Morgunblaðið - 11.03.2006, Blaðsíða 34
„VIÐ sváfum eiginlega með augun
opin fyrstu tvær næturnar,“ segir
Ingvar Örn Ákason, framkvæmda-
stjóri handknattleiksdeildar KR, um
hótelgistingu sem hann fann á net-
inu. Ingvar var staddur í New York
nýlega ásamt systur sinni, Jónínu
Ásdísi, og erindi þeirra var að fara á
tónleika með hljómsveitinni Life-
house. „Hótelið heitir Hotel Penn-
sylvania og ég pantaði það í gegnum
netið,“ heldur Ingvar áfram. „Mynd-
irnar á netinu voru rosalega flottar
en þær voru örugglega teknar þegar
hótelið var nýbyggt og það er nokk-
uð komið til ára sinna og orðið
freeekar ógeðslegt.“ Fólki var ráð-
lagt að setja öryggislásinn á þegar
komið væri upp á herbergið. „Sá lás
var hins vegar brotinn og við gátum
þess vegna ekki læst. Þetta var mjög
sérstakt, en kannski bara sjarm-
erandi að kynnast því líka.“
Ingvar fór nokkuð sérstaka leið í
því að skipuleggja ferðina til New
York því að hann byrjaði á að
tryggja sér miða á tónleikana og svo
var farið í að útvega flugmiða. „Það
var ákveðið bara nóttina áður en ég
fór út að Jónína kæmi með. Ég er
búinn að halda lengi upp á þessa
hljómsveit, Lifehouse, og Jónína
hefur smitast aðeins af áhuga mín-
um. Hún spurði mig hvort hún mætti
koma með mér og ég hugsaði bara;
af hverju ekki?“ Þannig að það varð
úr að þau fóru bæði.
„Við fórum líka á tvo NBA-leiki.
Sáum New Jersey Nets leika gegn
Miami Heat og New York Knicks á
móti Houston Rockets. Seinni leik-
urinn var í Madison Square Garden,
sem er hinumegin við götuna við hót-
elið, þannig að það var ekki allt
slæmt við hótelið,“ segir Ingvar og
hlær. „Hótelið var nefnilega á mjög
góðum stað og við gátum labbað um
allt.“ Sem dæmi nefnir hann að
Empire State-byggingin sé við hlið-
ina á hótelinu.
Ólýsanlegir tónleikar
Fyrsta kvöldið ákváðu þau að
rölta aðeins um Manhattan. „Við
vorum nú svolítið skelkuð til að byrja
með, aðallega vegna mannfjöldans.“
Hræðslan var ekki ríkjandi lengi því
að þau fundu sig vel heima á Man-
hattan. „Þetta lagaðist nú fljótt því
eftir klukkutíma leið okkur bara eins
og við ættum heima þarna, við viss-
um hvar allt var og svona. Manni líð-
ur svo vel þarna,“ segir Ingvar léttur
í bragði og útskýrir að allir hafi ein-
faldlega verið svo viðkunnanlegir og
einstaklega kurteisir.
Það var mikil upplifun fyrir systk-
inin að fara á tónleikana sem voru
tilefni ferðalagsins og þeir stóðu
fyllilega undir væntingum.
„Tónleikarnir voru ólýsanlegir,“
segir Ingvar. „Þetta var mjög lítill
staður, helmingi minni en Nasa, og
sviðið jafnlangt og kannski tveir
bílar,“ lýsir hann. „Mér var sagt að
ef ég ætlaði að vera framarlega yrði
ég að mæta snemma í röð. Við mætt-
um mjög snemma, eða um hádegi, og
húsið var opnað klukkan átta.“ Þau
biðu þess vegna úti í um átta klukku-
stundir. „Í einhverjum mesta kulda
sem ég hef upplifað á ævinni,“ segir
Ingvar en bætir við að biðin hafi ver-
ið fyllilega þess virði og óþægindin
lítilvæg miðað við hvað tónleikarnir
voru frábærir.
Þau systkinin könnuðu veitinga-
húsamenninguna lítillega og Ingvar
nefnir sérstaklega Skylight Diner.
„Það er staður eins og maður sér í
bíómyndunum, þar eru borð á milli
tveggja langra sófa, svona eins og í
Seinfeld-þáttunum.“ Hooters sló líka
í gegn hjá þessum ungu systkinum
og Ingvar segir að koman þangað sé
með því eftirminnilegra úr ferðinni.
Ingvari er ekkert sérstaklega vel
við að fljúga. „Ég er bara eins flug-
hræddur og hægt er að vera,“ segir
hann. „Ég gerði ráðstafanir áður en
ég fór, kvaddi mína bestu vini sér-
staklega, ef eitthvað skyldi koma upp
á. Ég býst alltaf við því að hver flug-
ferð verði mín hinsta,“ útskýrir hann
en getur samt ekki annað en hlegið.
„Ég var mjög hræddur á leiðinni út,
við vorum vöruð við hristingi og þeg-
ar boðið var upp á djús rétt á meðan
hristingurinn varði svaraði ég því til
að ég ætlaði ekkert að vera að
drekka djús á meðan ég horfði á
vænginn titra svona!“ Og það var
ekki allt. „Á leiðinni út vorum við rétt
sest inn í vél þegar okkur var til-
kynnt að flugtak myndi tefjast af því
að það vantaði varahlut í vélina. Við
þurftum að fara frá borði og í
klukkutíma horfði ég á viðgerð-
armenn berja í hreyfilinn með hamri,
það vantaði sem sé ekkert varahlut
heldur var eitthvað að hreyflinum,“
segir Ingvar og skellihlær þegar
hann rifjar þetta upp. „Svo ypptu
þessir menn bara öxlum og hristu
hausinn og þá fengum við tilkynn-
ingu um að við mættum fara um borð
aftur!“ segir Ingvar Örn Ákason að
lokum og bætir því við að hann
hlakki mikið til að fara aftur til út-
landa, þrátt fyrir alla flughræðslu.
FERÐALÖG | Logandi hræddur í flugvélinni
Það eina góða við hótelið var staðsetningin. Jónína Ás-
dís í Empire State-byggingunni sem er við hliðina á
Hotel Pennsylvania.
Í átta klukkutíma í biðröð í mesta kulda sem hann hef-
ur upplifað. Ingvar og Jónína voru fyrst ein í biðröðinni
ásamt tveimur stúlkum frá New Jersey.
Á tónleikunum var Ingvar með stórt spjald þar sem hann vakti athygli
á því að hann hefði komið alla leið frá Íslandi til að fara á tónleikana
með Lifehouse. Jason Wade, söngvara hljómsveitarinnar, þótti þetta
merkilegt og gaf sig á tal við Ingvar af þessu tilefni á tónleikunum.
Fundu sig heima
á Manhattan
sia@mbl.is
34 LAUGARDAGUR 11. MARS 2006 MORGUNBLAÐIÐ
SAMGÖNGURÁÐUNEYTIÐ
Kynningarfundir samgönguráðherra
um Fjarskiptaáætlun til ársins 2010
Patreksfjörður Félagsheimilið Sunnudagur 12. mars kl. 14:00
Ólafsfjörður Félagsh. Tjarnaborg Þriðjudagur 14. mars kl. 20:00
Siglufjörður Bíó Café Miðvikudagur 15. mars kl. 20:00
Innifalið í verði: Ótakmarkaður akstur,
allar tryggingar, engin sjálfsábyrgð.
Afgreiðslugjöld á flugvöllum.
Höfum allar stærðir bíla, 5-7 manna og
minibus, 9 manna, og rútur með/án
bílstjóra.
Höfum bíla með dráttarkrók og smárútur,
allt að 14 manna. Smárútur fyrir
hjólastóla.
Sumarhús
Útvegum sumarhús í Danmörku af öllum
stærðum - frá 2ja manna og upp í 30
manna hallir. Valið beint af heimasíðu
minni. - Þið takið húsið frá í 3 daga án
greiðslu og við staðfestum síðan og
sendum samning og greiðsluseðla. Einnig
má greiða með greiðslukorti.
LALANDIA
Útvegum sumarhús í Lalandia, einhverju
skemmtilegasta orlofshverfi Danmerkur.
Lágmarksleiga 2 dagar.
Húsbílar, hjólhýsi fyrir VM 2006
Höfum nokkra húsbíla fyrir VM 2006 í
Þýskalandi til afgreiðslu frá Kaupmanna-
höfn og Flensborg. Getum útvegað
hjólhýsi og bíla með dráttarkrók.
Fjölbreyttar upplýsingar á heimasíðu;
www.fylkir.is
Fylkir.is ferðaskrifstofa
sími 456 3745
Eina ferðaskrifstofan á Vestfjörðum sem
ekki nýtur styrkja frá opinberum aðilum
Bílaleigubílar
Sumarhús í
Danmörku
Ódýrari bílaleigubílar fyrir Íslendinga
Bílar frá dkr. 1.975 vikan
Gönguferð á suðurströnd
Tyrklands
Úrval-Útsýn og Göngu-Hrólfur bjóða
upp á gönguferð á suðurströnd Tyrk-
lands, vikuna 22. apríl –1. maí
Gengið verður um valda hluta „Lýkíu-
leiðarinnar“ – fyrstu merktu göngu-
leiðar Tyrklands. Hún er 500 kílómetra
löng, var opnuð almenningi árið 2000
og var þá strax valin ein af tíu bestu
gönguleiðum í heiminum af tímaritinu
Sunday Times. Flogið verður til Antalía
og haldið þaðan beint til sveitaþorpsins
Cirali undir hlíðum Ólymposfjallsins þar
sem dvalið verður sex nætur, næstu
fimm nætur er síðan gist í Kas, gömlu
fiskiþorpi á rústum fornborgarinnar
Antipellos.
Verð á mann í tvíbýli er 121.600 og er
þá allt innifalið nema drykkir.
Lífsstíls- og heilsunámskeið
fyrir konur í Orlando
Lsstíls- og heilsunámskeið voru stofnuð
til þess að gefa konum kost á að læra
að láta sér líða betur og líta vel út á
sama tíma með aðstoð rétts hugs-
unarháttar, líkamsþjálfunar og nær-
ingar.
Í fréttatilkynningu frá Betra formi kem-
ur fram að námskeiðin standi yfir viku í
senn og séu samspil persónusniðinnar
líkamsþjálfunar, réttrar næringar, sjálf-
styrkingar og fyrirlestra. Hægt er að
framlengja, og taka tveggja vikna nám-
skeið. Skipulögð dagskrá er frá klukkan
8 á morgnana til klukkan 2 eftir hádegi.
Reyndir þjálfarar stjórna námskeiðinu
og verða aldrei fleiri en 6 til 8 konur um
hvern þjálfara þannig að hægt sé að
laga námskeiðin að þörfum hverrar og
einnar. Gist er í 10–12 manna lúx-
usvillum með einkasundlaugum og frá-
bærri aðstöðu. Innifalinn í námskeiðinu
er morgunverður og hádegisverður
ásamt tveimur millimáltíðum á hverjum
degi. Þetta er sannkölluð dekurferð fyr-
ir sál og líkama og er tekið á móti þátt-
takendum með veglegum gjafakörfum,
snyrtivörum og sloppi til að tryggja
ógleymanlega ferð.
Tuscan Hill í Kissimmee, Orlando, er
hrein paradís, veður þessa fyrstu mán-
uði sumars frábært og nóg að gera við
lausan tíma sem skapast. Sjónvarps-
konan Sigríður Arnardóttir, Sirrý, verð-
ur með í fyrstu ferðinni og býður upp á
þjálfun í öruggri tjáningu, auknu sjálfs-
trausti og framsækni. Létt verkefni og
æfingar til að styrkja sál og líkama í sól-
inni.
Til að tryggja að þátttakendur haldi
áfram eftir að heim kemur fylgir mán-
aðarkort á líkamsræktarstöð í Reykja-
vík.
Sérstakt kynningartilboð gildir á
fyrstu tvö námskeiðin. Allar frek-
ari upplýsingar má finna á Lífs-
stíls- og heilsunámskeið, www.lifs-
stillogheilsa.net. Einnig er
fyrirspurnum svarað á bok-
anir@lifsstillogheilsa.net.
Morgunblaðið/Ómar
NÝR ferðavefur verður formlega opnaður í dag
klukkan 13. Að vefnum standa félagarnir Einar
Hjaltason og Axel Gunnlaugsson, sem báðir
starfa sem forritarar, og Sigurður Gunnarsson,
sem starfað hefur í ferðabransanum. Þeir hafa
stofnað fyrirtækið Ferðatorg ehf. í kringum vef-
inn og er vefslóðin www.ferdatorg.is.
Vefurinn er algjörlega sjálfstætt framtak þre-
menninganna, en þeir hafa nú fengið til liðs við
sig allar innlendar ferðaskrifstofur, sem eru
með ferðaskrifstofuleyfi og bjóða Íslendingum
ferðir út í heim. Um er að ræða 22 ferðaskrif-
stofur, stórar sem smáar.
„Við leggjum ríka áherslu á að vera í sam-
starfi við alvöru ferðaskrifstofur, sem eru að
bjóða upp á margvíslegar pakkaferðir til út-
landa. Hér er á ferðinni fyrsti og eini safnvef-
urinn, þar sem notendur fá nánast tæmandi
upplýsingar um ferðir og ferðategundir sem eru
í boði á ákveðnum tímabilum. Ef einhver fær t.d.
þá hugdettu að langa í gönguferð til útlanda í
ágúst, þá getur hann einfaldlega leitað að öllum
gönguferðum, sem íslensku ferðaskrifstofurnar
eru að bjóða, undir flokknum hreyfi- og útivist-
arferðir, á tilteknu tímabili. Lítist mönnum á
einhverja ferð, er hægt að fara beint af ferda-
torgi.is og yfir í bókunarkerfi viðkomandi ferða-
skrifstofa,“ segir Einar og bætir við að ferða-
torgið taki yfir allar tegundir ferða svo sem golf-
og íþróttaferðir, sólarlandaferðir, menning-
arferðir, gönguferðir og svo framvegis. Á síð-
unni finnur ferðamaðurinn svör við algengum
spurningum. Sérstök síða geymir tilboðssíðu ef
ferðatilboð bjóðast hjá viðkomandi ferðaskrif-
stofum auk þess sem til stendur að efna til
ferðaleikja af og til á vefnum.
FERÐALÖG | Allar utanlandsferðir á glænýjum ferðavef fyrir Íslendinga
Fyrir ferðaþyrsta Íslendinga