Morgunblaðið - 08.02.2006, Qupperneq 6

6 MIÐVIKUDAGUR 8. FEBRÚAR 2006 MORGUNBLAÐIÐ
FRÉTTIR
Aðalfundur Verðbréfastofunnar hf.fyrir árið
2005 verður haldinn fimmtudaginn 16.
febrúar kl. 17.00 í húsnæði fyrirtækisins
að Suðurlandsbraut 18.
Dagskrá samkvæmt samþykktum.
- Tillaga um hækkun hlutafjár.
- Tillaga um að grein 1.1 í samþykktum
félagsins verði svohljóðandi: Félagið heitir
VBS fjárfestingarbanki hf.
- Önnur mál.
Stjórnin
Aðalfundur
FJÁRFESTINGARBANKI
„VIÐ viljum fá strætó aftur heim til Reykja-
víkur,“ sagði Árni Þór Sigurðsson, borg-
arfulltrúi Vinstrihreyfingarinnar – græns
framboðs í Reykjavík, sem ásamt Svandísi
Svavarsdóttur og Þorleifi Gunnlaugssyni,
frambjóðendum VG, fundaði með starfsfólki
Strætós bs. í gær. Sagði Árni Þór reynsluna
af sameiningu Strætisvagna Reykjavíkur
(SVR) og Almenningsvagna hafa valdið sér
miklum vonbrigðum og vera ein samfelld
árekstrasaga þar sem byggðasamlagsformið
væri stórgallað.
„Nú er svo komið að við teljum hags-
munum Reykjavíkur og þessa málefnis, þ.e.
almenningssamgangna, betur borgið með því
að Reykjavík sjái bara um sinn rekstur og
sína starfsemi og geti þá aukið við hana og
eflt eftir því sem menn telja skynsamlegt,“
sagði Árni Þór og benti á að eins og staðan
væri í dag borgaði Reykjavík um 65–70% af
strætisvagnakerfinu á höfuðborgarsvæðinu
öllu.
„Það má vel færa rök fyrir því að Reykvík-
ingar séu að borga fyrir góða þjónustu í hin-
um sveitarfélögunum. Það væri svo sem allt í
lagi ef það væri þá samstaða um það að það
þurfi líka stundum að efla þjónustuna inni í
Reykjavík, en því miður hefur það ekki ver-
almenningssamgöngur og gera að fýsilegri
kosti fyrir borgarbúa, því yrði ekkert að gert
myndi umferðin aukast um 30% á næstu 20
árum.
Spurður hvernig árangursríkast væri að
fjölga farþegum svaraði Árni Þór því til að
engin ein lausn væri til við þeirri áskorun
heldur þyrftu þar að koma til margar sam-
þættar aðgerðir. „Í fyrsta lagi þarf að
tryggja tíðar ferðir auk þess sem þær þurfa
að vera áreiðanlegar. Auka þarf upplýsingar
um ferðir vagnanna auk þess sem stræt-
isvagnar þurfa að fá enn meiri forgang í um-
ferðinni en er í dag. Síðan þarf mikið upplýs-
inga- og áróðursstarf. Það þarf kannski að
ala upp heila kynslóð sem notar strætó,“
sagði Árni Þór og benti á að fræðsla í grunn-
skólum landsins hefði skilað gríðargóðum ár-
angri í málefnum á borð við reykingar og
flokkun sorps þar sem börnin kæmu síðan
fræðslunni áleiðis til foreldra sinna.
„Ég tel að hægt sé að fara sömu leið með
almenningssamgöngur og strætó, fara með
upplýsingar og fræðslu inn í skólana og
kenna krökkunum að nota strætó þannig að
þau afþakki akstur foreldra sinna og velji
sjálf frekar að ganga í skólann eða hjóla, þar
sem það er bæði heilsusamlegra og betra
fyrir umhverfið,“ sagði Árni Þór og lagði
áherslu á að aðgerðir væru markvissar og
samhæfðar.
ið. Þannig að við teljum að frá sjónarmiði
Reykvíkinga og þeirra hagsmuna sé skyn-
samlegt að færa Strætó heim, þannig að við
sjáum um okkar rekstur og starfsemi á okk-
ar forsendum. Við viljum gjarnan eiga sam-
starf við hin sveitarfélögin um leiðarkerfið
sjálft, þannig að það sé hægt að tryggja
akstur milli sveitarfélaga, en aðalatriðið er
að við getum eflt okkar kerfi.“
Almenningssamgöngur verði
fýsilegri kostur fyrir íbúa
Fram kom í máli Árna Þórs að mikilvægt
væri að þétta net strætisvagnaferða í
Reykjavík og bæta við ferðum, ekki bara á
stofnleiðum. Að hans mati er nauðsynlegt að
skoða hverja leið fyrir sig með tíðni ferða í
huga og bregðast við með því að fjölga ferð-
um á annatímum. Einnig sagði hann lyk-
ilatriði að rafræna greiðslukerfið yrði tekið í
notkun sem allra fyrst sem og birting raun-
tíma á stoppistöðvum. Allt væru þetta liðir í
því að gera almenningssamgöngur að fýsi-
legri kosti fyrir borgarbúa, sem væri hag-
kvæmt ekki aðeins út frá umhverfissjón-
armiðum heldur einnig fjárhagslegum
sjónarmiðum. Benti hann á að 50% alls lands
á höfuðborgarsvæðinu væru í dag lögð undir
bílinn, þ.e. í formi gatna og bílastæða, og um
væri að ræða verðmætt byggingarland.
Lagði hann áherslu á mikilvægi þess að efla
Hagsmunum Reykvíkinga best
borgið með að fá strætó heim
Eftir Silju Björk Huldudóttur
silja@mbl.is
Morgunblaðið/Árni Sæberg
Fundur frambjóðenda Vinstrihreyfingarinnar – græns framboðs til borgarstjórnar í Reykjavík með starfsfólki Strætó bs. var vel sóttur.
Í UMRÆÐUM á fundinum lýstu vagnstjórar
áhyggjum sínum yfir ört fækkandi farþeg-
um í vögnum sínum og voru ræddar að-
gerðir til þess að gera strætó meira aðlað-
andi í huga fólks. Sögðu þeir vægast sagt
ömurlegt fyrir vagnstjóra með þjón-
ustulund að þurfa að svara fyrir leiðakerfi
sem hefði fjarlægst farþega og tæki ekki
mið af þörfum þeirra. Sitt sýndist hverjum
um það hvort hafa ætti vagnana gjald-
frjálsa. Voru sumir á því að það væri eina
leiðin til að laða farþega inn í vagnana, en
aðrir óttuðust að væru ferðir ókeypis myndi
það verða til að draga enn frekar úr virð-
ingu fólks fyrir strætó.
Allir fundarmenn voru sammála um að
nýjasta gjaldskrárhækkun hefði verið
ótímabær og að
mikilvægt væri
að bjóða afslátt-
armiða og afslátt-
arkort á mjög
góðum kjörum þó
svo að stakar
ferðir væru eitt-
hvað dýrari. Í
máli vagnstjóra kom fram
að þeir myndu vilja geta selt farþegum af-
sláttarmiða og kort í stað þess að þurfa að
senda alla niður á Hlemm, sem mæltist illa
fyrir hjá mörgum farþegum. Fram kom
hörð gagnrýni á aðstöðu eða réttara sagt
aðstöðuleysi farþega á Hlemmi og rætt var
um hvar framtíðarhöfuðstöðvar Strætó
ættu að vera nú þegar ljóst væri að lóð fyr-
irtækisins við Kirkjusand ætti að nýtast
undir íbúðar- og aðra atvinnustarfsemi.
Illa staðið að breytingunum
Á fundinum lýstu vagnstjórar mikilli
óánægju með það að ekki hefði verið haft
neitt samráð við þá um leiðakerfisbreyting-
arnar sem ráðist var í sl. sumar. Jafnframt
gagnrýndu þeir hversu illa hefði verið stað-
ið að kynningu á breytingunum, bæklingar
væru með of smáu letri fyrir marga eldri
borgara og ekki hefði verið gert neitt til að
kynna breytingarnar sérstaklega t.d. í skól-
um landsins. Í máli Árna Þórs Sigurðssonar
og Svandísar Svavarsdóttur kom fram að
æskilegt hefði verið að nýja leiðakerfið
hefði tekið meira mið af gamla kerfinu, þ.e.
byggst á því, en einnig væri ljóst að gefa
þyrfti nýja kerfinu lengri tíma til aðlög-
unar. Ekki mætti dæma það úr leik á svo
skömmum tíma. Margir Reykvíkingar
hefðu lært gamla kerfið á unga aldri og það
tæki tíma að venjast nýjum leiðum.
Gagnrýndu
samráðsleysi
SMÁRAGARÐUR ehf., fasteigna-
félag Norvíkur hf., hefur óskað eftir
því við Reykjavíkurborg að hefja við-
ræður um úthlutun á lóð fyrir bygg-
ingavöruverslunina BYKO, austan
við Vesturlandsveg, í landi borgar-
innar við Úlfarsfell. Seint í síðasta
mánuði barst borgaryfirvöldum um-
sókn um 20 þúsund fermetra lóð á
sama svæði frá þýsku lágvöruverðs-
byggingarvörukeðjunni Bauhaus, en
í bréfi Smáragarðs til skipulagsráðs
kemur fram að BYKO hafi margoft
verið neitað um lóð á svæðinu.
Dagur B. Eggertsson, formaður
skipulagsráðs, segir ósk Smáragarðs
koma sér nokkuð á óvart enda sé fyr-
irhugað hjá fyrirtækinu að byggja 40
þúsund fermetra verslunarhúsnæði,
sem einnig mun innihalda verslun
BYKO, á Stekkjarbrekkum, sem
liggur vestanmegin við Vesturlands-
veginn.
Í bréfi Smáragarðs kemur fram að
ákveðnir gallar fylgi fenginni lóð.
„Fyrst og fremst þeir að hún er vest-
anmegin við Vesturlandsveg og því
liggur hún ekki eins vel við umferð
og þær lóðir sem liggja austanmegin
við veginn.“ Þar segir einnig að þeg-
ar unnið var svo að skipulagi Graf-
arholts hafi BYKO átt í viðræðum
við borgina í nokkur ár og lagt
áherslu á að fá lóð fyrir stóra verslun
við Vínlandsleið. Lóðinni hafi hins
vegar verið úthlutað til annars fyr-
irtækis, sem starfar þar í dag.
Staðsetningin skiptir
miklu máli
Guðmundur Halldór Jónsson,
framkvæmdastjóri Smáragarðs,
segir málið vera á byrjunarstigi. Að-
eins hafi verið óskað eftir viðræðum.
Aðspurður út í 40 þúsund fer-
metra lóðina sem félagið fékk úthlut-
að hinum megin við Vesturlandsveg
segir Guðmundur að BYKO hafi
reynt að komast inn á svæðið austan
við Vesturlandsveg í mörg ár en það
hafi ekki verið í boði fyrir verslun af
þessu tagi fyrr en núna. „Menn
verða að átta sig á því að við viljum
náttúrlega fá afgerandi góða lóð því
staðsetning skiptir mjög miklu máli,
sýnileiki og annað. En ég er ekki að
gera lítið úr þeirri lóð sem við feng-
um, okkur finnst þetta einungis und-
arlegt,“ segir Guðmundur.
Dagur B. segist vera meira en
tilbúinn að hitta fulltrúa Smáragarðs
en að hann hafi jafnframt beðið um
að fyrst verði fundað með þeim emb-
ættismönnum sem önnuðust sam-
skiptin á sínum tíma, þannig að ekki
verði margar útgáfur í gangi af því
sem þá fór fram, hvað til álita kom og
skoðunar.
„Ég var ekki viðstaddur þær við-
ræður og það er aldrei gott í svona
umræðu ef það er ekki sameiginleg-
ur skilningur á forsögu málsins og
staðreyndum,“ segir Dagur og bætir
við að Reykjavíkurborg hafi teygt
sig afar langt fyrir Smáragarð til að
útvega þeim svo stóra lóð. „Við vor-
um að leita að lóð fyrir þrjá aðila,
fyrir sameiginlegt svæði, og teygð-
um okkur mjög langt til að koma
þeim fyrir. Það kallaði bæði á breyt-
ingu á aðal- og deiliskipulagi og ég
veit ekki annað en það hafi verið
ánægja með lóðina.“
Umsókn Bauhaus um lóð við Úlf-
arsfell verður tekin fyrir á fundi
skipulagsráðs í dag og telur Dagur
að starfsemi Bauhaus samræmist
skipulagi á svæðinu ágætlega og
muni vera góð fyrir samkeppni í
byggingavöruverslun á svæðinu.
Fulltrúar Smáragarðs óska eftir viðræðum við
Reykjavíkurborg um lóð fyrir BYKO við Úlfarsfell
„Þetta er ákveðið
réttlætismál“
Eftir Andra Karl
andri@mbl.is