Morgunblaðið - 20.05.2006, Blaðsíða 46

46 LAUGARDAGUR 20. MAÍ 2006 MORGUNBLAÐIÐ
UMRÆÐAN
Alltaf eitthvað að gerast
Stofnun Höfuðborgarstofu 2003 var mikið gæfuspor
fyrir Reykjavík og íbúa hennar. Hún er nú efnahags-
lega mikilvægari en nokkru sinni fyrr. Uppbyggingin
hefur verið ævintýraleg og þar hefur
Höfuðborgarstofa verið lykilstofnun.
Upplýsingamiðstöðin í Aðalstræti er
glæsileg og mikilvægasti viðkomu-
staður ferðamanna, hvort sem þeir
hyggja á dvöl í Reykjavík eða ætla sér
að ferðast út á land. Höfuðborgarstofa
ber að auki ábyrgð á skipulagi og fram-
kvæmd ýmissa viðburða á vegum borg-
arinnar, s.s. Vetrarhátíðar, Hátíðar hafsins og Menn-
ingarnætur, auk þess sem hún hefur verið gífurlegur
styrkur fyrir skipuleggjendur stórra viðburða í borg-
inni. Þar má nefna Hinsegin daga, Iceland Airwaves,
Reykjavíkurmaraþon, Food and Fun og marga marga
fleiri. Breytingin í þessum efnum er ótrúleg. Það er
alltaf eitthvað spennandi og skemmtilegt sem stendur
til í Reykjavík. Þessa breytingu má að miklu leyti rekja
til hinnar örvandi tilveru Höfuðborgarstofu.
Vönduð stefnumótun
Grunnur að velgengni Höfuðborgarstofu er tvíþættur.
Annars vegar er það sérstaklega kraftmikið og ósér-
hlífið starfsfólk sem hefur unnið frábært starf, sam-
borgurum sínum til heilla. Því hefur tekist að virkja
borgarbúa og stofnanir borgarinnar og það hefur náð
undraverðum árangri á stuttum tíma. Hins vegar er
það óvenjuviðamikil stefnumótun sem unnin var í
ferðamálum, fyrst undir forystu Þórólfs Árnasonar og
síðar undir forystu Dags B. Eggertssonar og Svanhild-
ar Konráðsdóttur. Að þessari stefnumótun kom mikill
fjöldi borgarbúa, ferðaþjónustufólk, verslunarmenn,
listamenn, athafnaskáld, starfsmenn borgarinnar,
borgarfulltrúar, prestar, kennarar, afar, ömmur, pabb-
ar og mömmur.
Fjölgun ferðamanna
Ég fullyrði að uppgangur ferðaþjónustunnar í Reykja-
vík hafi orðið til þess að gjörbreyta ferðaþjónustunni á
Íslandi. Nú sjást ferðamenn á götum Reykjavíkur í des-
ember jafnt sem í ágúst. Þannig var það ekki hér áður.
Ferðamenn sáust hér eingöngu yfir sumarið. Fæstir
dvöldu lengi í Reykjavík en komu sér beint út á land. Í
dag er landslagið allt annað, öllum til heilla, Reykjavík
og landsbyggðinni. Tölurnar tala sínu máli, ferða-
mannastraumur hefur aukist úr 290 þúsund ferða-
mönnum árið 2002 í 370 þúsund ferðamenn árið 2005.
Ferðamenn dvelja lengur og skila þar af leiðandi meiru
til þjóðarbúsins.
Heimsbyggðin tekur eftir
Reykjavík er komin á hið alþjóðlega kort sem frábær
menningarborg, ferðamannaborg, verslunarborg,
heilsuborg og ráðstefnuborg. Hún er gestrisin borg,
nútímaleg og hana umvefur dásamleg íslensk náttúra.
Þessu hefur tekist að koma á framfæri og þess vegna
hefur þessi ótrúlega uppsveifla orðið í straumi ferða-
manna til landsins. Erlendir ferðamenn telja að
Reykjavík sé hrein og örugg borg og telja jafnframt að
slagorðið Pure Energy sé gott og lýsandi fyrir þá upp-
lifun sem þeir hafa notið í borginni.
Aðgerðir stjórnvalda geta verið til góðs. Uppbygg-
ing Höfuðborgarstofu er skýrt dæmi þess. Ég er stoltur
af árangrinum sem náðst hefur á síðustu þremur árum.
Reykjavík er komin á kortið
Eftir Felix Bergsson
Höfundur er leikari og skipar 13. sæti
á lista Samfylkingarinnar í Reykjavík.
STARFSEMI margra fyrirtækja
í dag er einungis bundin við tölvu,
síma og fax. Mörg smáfyrirtæki, oft
með 1–5 starfsmenn,
í hinum og þessum
greinum, sérstaklega
þjónustutengdum,
eru með þessum
hætti. Í þeirri miklu
atvinnuuppbyggingu
og samfélagsbreyt-
ingum sem eiga sér
stað í Fjarðabyggð er kominn góður
kostur fyrir slík fyrirtæki til að hafa
aðstöðu. Kynna þarf eigendum
slíkra fyrirtækja kosti þess að flytja
fyrirtæki sín í Fjarðabyggð. Það
verður einungis gert með öflugri
markaðskynningu. Það er nauðsyn-
legt að nýta sér þann mikla meðbyr
og þá uppbyggingu sem á sér stað í
dag með því að fullnýta alla mögu-
leika sem eru í stöðunni varðandi
áframhaldandi atvinnuuppbyggingu.
Við hjónin tókum þá ákvörðun ár-
ið 2003 að flytjast til Eskifjarðar
með fyrirtæki okkar frá Reykjavík.
Það sem spilaði þar mest inn í var að
við erum bæði fædd og uppalin á
Eskifirði og við vildum ekki að börn-
in okkar færu á mis við það frelsi
sem fylgir því að búa á litlum stað úti
á landi. Sú rulla sem maður fær svo
oft að heyra um skort á skemmtun
og afþreyingu, hátt matar- og raf-
magnsverð er úr sér gengin. Í dag er
komin lágvöruverslun í Fjarða-
byggð, það eru nokkur kaffihús og
nú síðast er verið að fara að opna
bíó. Heitt vatn hefur fundist í nokkr-
um byggðakjörnum innan Fjarða-
byggðar og rafmagnið engu dýrara
en fyrir sunnan. Bæði Byko og
Húsasmiðjan eru með verslanir í
Fjarðabyggð.
Leikskóli, golfvöllur og
rjúpnalendur í göngufæri
En hvað höfum við umfram? Það
tekur mig ca 2 mínútur að komast í
vinnuna í staðinn fyrir 20–40 mín-
útur úr Kópavogi niður í miðbæ
Reykjavíkur áður. Fasteignaverð er
mun lægra, þrátt fyrir miklar hækk-
anir undanfarið. Það er innan við 5
mín. nálægð við tómstunda- og
íþróttaiðkun ýmiss konar s.s. golf-
velli (þar sem ekki þarf að panta
tíma, bíða 2 ár eftir félagsaðild eða
bíða 1–2 klst. á 1. teig), skotsvæði,
hesthús, íþróttavelli og sundlaugar,
fallegar gönguleiðir úti í náttúrunni
svo eitthvað sé nefnt. Á haustin er
göngufæri beint úr garðinum upp í
hlíð í berjamó, á veturna rjúpnalend-
ur og fjörðurinn fullur af svartfugli.
Við feðgarnir röltum okkur oft
seinni partinn niður á bryggju með
veiðistöng. Fólki er oft tíðrætt um
forgangsröðun. Í mínum huga er það
fyrst fjölskyldan og síðan vinnan.
Hér í Fjarðabyggð þarf hvorugt að
víkja fyrir hinu.
Það er gott að búa í Fjarðabyggð
nýtum okkur fjölskylduvænt um-
hverfi bæjarins okkar til að laða að
ný fyrirtæki því fyrirtækin snúast
líka um fólk.
Lifið heil.
Fjarðabyggð – vænlegur
kostur fyrir smáfyrirtæki?
Eftir Jens Garðar Helgason
Höfundur er framkvæmdastjóri
Fiskimiða ehf. og í 3. sæti
á lista Sjálfstæðisflokksins
í Fjarðabyggð.
ÞAÐ ER skoðun Samfylkingarinnar að sveitar-
félögin eigi að taka ábyrgð á allri þjónustu við eldri
borgara líkt og annarri nærþjónustu við íbúa sveitarfé-
lagsins. Allir eiga rétt á heimaþjónustu og heima-
hjúkrun ef þörf er á og eðlilegra er að skipuleggja það
allt frá einni hendi en ekki mörgum
eins og nú er. Efla þarf heimaþjónustu
og heimahjúkrun svo fólk geti búið
heima eins lengi og það kýs og getur og
sveitarfélagið þarf að tryggja örugg úr-
ræði þegar á þarf að halda. Samfylk-
ingin í Kópavogi vill taka upp þjón-
ustutryggingu, þannig að ef óeðlilega
dregst að veita þá þjónustu sem þarf
skapast réttur þjónustuþega til greiðslu frá sveitarfé-
laginu. Með því skapast aukin pressa á sveitarfélagið
að leysa úr málum íbúanna eins fljótt og auðið er.
Samfylkingin í Kópavogi vill styðja vel við bakið á
Sunnuhlíðarsamtökunum og því góða starfi sem þar er
unnið og tryggja fyrirhugaða stækkun Sunnuhlíðar á
Kópavogstúninu á kjörtímabilinu. Samfylkingin styður
við áform um uppbyggingu Hrafnistu við Boðaþing, en
það verður jafnframt að tryggja að þar eigi allir mögu-
leika á búsetu óháð efnahag. Þessi mál þarf að skoða
mjög vel áður en farið verður í framkvæmdir. Sam-
fylkingin vill tryggja fjölbreytt búsetuúrræði fyrir
aldraða og að þeim gefist kostur á að búa hvort sem er
í fjölbýli eða sérbýli, m.a. með því að skipuleggja sér-
býlishúsahverfi fyrir eldri bæjarbúa á Kópavogstúni.
Við viljum að fasteignagjöld aldraðra verði tekjutengd
svo ekki sé verið að taka óhófleg gjöld af fólki með lág-
ar tekjur.
Við viljum áfram öflugt félagsstarf eldri borgara og
að þeim bjóðist fjölbreytt námskeið af ýmsu tagi, m.a. í
tengslum við Kvöldskóla Kópavogs. Við viljum skapa
eldri borgurum í Kópavogi aðstöðu til að stunda öflugt
íþrótta- og tómstundastarf og nýta m.a. þá aðstöðu
sem er í grunnskólum bæjarins og íþróttamannvirkjum
og einnig leggjum við til að það verði ókeypis í strætó
fyrir ellilífeyrisþega.
Samfylkingin er lýðræðislegur flokkur sem trúir á
að samráð og samvinna við íbúa sé vænlegast til að ná
bestum árangri í átt að samfélagi sem öllum líkar vel
að búa og starfa í. Þess vegna mun Samfylkingin í
Kópavogi stofna öldungaráð, nefnd eldri borgara til
ráðgjafar og umsagnar um þau mál á hendi sveitarfé-
lagsins er varða eldri borgara. Þannig eru mestar lík-
ur á að þjónustan verði í samræmi við þörfina.
Meirihluti Framsóknar- og Sjálfstæðisflokks í bæj-
arstjórn Kópavogs hefur haft 16 ár til að bæta þjón-
ustuna við eldri borgara. Það er kominn tími til að
reka þá út af og gefa Samfylkingunni umboð til að
vinna með eldri borgurum í Kópavogi. Við höfum sýnt
það með málflutningi okkar síðustu árin að okkur er
full alvara með að vilja bæta hag eldri borgara.
Samfylkingin í Kópavogi ætlar að gera
stórátak í málefnum aldraðra
Eftir Kristínu Pétursdóttur
Höfundur er kennari og skipar 6. sæti á
lista Samfylkingarinnar í Kópavogi.
KOSNINGABARÁTTAN í
Reykjavík hefur töluvert snúist um
stórframkvæmdir á borð við Sunda-
braut og flugvallarstæði fyrir innan-
landsflug. Það er sérkennilegt að
fylgjast með því
hvernig stjórn-
málaflokkar hafa
keppst við að gefa
ímyndunaraflinu
lausan tauminn í
þessari umræðu.
Sem fyrrverandi
rektor Tæknihá-
skóla Íslands, skóla sem menntaði
fólk í sérfræðigreinum um um-
ferðarmannvirki og aðrar stór-
framkvæmdir, get ég ekki betur séð
en flest framboð kjósi að hafa vit fyr-
ir sérfræðingum okkar og gera lítið
úr þeirra störfum.
Flugvallarstæði
Framsóknarflokkurinn setur fram
einn valkost í flugvallarmálinu, flug-
völl út á Löngusker, en Vinstri
grænir velja Hólmsheiðina. Hvor-
ugur þessara kosta hefur þó verið
rannsakaður með afgerandi hætti
frá öryggissjónarmiðum, veðurfari,
tækni- og hönnunarþáttum, um-
hverfissjónarmiðum og arðsemi.
Samfylkingunni er nokkuð sama
hvert innanlandsflugið fer og vill það
helst til Keflavíkur en Frjálslyndi
flokkurinn vill ekki rannsaka neina
möguleika. Sjálfstæðisflokkurinn
vill hins vegar láta rannsaka og meta
alla möguleikana og bera þá saman
við núverandi flugvallarsvæði.
Sundabraut
Umræðan um Sundabrautina er
sama marki brennd, hvað varðar
ábyrgðarleysi gagnvart mikilvægi
sérfræðilegra rannsókna og upplýs-
ingaöflunar. Samfylkingin hefur
viðrað ýmsar hugmyndir í þessum
efnum og er enn að. Ótrúlegur
hringlandaháttur Dags B. Eggerts-
sonar er líklega besti þverskurð-
urinn af öllum þeim hugmyndum
sem Samfylkingin hefur sett fram.
Það hefur ekki farið fram nein heild-
stæð rannsókn né mat á raunhæfni
þessara valkosta en samt skal kjósa
um þá. Sjálfstæðisflokkurinn er eini
flokkurinn sem vill rannsaka alla
möguleika, bæði hvað varðar flug-
völlinn og Sundabraut, leita til sér-
fræðinga um raunhæfni valkosta og
taka síðan afstöðu til þeirra.
Stjórnmálamenn eða
börn að leik
Að fylgjast með þessari umræðu er
eins og að lesa vísindaskáldsögu eða
horfa á börn spila Matador. Þar get-
ur ímyndunaraflið fengið að njóta
sín, enda er spilað upp á gervipen-
inga og hugmyndaflugið nær ekki út
fyrir spilaborðið. Pólitísk ábyrgð
þeirra sem gantast með tugmilljarða
óígrundaða kostnaðarliði og mik-
ilvæg öryggisatriði þúsunda ein-
staklinga, er hins vegar töluvert
meiri.
Áður en hægt er að kjósa um stað-
setningu flugvallar eða legu Sunda-
brautar þá skulum við ná þjóðarsátt
um það að leita til okkar frábæru
sérfræðinga á sviði tækni, verk-,
veður-, líf- og jarðfræði svo ein-
hverjir séu nefndir og láta þá vinna
úr þeim valkostum sem stjórn-
málamenn geta síðan tekið afstöðu
til. Við þörfnumst álits sérfræðinga
okkar hjá Vegagerðinni, verk-
fræðistofum og öðrum fyrirtækjum
og stofnunum sem málið varðar,
flugmönnum, íbúum nærliggjandi
íbúðasvæða og annarra hags-
munaaðila. Eftir þetta ferli er komið
að stjórnmálamönnum að taka af-
stöðu til raunhæfra valkosta og taka
ákvörðun eða kjósa um í kosningum,
ekki fyrr.
Ábyrgð stjórnmálamanna
Eftir Stefaníu Katrínu Karlsdóttur
Höfundur er fv. rektor
Tækniháskóla Íslands og
frambjóðandi á lista
sjálfstæðismanna í Reykjavík.
VILLINGANESVIRKJUN í Skagafirði hefur lengi verið á dagskrá og
skiptar skoðanir um byggingu hennar. Eftir síðustu sveitarstjórnarkosn-
ingar 2002 mynduðu sjálfstæðismenn og vinstri grænir meirihluta í Sveit-
arfélaginu Skagafirði. Í málefnasamningi flokkanna var
kveðið svo á, að lögð skyldu til hliðar áform um virkjun í
Héraðsvötnum við Villinganes.
Ekki voru sjálfstæðismenn í sveitarstjórn einhuga um þá
niðurstöðu, sem síðan leiddi til harðra deilna um málið inn-
an meirihlutans. Skal sú saga ekki rakin hér. Felld var til-
laga um að setja Villinganesvirkjun inn á aðalskipulag
Skagafjarðar, en þess í stað náðist samkomulag um, að
gert yrði ráð fyrir svonefndri Skatastaðavirkjun í kynning-
artexta að aðalskipulaginu, en undirbúningsvinna fyrir hana er skammt á
veg komin.
Sem kunnugt er, setti „álráðherra“ Framsóknarflokksins, Valgerður
Sverrisdóttir, ásamt nefnd iðnaðarráðuneytis, Alcoa og þriggja sveitarfé-
laga á Norðurlandi, af stað samkeppni á liðnum vetri um staðarval fyrir
hugsanlegt álver auðhringsins Alcoa í Norðurlandi ásamt tilheyrandi
virkjunum. Á fundi á vegum iðnaðarráðherra, sem haldinn var í félags-
heimilinu Ljósheimum í febrúar vegna kynningar á staðarvalinu, lagði
oddviti sjálfstæðismanna fram bókun, ásamt sveitarstjórnarfulltrúum
Framsóknarflokks og Samfylkingar, þar sem lýst var vilja þessara flokka
til að vinna með Alcoa að uppbyggingu álvers í Skagafirði, yrði niður-
staðan sú að staðsetja það þar. Einnig er staðhæft, að mikill meirihluti
íbúa Skagafjarðar styddi álver í héraði, þrátt fyrir að kannanir sýndu hið
gagnstæða. Alcoa ákvað sem kunnugt er að velja Húsavík sem mögulegan
stað fyrir álver, og Skagfirðingar gátu andað léttar í bili. En málið er ekki
þar með úr sögunni. Á ágætum kynningarfundi um Austurdalinn, sem
haldinn var í félagsheimilinu Árgarði 22. febrúar, þar sem var húsfyllir,
kom fram að verði af virkjun við Skatastaði verður ásýnd dalsins stórlega
spillt, m.a. nokkrar af fegurstu þverám hans eyðilagðar. Einnig mundu
siglingar á jökulsánum leggjast af.
Vinstri hreyfingin – grænt framboð í Skagafirði hefur einn flokka staðið
einhuga um verndun jökulsánna í Skagafirði og gegn stóriðju í héraðinu,
sem vissulega myndi spilla hinni fögru og jákvæðu ímynd Skagafjarðar.
Nú nálgast sveitarstjórnarkosningar enn á ný. Þá bregður svo við, að
flokkarnir þrír í Skagafirði, sem knékrupu auðhringnum Alcoa á liðnum
vetri, minnast vart á stóriðju né virkjanir í Skagafirði í stefnuskrám sín-
um. Það passar heldur ekki nú um stundir og ekki vænlegt til fylgis, þess
vegna fer þögnin best. En sporin hræða. Áfram þurfa menn að vera á
varðbergi.
Vinstri græn í Skagafirði munu hér eftir sem hingað til stuðla að eflingu
atvinnutækifæra í Skagafirði í sátt við náttúru og umhverfi. Það vita
Skagfirðingar af reynslu síðasta kjörtímabils. Allir sem vilja skipa sér í þá
fylkingu, eiga skýran valkost að kjósa lista VG í Skagafirði í kosningunum
27. maí nk. Þar eru línurnar hreinar.
Skagafjörður – hreint
umhverfi, hreinar línur
Eftir Ólaf Þ. Hallgrímsson
Ólafur Þ. Hallgrímsson er sóknarprestur á Mælifelli og skipar
11. sæti á framboðslista vinstri grænna í Sveitarfélaginu Skagafirði.