Morgunblaðið - 07.02.2006, Side 8

8 ÞRIÐJUDAGUR 7. FEBRÚAR 2006 MORGUNBLAÐIÐ
FRÉTTIR
Miðasala: 4 600 200 / www.leikfelag.is
brúðkaupiðheldur áfram!
Ekki missa af einni vinsælustu
sýningu LA frá upphafi!
Fös 10. feb kl. 20 örfá sæti laus
Fös. 10. feb. kl. 23 AUKASÝNING – í sölu núna!
Lau 11. feb kl. 19 örfá sæti laus
Lau 11. feb kl. 22 AUKASÝNING – örfá sæti laus
Fös 17. feb kl. 19 AUKASÝNING – í sölu núna!
Fös 17. feb kl. 22 AUKASÝNING – í sölu núna!
Lau 18. feb kl. 19 UPPSELT
Lau 18. feb kl. 22 UPPSELT - síðasta sýning
Miðasala allan sólarhringinn á netinu.
Síðustu sýningar!
Miðasalan opin 13-17
alla virka daga
og frá kl. 15 á
laugardögum.
Þá ætti nú allt að vera orðið í góðu!
Framboð á áætlunar-flugferðum milliÍslands og annarra
landa eykst nokkuð í sum-
ar og jafnvel til frambúð-
ar. Tvö ný flugfélög, Brit-
ish Airways og SAS
Braathens, hefja áætlun-
arflug milli Íslands og
London og Oslóar 26.
mars og bæði Icelandair
og Iceland Express hefja
flug á nýja áfangastaði.
Alls verður vikulegt fram-
boð flugfélaganna kring-
um 44 þúsund sæti og á
Icelandair stærstan hlut
að máli, með tæplega 30 þúsund
sæti vikulega.
Fyrir utan áætlunarflugið virð-
ist einnig síst minni þróttur í
framboði ferðaskrifstofa á leigu-
flugi og má gera ráð fyrir að alls
sinni 15 þotur farþegaflugi til og
frá landinu í sumar.
Icelandair með
140 ferðir í viku
Í sumar fljúga vélar Icelandair
140 ferðir í viku til 22 borga, 6 í
Bandaríkjunum og 16 í Evrópu.
Guðjón Arngrímsson, upplýsinga-
fulltrúi Icelandair, tjáði Morgun-
blaðinu að sumarið 2003 hefðu
ferðirnar verið 100 á viku, 120 á
viku sumarið 2004 en álíka margar
í fyrrasumar og þær verða í sum-
ar, um 140. Tíðustu ferðirnar eru
milli Kaupmannahafnar og Kefla-
víkur eða 3–4 á dag, flogið er til
London tvisvar á dag og síðan
daglega til margra áfangastaða.
„Það hefur verið gríðarlegur
vöxtur í framboði okkar síðustu
árin en í ár hægjum við aðeins á,“
segir Guðjón. Sem dæmi um aukn-
inguna nefnir hann að árið 1985
flutti félagið kringum 490 þúsund
farþega, um 830 þúsund áratug
síðar og í fyrra var farþegafjöld-
inn rúmlega 1,5 milljónir. Lang-
mest er flogið á B757 þotum sem
taka kringum 190 farþega en t.d.
til San Francisco á B767 þotum
sem taka um 260 manns. Alls er
sætaframboðið því fyrir hátt í 30
þúsund manns á viku.
Nýr áfangastaður í ár er Man-
chester á Englandi og í fyrra var
hafið flug til San Francisco.
Um 40% aukning
hjá Iceland Express
Birgir Jónsson, framkvæmda-
stjóri Iceland Express, tjáði
Morgunblaðinu að í sumar yrði
kringum 40% aukning á sæta-
framboði félagsins. Verða alls 255
þúsund sæti í boði mánuðina maí
til september, eða hátt í 13.000 á
viku. Munar þar mestu um þá nýju
áfangastaði sem félagið byrjar að
fljúga til. Í sumar bætast við Alic-
ante, Berlín, Friedrichshafen,
Stokkhólmur og Gautaborg en í
fyrrasumar var einnig flogið til
Hahn við Frankfurt og verður svo
áfram í sumar. Þá eru London og
Kaupmannahöfn inni í áætluninni
sem fyrr og í vor hefst einnig flug
milli Kaupmannahafnar og Akur-
eyrar eins og fram hefur komið.
Birgir segir þessa aukningu
ekki of mikla, viðtökur hafi þegar
sýnt það, og ekki síst hafi góðar
viðtökur fengist hjá Þjóðverjum
við auknu ferðaframboði til Ís-
lands. Segir hann kringum 65%
bókana frá þýsku áfangastöðun-
um vera frá Þjóðverjum en Íslend-
ingar séu með um 35% bókana. Þá
segist Birgir fagna flugi British
Airways, það hafi hleypt meira
kappi í markaðssetningu Ice-
landair og BA og Iceland Express
njóti einnig góðs af. Þrjár MD 90
vélar sinna flugi Iceland Express í
sumar og sú fjórða kemur inn til
að sinna Akureyri. Þær taka um
150 farþega og segir Birgir sæta-
fjöldann hafa verið minnkaðan úr
167 til að auka rýmið.
British Airways og SAS
Braathens byrja í mars
British Airways byrjar sitt flug
til landsins 26. mars, fimm sinnum
í viku yfir sumarið og fjórum sinn-
um næsta vetur. Flogið er milli
Gatwick og Keflavíkur og segir
Bolli Valgarðsson, talsmaður BA á
Íslandi, að bókanir hafi þegar ver-
ið talsverðar. Þá hafi fyrirspurnir
með tölvupósti verið um þúsund á
dag frá 27. janúar þegar auglýst
var tilboðsverð, 12.145 krónur
báðar leiðir með sköttum. Í áætl-
unum sínum gerir BA ráð fyrir að
um 70% bókana komi frá Bretum
og 30% frá Íslendingum. Gera má
ráð fyrir að sætaframboð BA verði
kringum 1.500 á viku.
Fjórða flugfélagið sem hyggst
halda uppi reglulegu áætlunar-
flugi milli Íslands og útlanda er
SAS Braathens sem byrjar 26.
mars að fljúga tvisvar í viku milli
Keflavíkur og Oslóar. SAS flaug á
árum áður milli Íslands og Kaup-
mannahafnar, m.a. í tengslum við
Grænlandsflug félagsins, og hefur
löngum átt samstarf við Icelanda-
ir. Miðað við tvær ferðir á viku í
150 farþega vél verður sætafram-
boðið kringum 600 á viku.
Erlend flugfélög hafa gegnum
árin heldur lítið prófað Íslands-
ferðir. Fyrir margt löngu flaug
bandaríska flugfélagið Pan Amer-
ican milli Íslands og Bandaríkj-
anna og kanadíska flugfélagið
Kanada 3000 gerði einnig tilraunir
með Íslandsflug.
Þá flaug lággjaldafélagið Go
hingað til lands frá Bretlandi og
ótalin eru erlend leiguflugfélög
sem reynt hafa fyrir sér með flug
hingað.
Fréttaskýring | Tvö erlend og tvö íslensk
flugfélög sinna millilandaflugi í sumar
Framboð hefur
aukist frá í fyrra
Kringum 15 þotur sinna áætlunar- og
leiguflugi til og frá landinu í sumar
Flugið er sívinsæll ferðamáti.
Einnig nýir áfangastaðir í
leiguflugi ferðaskrifstofa

Íslendingar ferðast í auknum
mæli til útlanda og erlendir
ferðamenn sækja æ meira hing-
að til lands með stöðugu mark-
aðsstarfi íslenskra og í seinni tíð
erlendra flugfélaga. Framboð ís-
lenskra ferðaskrifstofa í leigu-
flugi virðist fara vaxandi rétt
eins og í áætlunarfluginu. Bjóða
ferðaskrifstofurnar bæði upp á
hefðbundnar sólarstrendur og
hafa einnig fikrað sig inn á nýja
áfangastaði.
Eftir Jóhannes Tómasson
joto@mbl.is