Morgunblaðið - 09.06.2006, Blaðsíða 20

20 FÖSTUDAGUR 9. JÚNÍ 2006 MORGUNBLAÐIÐ
ÚR VERINU
Óskum íslenskum
sjómönnum
og útgerðum
til hamingju
með daginn
Sími 577 7010 - www.kvotathing.is
Sjómenn
Til hamingju
með daginn
Sjómenn
Innilegar
hamingjuóskir
með daginn
BÓKINA Fiskisagan Flýgur eftir Kristin Benediktsson,
ljósmyndara og blaðamann, er til umfjöllunar í síðasta
tölublaði Fishing News International, en bókin kom
jafnframt út á ensku undir titlinum Fishing in the North
Atlantic.
Í bókinni er að finna fjölda ljósmynda sem Kristinn
tók úti á sjó og í sjávarplássum víðsvegar um landið á
árabilinu 1976-79. Texta með myndunum skrifar sagn-
fræðingurinn Arnþór Gunnarsson.
„Ljósmyndir Kristins veita líflega innsýn inn í heim
sjómennskunnar, þegar aflinn var nægur og kvótinn var
aðeins vondur draumur,“ skrifar Quentin Bates, blaða-
maður Fishing News, sem er mjög jákvæður í garð bók-
arinnar í greininni. Eina athugasemd hans er við þýð-
ingu textans og að prófarkarlestri hafi verið ábótavant.
„…en það eru fyrst og fremst ljósmyndirnar sem eru að-
dráttarafl bókarinnar.“
Yfirskrift greinarinnar er „endurlit til áttunda áratug-
arins“ og segir Bates bókina ná vel þeim anda sem ríkti
stuttu eftir þorskastríðin, þegar mikið var um fjárfest-
ingar í sjávarútveginum og tæknivæðing geirans var á
fullum skriði. „Það má vera að sjávarútvegurinn sé hag-
kvæmari og arðbærari í dag, en hann er ekki eins líf-
legur og hann var á áttunda áratugnum“.
„Endurlit til áttunda áratugarins“
ÍBÚAR og fyrirtæki við Kópavogs-
höfn hafa ákveðið að bjóða Kópa-
vogsbúum og öðrum nágrönnum sín-
um til bryggjuhátíðar á morgun,
laugardaginn 10. júní.
Hátíðin hefst kl. 13 með því að
Skólahljómsveit Kópavogs leikur.
Gunnar I. Birgisson bæjarstjóri mun
setja hátíðina kl. 13.30 og síðan tekur
við fjölbreytt dagskrá til kl. 17, fyrir
alla fjölskylduna.
Úlfar Eysteinsson matreiðslumað-
ur og einn af íbúum við höfnina býður
gestum að smakka grillað fiskfang.
Myndlistarmenn úr Kópavogi sýna
verk sín og Emil Hjörvar Petersen
les ljóð. Jón Kjartan Ingólfsson og
Magni Gunnarsson leika undir fjölda-
söng, gestasöngvari Skapti Ólafsson.
Guðrún Birgisdóttir og Martial Nar-
deau flautuleikarar og Stefanía Ólafs-
dóttir víóluleikari leika fyrir gesti.
Einnig verður körfubolti, siglingar,
handverk – listasmiðja og Árni Kóps-
son kafari og framkvæmdamaður
verður á staðnum.
Bryggju-
dagur í
Kópavogi
HB Grandi hf. hefur gert sam-
komulag við Marel hf. um kaup á
nýrri tegund vinnslukerfis fyrir
ufsa. Kerfið er það fyrsta sinnar
tegundar í heiminum og mun stór-
auka sjálfvirkni, afköst, nýtingu og
verðmæti vinnslunnar, að því er
kemur fram í tilkynningu um
kaupin. Áætlað verðmæti samn-
ingsins er um 60 milljónir króna.
Nýrri tækni er beitt við vinnslu-
línuna sem gerir mögulegt að
draga út beingarð fisksins með
sjálfvirkum hætti í stað hefðbund-
ins beinagarðsskurðar. Þá eru öll
flök röntgenskoðuð á eftir beinat-
ínslu til að tryggja beinlausa afurð.
Aðferðin á að tryggja að hefðbund-
inn afskurður verði minni sem aft-
ur þýðir að minna af afurðinni fer
til spillis í vinnslu.
Nýja vinnslulínan hefur verið í
þróun í fimm ár og hófst sem sam-
starfsverkefni norskra fiskvinnslu-
fyrirtækja og Marels um aukna
sjálfvirkni í þorskvinnslu. Undan-
farna þrjá mánuði hefur Marel
unnið að því að aðlaga línuna fyrir
ufsa í samstarfi við HB Ganda. Ár-
angurinn hefur verið góður, en
vinnslulínan hefur verið keyrð á
fullum afkostum síðastliðna þrjá
mánuði.
Aukin sjálfvirkni með
nýrri vinnslulínu
Morgunblaðið/Jón Svavarsson
Við nýju vinnslulínuna Eggert B. Guðmundsson, forstjóri HB Granda,
Hörður Arnarson, forstjóri Marel, og Torfi Þorsteinsson, framleiðslustjóri
HB Granda, virða fyrir sér nýju vinnslulínuna.