Morgunblaðið - 20.05.2006, Blaðsíða 72

72 LAUGARDAGUR 20. MAÍ 2006 MORGUNBLAÐIÐ
MENNING
Fróðleg og skemmtileg bók
edda.is
Penninn Eymundsson
og Bókabú›ir MM
10. – 16. maí.
4.
Barnabækur
„Fyrir þá sem ekkert þekkja til, bæði börn og
fullorðna, er bókin forvitnileg en ekki síst
skemmtileg og birtir vel þá miklu fjölbreytni
semmyndlistin býður upp á. ... höfundar hafa
skilað sínu ætlunarverki með sóma og nú er
komið að okkur hinum, foreldrum, kennurum
og leikskólakennurum að hjálpa henni áfram í
veröldinni.“
Ragna Sigurðardóttir, Morgunblaðinu
Ný sýning fyrir börnin í norðursal
Kjarvalsstaða. Verk eftir Einar
Garibalda, Erró, Gunnlaug Scheving
og Jóhannes S. Kjarval.
SÉRSTAKUR hljómur búlgarska
kvennakórsins Angelite hefur fangað
hlustendur um allan heim en í dag og
á morgun mun hljómurinn fylla Hall-
grímskirkjuna þar sem kórinn mun
halda tvenna tónleika í tengslum við
Listahátíð í Reykjavík. Það er óhætt
að segja að Angelite sé á meðal
þekktari söngsveita í heiminum á
sviði heims- og þjóðlagatónlistar en
kórinn hefur starfað frá árinu 1987.
Þessi sérstaki hljómur kórsins byggir
á aldagamalli sönghefð frá Balk-
anskaga og vilja sumir útskýra hann
sem afleiðingufjölþjóðamenningar
Búlgaríu en Búlgarar hafa öldum
saman deilt landi sínu meðal annars
með Tyrkjum, sígaunum, Rúmenum,
Armenum, gyðingum og Makedón-
íumönnum. Söngurinn einkennist af
mikilli notkun yfirtóna með kraft-
miklum og oft á tíðum skerandi
víbratólausum brjósttónum. Við þetta
bætast hróp og öskur og ýmiss konar
skraut.
Tuttugu konur frá ýmsum hér-
uðum Búlgaríu mynda Angelite-
kvennakórinn og klæðist hver þeirra
búningi heimahéraðs síns. Efnis-
skráin í Hallgrímskirkjunni sam-
anstendur annars vegar af trúarlegri
tónlist hinnar búlgörsku rétttrún-
aðarkirkju og hins vegar af búlgörsk-
um þjóðlögum sem varðveist hafa í
gegnum margar kynslóðir. Um er að
ræða aldagömul sönglög sem hafa
orðið til í afskekktum þorpum Búlg-
aríu án tengsla við vestrænan heim. Í
gegnum aldirnar hafa búlgarskar
konur sungið um hinar kvenlegu
skyldur, ástina, hjónabandið og vin-
áttuna. Söngur þeirra á að end-
urspegla hversdagsleika konunnar;
umönnun fjölskyldunnar og búfjár og
hið daglega amstur. Smám saman
fóru kvennakórar að syngja þessi lög
en söngur þeirra fór þó ekki að heyr-
ast almennilega út fyrir landstein-
anna fyrr en á áttunda áratugnum.
Viðbrögð almennings við hinum búlg-
arska söng hefur einkennst af bæði
undrun og aðdáun og hefur honum
gjarnan verið lýst sem „leynd-
ardómsfullum“ og jafnvel „yfirskil-
vitlegum“. Kvennakórinn Angelite
sameinar söngtækni og tónblæ hefð-
bundinnar búlgarskar söngtónlistar
við margþætta formgerð í tónverkum
samtímatónskálda.
Sungið fyrir páfann
Angelite hefur komið fram við ýmis
tilefni á þeim rúmum tuttugu árum
sem kórinn hefur verið starfandi, t.d.
á Rauða torginu í Moskvu, á friðar-
verðlaunahátíð Nóbels árið 1996 og á
tónleikum fyrir páfann í Róm. Tölu-
vert af geisladiskum hefur komið með
kórnum en árið 1993 var hann tilnefndur
til Grammy-verðlauna fyrir geisladiskinn
„From Bulgaria With Love“ og tvöfalda
geisladiskinn „Melody, Rythm and
Harmony“ sem hefur að geyma tónleika-
hljóðritun. Angelite hefur unnið með
fjölmörgum listamönnum og má þar
nefna tenórsöngvarann Luciano Pav-
arotti, írsku hljómsveitina The Chief-
tains, spænska flamenco-söngvarann
Enrico Morente og barkasöngvara-
sveitina Huun-Huur-Tu.
Tónlist | Tvennir kórtónleikar í Hallgrímskirkju á Listahátíð
Leyndardómur
kvennakórsins Angelite
Eftir Þormóð Dagsson
thorri@mbl.is
Morgunblaðið/Ómar
Tuttugu konur frá ýmsum héruðum Búlgaríu mynda Angelite-kvennakórinn.
Tónleikar Angelite hefjast klukkan
fjögur í dag og á sama tíma á
morgun og verða þeir í Hallgríms-
kirkju. Georgy Petkov stjórnar
kórnum.
NÝHIL-hópurinn fagnar í dag opn-
un Ljóðabókabúðar Nýhils en hún
skal verða „ljóðsentrum“ næsta ár-
þúsunds, eins og segir í tilkynning-
unni. Þar segir enn fremur að í þess-
ari verslun muni „öld hins íslenska
ljóðs ná sínu hæsta flugi, hálfkalkað
af súrefnisleysi sleikir eldtungur sól-
arinnar og bros tunglsins.“ Versl-
unin verður til húsa í kjallara Kjör-
garðs, þar sem Smekkleysubúðin
hefur einnig aðsetur. Fagnaðurinn
hefst klukkan 16.00 og verða þarna
ræðuhöld, nýhilískir ljóðaupp-
lestrar, harmonikkumúsík auk þess
sem hljómsveitin Retro Stefson stíg-
ur á senuna. Samkoman stendur í
tvo tíma.
Morgunblaðið/Arnaldur
Nýhil-hópurinn hyggst færa út kvíarnar með verslunarrekstri.
Nýhil opnar
ljóðabókabúð
ÁRLEGT Vorvítamín kóranna við
Hamrahlíð verður haldið á morgun,
sunnudaginn 21. maí, í Mennta-
skólanum við Hamrahlíð.
Á tvennum tónleikum, kl. 14.00
og kl. 16.00, munu kórarnir syngja
inn vorið og sumarið. Efnisskráin
er til þess gerð að vekja vorhug og
gleði, blanda gamalla gersema og
nýrra. Þá munu einsöngvarar og
hljóðfæraleikarar úr röðum kór-
félaga láta ljós sitt skína sér-
staklega til þess að gera dagskrána
enn skemmtilegri.
Milli tónleika verður kaffisala og
þess má vænta að hið unga hæfi-
leikafólk sem prýðir nú raðir kór-
anna sýni þá á sér sínar bestu hlið-
ar og skemmti gestum meðan á
kaffinu stendur. Þá verður mynda-
sýning, leikjahorn fyrir börn, kubb-
ur verður úti á túni fyrir framan
skólann, blómasala og kynning á
nýju grænmeti og úrvalskaffi.
Aðgangseyrir er 1.000 kr. og inni-
falið er kaffihlaðborð. Það er ókeyp-
is fyrir börn og eldri borgara og all-
ir eru hjartanlega velkomnir.
Kórstarfið í Hamrahlíð hefur ver-
ið viðburðarríkt á þessari vorönn
sem er að ljúka. Í mars fór Kór
Menntaskólans við Hamrahlíð í
söngferð norður og tók þátt í kóra-
móti framhaldsskólanna sem haldið
var á Akureyri. Í ferðinni hélt kór-
inn einnig tónleika á Siglufirði og
Sauðárkróki.
Í byrjun apríl fluttu báðir kór-
arnir, Kór Menntaskólans við
Hamrahlíð og Hamrahlíðarkórinn,
Requiem Mozarts með Sinfón-
íuhljómsveit Íslands á tónleikum í
Háskólabíói.
Nú að loknum prófum hefst und-
irbúningur Hamrahlíðarkórsins fyr-
ir Europa Cantat-hátíðina sem nú
verður haldin í 16. sinn og að þessu
sinni í Mainz í Þýskalandi. Kórinn
hefur verið valinn sem einn þriggja
úrvalsæskukóra Evrópu til að taka
þátt í flutningi á Sálmasinfóníu
Stravinskys á hátíðinni. Hamrahlíð-
arkórinn mun ennfremur nú í júní
verða meðal þátttakenda í Kóra-
stefnunni við Mývatn og kynna þar
íslenska kórtónlist.
Sumarið sungið inn
í Hamrahlíð
Rauði dregillinn verður breiddur út í Hamrahlíðinni í tilefni dagsins.
14.00 Orðið tónlist – fjölljóðahátíð
2006. Workshop í Hafnarhúsi.
16.00 La Strada – kvikmynd.
Fyrri sýning í Kvikmyndasafni
Íslands.
16.00 Búlgarski kvennakórinn
Angelite í Hallgrímskirkju. Fyrri
tónleikar.
20.30 Orðið tónlist – fjölljóðahátíð
2006. Tónleikadagskrá í Hafn-
arhúsi
21.00 Miriam Makeba, Grand
finale. Stórtónleikar í Laug-
ardalshöll.
23.30 Miðnæturmúsík í Iðnó.
Benni Hemm Hemm.
Laugardagur 20. maí