Morgunblaðið - 10.02.2006, Síða 31

MORGUNBLAÐIÐ FÖSTUDAGUR 10. FEBRÚAR 2006 31
UMRÆÐAN
Kjósið
Þekkingu og reynslu
Kjósið
Skynsemi og skilning
Kjósið
Stefán Benediktsson
Stuðningsmenn Stefáns Benediktssonar
Opið prófkjör Samfylkingarinnar og óháðra
helgina 11. og 12. febrúar
fyrir sælkera á öllum aldri
m - tímarit um mat og vín
fylgir næst Morgunblaðinu laugardaginn 18. febrúar og
að þessu sinni er blaðið helgað Food & Fun hátíðinni í
Reykjavík sem stendur yfir dagana 22.-25. febrúar.
• Umfjöllun um veitingastaðina sem taka þátt í
Food & Fun í ár.
• Sælkerauppskriftir frá meistarakokkum.
• Fjallað um erlendu kokkana sem verða
á Food & Fun.
• Gómsætar uppskriftir úr íslensku hráefni.
Auglýsendur!
Pantið fyrir kl. 16 miðvikudaginn 15. febrúar og tryggið
ykkur pláss í þessu glæsilega blaði.
Allar nánari upplýsingar veitir Katrín Theódórsdóttir í
síma 569 1105 eða kata@mbl.is
Í FYRRI grein minni fjallaði ég
um þær fjórar meginstoðir sem eru
burðarásarnir í atvinnulífi Akureyr-
ar. Í jafn stóru bæjarfélagi eru fjöl-
mörg fyrirtæki sem
leggja sitt af mörkum
til að skapa hér blóm-
legt atvinnulíf. Í vaxt-
arsamningi Eyja-
fjarðar, sem hófst á
síðasta ári, er einmitt
tekin afstaða til at-
vinnugreina og lögð
áhersla á að styrkja
þessa fjóra þætti at-
vinnulífsins þar sem
mestu möguleikarnir
ættu að felast. Þessar
áherslur fela í sér ný-
breytni í samstarfi
fyrirtækja í svokölluðu
klasasamstarfi sem hefur reynst vel
erlendis en er nýtt fyrir okkur Ís-
lendinga.
Heilsuklasinn
Í heilsuklasanum verður unnið að
nýsköpunarverkefnum í tengslum
við forvarnir og lýðheilsu. Það eru
margir sem koma að þeirri vinnu
auk Fjórðungssjúkrahússins sem
ég nefndi í fyrri grein minni. Þar
verður lögð áhersla á að efla og
bæta heilsuna og draga þar með úr
kostnaði þjóðfélagsins. Þarna geta
tekið þátt ólíkir aðilar sem allir
leggja áherslu á
heilsuvernd, t.d.
Heilsugæslustöðin,
sjúkraþjálfarar og lík-
amsræktarstöðvar.
Eins eru möguleikar á
að markaðssetja þjón-
ustu FSA erlendis og
t.d. er þjónustusamn-
ingur við grænlensku
heimastjórnina orðinn
að veruleika.
Mennta- og rann-
sóknaklasinn
Í mennta- og rann-
sóknaklasanum felast
möguleikarnir í því úrvali mennt-
unar, sem er í boði á Akureyri. Ég
nefndi í fyrri grein minni hinn ört
vaxandi háskóla en einnig er hægt
að nefna framhaldsskólana tvo,
myndlistarskólann og tónlistar-
skólana. Með auknu samstarfi nem-
enda og kennara þessara stofnana
er hægt að ná langt. Og það er
þannig hugsunarháttur sem við
verðum að temja okkur – að brjóta
múrana og ná sem mestum sam-
legðaráhrifum ólíkra greina. Það er
okkar styrkur.
Matvælaklasinn
Í matvælaklasanum er verið að
vinna að ýmsum málum sem snerta
rekstur greinarinnar með beinum
hætti. Eins felast möguleikar í
matvælaferðamennsku og það er
ánægjulegt að sjá áherslur veit-
ingastaða hér á Akureyri sem hafa
einsett sér að bjóða upp á lostæti
úr matarkistunni Eyjafirði.
Matvælaframleiðsla er gríðarlega
stór hluti af atvinnulífinu en sú
starfsemi veltir um 30 milljörðum
króna og ársverk eru um 2.000
talsins. Ég nefni sem dæmi fyr-
irtæki eins og Samherja sem er í
fremstu röð á heimsvísu í fram-
leiðslu sjávarafurða. Annað dæmi
er Norðurmjólk sem er frum-
kvöðull í vöruþróun á t.d. skyri og
skyrdrykkjum. Þriðja dæmið sem
ég vil nefna er matvælafyrirtækið
Kjarnafæði sem er einnig í fremstu
röð í þróun og fullvinnslu afurða og
hefur innleitt fjölmargar merkar
nýjungar á þessu sviði. Hægt væri
að telja upp fjölmörg önnur fyr-
irtæki, sem eiga þátt í að skapa
þetta góða orðspor, en það er efni í
aðra grein.
Góður maður sagði á dögunum
að Eyjafjörður væri stundum kall-
aður mekka matvælaiðnaðarins,
þar sem fyrirtæki hér hafi verið
leiðandi í vöruþróun og fullvinnslu
afurða. Þetta er okkar styrkur.
Ferðaþjónustuklasinn
Á einn eða annan hátt tengjast
síðan allir klasarnir, gegnum mis-
munandi verkefni, við ferðaþjón-
ustuklasann en fyrirtæki sem
starfa að gistingu, veitingum, af-
þreyingu og samgöngum eru skil-
greind sem ferðaþjónusta. Nauð-
synlegt er að mínu mati að öll
menningarstarfsemi og verslun falli
einnig í þennan flokk. Þar er fram-
tíðin björt. Sem dæmi má nefna til-
komu menningarhússins sem á eft-
ir að auka enn á afþreyingu og
möguleika til funda og ráð-
stefnuhalds í bænum. Þá hefur
gróskumikið starf Leikfélags Ak-
ureyrar um langt árabil verið eitt
helsta aðdráttarafl bæjarins og er
það enn.
Hér eru ónefndar allar þær nátt-
úruperlur sem eru í nágrenni Ak-
ureyrar og þeir möguleikar sem
felast í veiði, gönguferðum, hesta-
mennsku og náttúruskoðun,
myrkri, norðurljósum og björtum
nóttum. Þar liggur okkar styrkur
líka.
Björt framtíð og
mörg sóknarfæri
Af framansögðu er ljóst að fram-
tíð Akureyrar og Eyjafjarðarsvæð-
isins er björt ef rétt er haldið á
málum. Sóknarfærin eru óteljandi
en það er ekki sama hvernig þau
eru nýtt eða hver ræður ferðinni.
Sjálfstæðisflokkurinn hefur verið
ráðandi afl í bæjarstjórn Akureyrar
sl. átta ár. Ég tel okkur eiga mik-
inn þátt í því hversu vel hefur til
tekist. Við hyggjumst halda áfram
á sömu braut en þurfum til þess
stuðning kjósenda í vor. Ég býð
mig fram í forystusveit Sjálfstæð-
isflokksins á Akureyri í prófkjörinu
sem fram fer á morgun, laugardag.
Máttur og meginstoðir
Eftir Sigrúnu Björk
Jakobsdóttur ’Sóknarfærin eru ótelj-andi en það er ekki sama
hvernig þau eru nýtt eða
hver ræður ferðinni.‘
Sigrún Björk
Jakobsdóttir
Höfundur er bæjarfulltrúi og býður
sig fram í 2. sæti í prófkjöri Sjálfstæð-
isflokksins á Akureyri.
Prófkjör Akureyri
GUÐJÓN nokkur Jensson skrifar
grein í Morgunblaðið 5. febrúar sl.
sem hann nefnir „Fjármál stjórn-
málaflokkanna“. Guð-
jón fjallar þar um
nauðsyn þess að settar
séu reglur um fjármál
flokkanna, helst þá í
stjórnarskrá. Í mörg-
um löndum, en alls
ekki öllum, hafa verið
settar reglur um starf-
semi stjórnmála-
samtaka og fjalla þá
oftast að meginstofni
um fjármál. Dæmi eru
um að þessar reglur
séu bæði í formi laga
eða byggi á sam-
komulagi flokka. Ekki hef ég þó rek-
ist á nokkur dæmi þess að þær séu
bundnar í stjórnarskrá.
Ég fagna allri umræðu um fjármál
flokkanna á málefnalegum for-
sendum en þegar líður á grein Guð-
jóns fer honum heldur að fatast flug-
ið og tilgangur hans verður ekki
lengur að fjalla um fjármál flokk-
anna heldur eins flokks, Framsókn-
arflokksins. Þar gerir hann sig sekan
um grófar rangfærslur sem ekki er
hægt að láta ósvarað.
Rangfærslur
Fyrsta rangfærslan er sú að hann
heldur því fram að Framsókn-
arflokkurinn hafi varið 100 millj-
ónum króna til kosningabaráttunnar
í síðustu alþingiskosningum. Það er
rangt. Á flokksþingi Framsókn-
arflokksins í febrúar 2005 var greint
frá því að kosningabaráttan 2003
kostaði flokkinn 68,5 milljónir króna.
Hvar Guðjón hefur fundið þessa 100
milljóna tölu hef ég ekki hugmynd
um en líklega hefur hann búið hana
til sjálfur.
Önnur rangfærslan er sú að hann
segir að Framsóknarflokkurinn hafi
eytt álíka hárri fjárhæð og allir hinir
flokkarnir til samans. Það er rangt.
Samfylkingin hefur birt í ársreikn-
ingum sínum að kosningabarátta
hennar 2003 hafi kostað tæpar 88
milljónir króna. VG hefur birt að
kosningabarátta þeirra 2003 hafi
kostað rúmar 17 milljónir og birti um
leið í frétt á vg.is 4. september 2003
um uppgjör vegna kosninganna að
jafnframt hafi verið varið 15,5 millj-
ónum í styrki til kjördæmisfélaga
vegna kosninga eða samtals um 32
milljónir króna. Frjálslyndi flokk-
urinn hefur síðan birt að kosninga-
barátta þeirra 2003 hafi kostað 15,6
milljónir. Alla þessa ársreikninga má
finna á vefjum viðkomandi flokka.
Samtals eru þetta rúmar 135 millj-
ónir króna hjá þessum þremur flokk-
um eða tvöfalt meira en
kostnaður Framsókn-
arflokksins. Er þá eftir
að telja kostnað Sjálf-
stæðisflokksins sem
ekki hefur verið gefinn
upp. Þessi fullyrðing
Guðjóns stenst því enga
skoðun sama hvernig á
hana er litið.
Þriðja rangfærslan
er síðan sú að hann
heldur því fram að á
síðasta landsfundi
Framsóknarflokksins
(sem reyndar heitir
flokksþing) sl. haust (sem reyndar
var haldið í febrúar 2005), hafi komið
fram að búið væri að greiða kosn-
ingaskuldirnar og farið að safna í
sjóði fyrir næstu kosningar. Betur að
satt væri, Guðjón. Þessi fullyrðing er
hreinn uppspuni og kom ekki fram á
ofangreindu flokksþingi. Það tekur
tíma að greiða niður 68,5 milljónir og
því mun því miður ekki ljúka fyrr en
í byrjun næsta árs. Ef Guðjón vill
leggja flokknum lið í því efni þá er
honum það velkomið en ég á svo sem
ekki sérstaka von á því þar sem að
afgangurinn af grein hans fer í fleiri
staðlausar aðdróttanir um Fram-
sóknarflokkinn, iðnaðarráðherra og
áliðnaðinn sem ég hirði ekki um að
svara hér.
Unnið af heilindum
Nú stendur yfir nefndarstarf með
þátttöku allra flokka, um lagaum-
hverfi stjórnmálastarfsemi á Íslandi.
Í því nefndarstarfi hefur verið unnið
af heilindum og vandvirkni að því að
meta kosti og galla frekari reglusetn-
ingar um löggjöf stjórnmálaflokka.
Ég fagna allri opinberri umræðu um
fjármál stjórnmálaflokka, en sú um-
ræða verður að byggjast á stað-
reyndum en ekki rakalausum þvætt-
ingi á borð við þá grein sem hér er til
umfjöllunar. Grein Guðjóns Jens-
sonar sýnir vanda þessa verkefnis í
hnotskurn. Að engu skiptir hversu
miklar upplýsingar flokkar bera á
borð um fjármál sín, eins og Fram-
sóknarflokkurinn hefur sannarlega
gert, ef rógberar sem hirða ekki um
satt eða rétt stjórna umræðu um fjár-
mál flokkanna. Verkefni allra þeirra
sem vilja betri umgjörð um fjármál
stjórnmálaflokkanna er því tvíþætt:
Annars vegar þarf að setja einhver
viðmið um upplýsingaskyldu og önn-
ur takmörk sem flokkarnir fara eftir
og hins vegar þurfa allir flokkar að
taka til í sínum ranni og sammælast
um að afneita þeim sem dreifa raka-
lausum óhróðri um stjórnmála-
starfsemi og heiðarleika þeirra sem
að henni koma.
Um fjármál
stjórnmálaflokka
Sigurður Eyþórsson fjallar um
fjármál stjórnmálaflokkanna
Sigurður Eyþórsson
’Ég fagna allri umræðuum fjármál flokkanna á
málefnalegum forsendum
en þegar líður á grein
Guðjóns fer honum held-
ur að fatast flugið …‘
Höfundur er framkvæmdastjóri
Framsóknarflokksins og
formaður nefndar um lagaumhverfi
stjórnmálasamtaka.