutalningu á
mánudaginn og fór Ellen Heiður
Hreinsdóttir samviskusamlega í
gegnum stafla af gallabuxum. Þar
hefst útsalan í dag eins og víða í
Kringlunni.
Ellen Inga Hannesdóttir versl-
unarstjóri býst við góðri útsölu.
„Jólasalan var fín og Íslendingar
eru auðvitað brjálaðir á útsölum,“
segir hún hlæjandi. „Það verður
fundur hjá okkur í vikunni þar sem
við ákveðum hvað við gefum mikinn
afslátt. Það verða góðar vörur á út-
sölunni hjá okkur og mikið í boði.“
„Ég er að kaupa föt á íslenskum
útsölum,“ sagði Katharina Mooslec-
hner frá Austurríki þegar blaða-
maður náði tali af henni í
versluninni Retro í
Smáralind í gær
ásamt Rakel Guð-
mundsdóttur þar
sem þær gröms-
uðu í fötum á
tilboðsborði.
Katharina er
stödd hér á
landi til að
gifta sig. „Ég
hef keypt ým-
islegt hér á Ís-
landi þó það sé
dýrt. Jafnvel á út-
sölu,“ segir hún
hlæjandi. „Ég gat
ekki keypt mikið fyrir
brúðkaupið á útsölum því
ég þurfti að undirbúa það áður en
útsölurnar hófust.“
Rakel segist ekki vera búin að
skoða mikið á útsölum því þetta sé
fyrsta verslunin sem hún fari í.
„Mig langar að kíkja á útsölurnar
og reyna að finna kannski buxur og
nærföt. Ég
ætla því pott-
þétt að reyna
að notfæra mér
útsölurnar.“
Ekkert gamalt
drasl
Í Debenhams í
Smáralind hófst útsalan
fyrsta dag eftir jól og hefur
venjan verið sú síðan verslunin opn-
aði á Íslandi. Afslátturinn er 30-50%
og mun aukast eftir því sem nær
dregur lokum útsölunnar í enda jan-
úar. Anna Toher, fataráðgjafi hjá
Debenhams, segir að útsalan hafi
gengið mjög vel fram að þessu. „Það
hefur verið aukning í sölu yfirhöfuð,
bæði yfir árið og í desember og nú
er líka aukning í sölu á útsölunni.
Kaupmáttaraukning skilar sér því á
útsölurnar líka,“ segir Anna.
Hún segir mikið af nýjum vörum
á útsölunni. „Það gerir þetta meira
spennandi, þetta er ekkert gamalt
drasl og allt vara sem kom í haust
og nýjasta varan kom núna í byrjun
desember.“
Anna segir að á útsölum fari fólk
að hugsa um sjálft sig eftir að hafa
verið að kaupa jólagjafir fyrir aðra.
„Fólk kaupir kannski eitthvað smá-
vegis fyrir sjálft sig í desember fyr-
ir jólin en svo lætur það meira eftir
sér á útsölu“.
Morgunblaðið/Ómar
Þau eru mörg handtökin við undirbúning fyrir útsölu.
Morgunblaðið/Ásdís
Katharina Mooslechner og Rakel Guðmundsdóttur á útsölu.
Morgunblaðið/Ásdís
Víðast hvar eru útsölur nú hafnar.
 BÚÐIR | Útsölur eru að hefjast víða í verslunum eftir mjög mikla jólaverslun
Morgunblaðið/Ómar
Margir eru búnir að skoða úrval verslana og mæta
snemma á útsölur til að gera góð kaup.
Eftir Hrund Þórsdóttur
og Sigurhönnu Kristinsdóttur
Morgunblaðið/Ásdís
Anna Toher, fataráðgjafi í Deben-
hams, segir að á útsölum hugsi fólk
um sjálft sig eftir að hafa keypt
jólagjafir fyrir aðra í desember.
Endalaus kauporka
í Íslendingum
EF við sjáum súkkulaði, borðum
við það. Þetta hafa vísindamenn nú
staðfest með rannsóknum, að því
er fram kemur á vef Daily Tele-
graph.
Rannsóknin fór þannig fram að
krukka full af súkkulaði var sett á
skrifborð 40 kvenna en krukkurnar
voru ýmist gagnsæjar eða ekki. Í
ljós kom að þær sem sáu súkku-
laðið í gegnum krukkurnar borðuðu
að meðaltali átta mola á dag en
þær sem ekki sáu súkkulaðið borð-
uðu um fjóra. Einnig kom í ljós að
ef krukkurnar voru nokkra metra
frá skrifborðum kvennanna minnk-
aði sykurþörfin um 70% miðað við
þegar þær voru á skrifborðunum.
Næringarfræðingurinn James
Painter er einn af þeim sem stóðu
að rannsókninni og að hans sögn
missum við sjónar á hve mikið við
borðum ef matur er alltaf við hönd-
ina og sjáanlegur. Hann segir of-
gnótt af mat og að matur er stöð-
ugt á borðum ástæðuna fyrir
offitufaraldrinum í heiminum.
Sýnileikinn hefur áhrif
 MATUR
Morgunblaðið/Ásdís
Það er erfiðara að standast freist-
ingarnar ef þær eru sýnilegar.
HEYRNARTÓLIN sem fylgja iPod og öðrum MP3-spilurum eru flottari
en tólin sem fylgdu gömlu vasadiskóunum en þau geta hins vegar haft
verri áhrif á heyrnina, að því er prófessor við Northwestern-háskólann í
Bandaríkjunum telur.
Á heilsuvef MSNBC er greint frá því að þar sem nýju heyrnartólin
fara í raun inn í eyrað geti þau skaðað heyrnina. Munurinn á hávaðanum
frá eyrnaskjólaheyrnartólunum og nýju tólunum er eins og munurinn á
hljóði frá vekjaraklukku og sláttuvél. Heyrnartólin smellpassa ekki allt-
af inn í eyrað og bakgrunnshávaði getur smogið meðfram. Því hafa not-
endur tilhneigingu til að hækka enn meira í græjunum. Varað hefur ver-
ið við þessari hættu allt frá því á níunda áratugnum. Kannanir hafa sýnt
að ungt fólk hefur þó litlar áhyggjur af því að tapa heyrn.
Sérfræðingar segja að notendur iPod og annarra MP3-spilara ættu
ekki að hækka hljóðið umfram 60% af því sem mögulegt er og nota ekki
tólin meira en hálftíma á dag. Þeir sem nota eyrnaskjólatólin mega þó
hlusta yfir klukkutíma á dag.
 TÆKNI | Ný tegund heyrnartóla
Verri fyrir heyrnina
Ljósmynd/Kristinn Ingvarsson