Morgunblaðið - 07.02.2006, Blaðsíða 4

4 ÞRIÐJUDAGUR 7. FEBRÚAR 2006 MORGUNBLAÐIÐ
FRÉTTIR
EKKERT lát virðist vera á mót-
mælum gegn Dönum og öðrum
Evrópuþjóðum vegna skopmynda
af Múhameð spámanni, sem fyrst
voru birtar í danska blaðinu Jyl-
lands-Posten í september síðast-
liðnum en síðar í dagblöðum frá
m.a. Frakklandi, Þýskalandi, Nor-
egi, Ítalíu og Spáni, að ógleymdu
DV á Íslandi. Alls kyns öfgahreyf-
ingar meðal múslíma keppast við
að hóta Evrópuþjóðunum og hefur
ótti gripið um sig meðal almenn-
ings um að sjálfsvígsárásir séu yf-
irvofandi.
Í Danmörku býr fjöldinn allur af
Íslendingum og segir Þórir Jökull
Þorsteinsson, sendiráðsprestur í
Kaupmannahöfn, málið ekki snerta
Íslendinga neitt öðruvísi en Dani.
„Hér er þetta mál alveg ofan í
okkur og Danmörk í raun upp-
runaland þessa óróa. Helgin sem
nú er liðin var mjög viðburðarrík
og mjög sérkennileg stemning í
landinu,“ segir Þórir Jökull og
bætir við að óhætt sé að segja að
fólki sé órótt. Hann segir að það
sé sama hvar mann beri niður í
höfuðborginni, þar ræði menn
mótmælin sem blossað hafa upp í
kjölfar birtinganna og menn séu
skelkaðir að sjá æstan múg
brenna sendiráð Dana í fréttum
sjónvarps.
„Danir taka nú þann pól í hæð-
ina að það sé ekki lengur spurning
um hvort, heldur hvenær hryðju-
verk verða framin.“
Fólk hvatt til að ýta
ekki undir óróa
Þórir segist hafa séð í sjónvarp-
inu í fyrrakvöld viðtöl við fólk þar
sem talað var um ástandið meðal
almennings. Hann segir að m.a.
hafi komið fram að fólk fari með
ákveðnu hugarfari niður í neð-
anjarðarlestakerfið í Kaupmanna-
höfn og hafi varann á sér. „Hins
vegar kom einnig fram að múslím-
ar í Danmörku eru líka órólegir og
vilja síður sjá eitthvað ægilegt
gerast í þessu samhengi,“ segir
Þórir Jökull sem hefur þó lítið séð
af fordómum gagnvart útlend-
ingum í landinu.
Bjarney Sif Kristinsdóttir starf-
ar í Kaupmannahöfn sem snyrti-
fræðingur, hún getur tekið undir
orð Þóris um að lítið sé um for-
dóma, alla vega á yfirborðinu, og
m.a. hafi sms-skeyti verið send
manna á milli til að draga úr óró-
leika. „Fólk var hvatt til að brosa
framan í kaupmennina, sem marg-
ir hverjir eru af tyrknesku bergi
brotnir, og kaupa kannski eitthvað
smá aukalega í stað þess að vera
að sniðganga verslanir þeirra og
vera með mótþróa sem elur á óró-
anum,“ segir Bjarney Sif.
Hún segir það ekki leyna sér að
íbúar séu nokkuð órólegir og hún
sé sjálf nokkuð smeyk við að nota
almenningssamgöngur í borginni.
Þrátt fyrir vaxandi óróleika segist
hún fá merki sjá um aukna lög-
gæslu, hins vegar segir Bjarney að
samfélagið snúist aðeins um málið.
Spurð um hvort hún haldi að
íbúar séu í raunverulegri hættu í
kjölfar hótana öfgamanna segist
Bjarney alla vega vera nokkuð
fegin að hún sé að flytja til Íslands
á nýjan leik næstkomandi fimmtu-
dag. „Ég er eiginlega bara mjög
fegin, svona á þessum tímamótum.
En það er vonandi að það náist
friður í þessu áður en árásir verða
gerðar.“
Auður Jónsdóttir, rithöfundur
og blaðamaður, býr og starfar í
Kaupmannahöfn. Hún segir hætt-
una á árásum hafa verið til staðar
frá því að Danir sendu fyrst her-
menn til Íraks, nú komi það hins
vegar til að fleiri vita hvar Dan-
mörk er og kastað hafi verið meira
ljósi á landið. „Margir hafa
kannski haldið að Danmörk væri
einhver hluti af Kanada fyrir
nokkrum dögum en nú er það al-
veg á hreinu hvar landið liggur.“
Láta hótanir ekki
breyta lífi sínu
Auður, sem býr í úthverfinu
Norðurbrú, segist ekki merkja
annað en að hinn almenni borgari
sé þó tiltölulega rólegur. „Ég bý í
svo miklu innflytjendahverfi þann-
ig að allt gengur sinn vanagang.
Ég hef þó heyrt fólk hér kvarta
undan því að það geti ekki farið
upp í strætó því það sé horft svo
mikið á það, þá í öðrum hverfum
þar sem minna er um innflytj-
endur.“
Auður efast um að Íslendingar í
Kaupmannahöfn séu mikið að
kippa sér upp við þetta mál, það
geri þeir alla vega ekki sem hún
hefur rætt við að undanförnu. „Ég
held líka að það sé fast í fólki að
láta þá sem eru með hótanir ekki
breyta sínu lífi,“ segir Auður en
bætir við að mönnum hafi brugðið
við að sjá kveikt í sendiráði Dana í
Damaskus og ræðismannaskrif-
stofunni í Beirút.
Enginn órói í Álaborg
„Ég finn engan mun hérna í
Álaborg og dagurinn í dag er ekk-
ert frábrugðinn deginum í gær,“
segir Birnir Hauksson, formaður
Íslendingafélagsins í Álaborg.
Birnir segir enga sérstaka
hræðslu vera við hryðjuverk í Ála-
borg og segir Íslendinga í borginni
ekkert kippa sér upp við málið.
Hann álítur sem svo að þessi óró-
leiki hljóti að einskorðast að miklu
leyti við höfuðborgina. „Þetta er
samt sem áður aðalmálið í dag og
mikið rætt á meðal fólks. Það var
einnig mótmælaganga hérna en
það fór allt friðsamlega fram og
maður varð ekkert var við hana.
Það er því enginn órói meðal al-
mennings,“ segir Birnir sem þekk-
ir til múslíma í borginni og segir
þá miður sín yfir atburðum síðustu
daga. Það séu þeim þá einnig von-
brigði að múslímar um heim allan
skuli stimplaðir af þessu máli.
Íslendingar í Danmörku verða varir við aukinn óróleika í kjölfar hótana
Ekki lengur spurning
um hvort, heldur hvenær
Eftir Andra Karl
andri@mbl.is
Reuters
Danir fjölmenntu í göngu sem haldin var í Kaupmannahöfn á sunnudag þar sem krafist var friðsamlegra mála-
lykta í kjölfar óróa í mörgum íslömskum ríkjum að undanförnu. Hótað hefur verið árásum á Dani í hefndarskyni.
KOSNINGAR til stúdentaráðs og
háskólaráðs Háskóla Íslands fara
fram næsta miðvikudag og fimmtu-
dag. Þrjú framboð bárust að þessu
sinni til stúdentaráðs og eru það A-
listi Vöku, félags lýðræðissinnaðra
stúdenta, H-listi Háskólalistans og
V-listi Röskvu, samtaka fé-
lagshyggjufólks við Háskóla Ís-
lands. Sömu framboð hafa tilkynnt
þátttöku í kjöri til háskólaráðs.
Kosið verður á tólf stöðum á há-
skólasvæðinu og verður notast við
miðlæga kjörskrá. Með tilkomu
miðlægrar kjörskrár verður kjós-
endum kleift að kjósa í þeirri kjör-
deild sem hentar en þurfa ekki að
mæta í sína kjördeild eins og áður
hefur verið. Á kjörskrá eru allir
nemendur Háskóla Íslands á þessu
skólaári og eru það um 9.300
manns.
Kosið til
stúdenta-
og háskólaráðs
SJÓNVARPSSTÖÐIN Sýn, sem
hefur sýningarréttinn á leikjum
heimsmeistarakeppninnar í knatt-
spyrnu í sumar, mun síðar í vik-
unni kynna mismunandi áskrift-
arpakka og tilboð vegna
útsendinganna frá HM, að sögn
Pálma Guðmundssonar, markaðs-
stjóra 365 miðla.
Engin breyting verður á mán-
aðargjaldi fastra áskrifenda að
Sýn, þ.e. 3.790 kr. fyrir fasta
áskrift og 2.200 fyrir þá sem
einnig eru með Stöð 2. Pálmi
staðfestir að dýrasta útfærsla á
áskrift sem í boði verður fyrir
nýja áskrifendur að beinum út-
sendingum frá HM verði 13.900
kr. Hann tók þó fram að það væri
ekki dæmigert gjald fyrir kaup á
áskrift að HM-leikjunum.
„Það verða margskonar tilboð
og áskriftarpakkar í boði,“ segir
Pálmi. „Við munum m.a. selja
saman úrslitin í Meistaradeild
Evrópu og HM á tilboði og fleira
í þeim dúr. Á sama tíma munum
við svo einnig sýna frá margskon-
ar öðrum íþróttaviðburðum,
þ.á m. frá Landsbankadeildinni.“
Mótið hefst 9. júní með opn-
unarleik Þjóðverja og Kosta Ríka
og úrslitaleikurinn fer fram 9.
júlí.
Allir leikirnir 64 verða sýndir í
beinni útsendingu á fjórum rás-
um, Sýn og Sýn plús, Sýn extra1
og Sýn extra2. Fyrstu leikir dags-
ins hefjast um kl. 14.
Undirbúningur að útsending-
unum hófst fyrir áramót og segir
Pálmi gríðarlegan kostnað sam-
fara þessu. „Við ætlum að vanda
til verka enda gera íþrótta-
áhugamenn miklar kröfur.“
Dýrasta
áskriftarleiðin
13.900 krónur
UNNUR Birna Vilhjálmsdóttir, sem kjörin var ungfrú
heimur hinn 10. desember síðastliðinn, er nú stödd í
Varsjá í Póllandi.
Tilkynnt var á blaðamannafundi þar í gær að
næsta keppni um ungfrú heim yrði haldin þar í landi
30. september n.k. Unnur Birna lét sér þó ekki nægja
að taka þátt í blaðamannafundinum en hún skoðaði
meðal annars Chopin-safnið, kynnti sér gamla hluta
Varsjár auk þess sem hún heimsótti barnaspítala í
borginni.
Unnur Birna í heimsókn í Póllandi
Reuters