Morgunblaðið - 09.06.2006, Blaðsíða 26
26 FÖSTUDAGUR 9. JÚNÍ 2006 MORGUNBLAÐIÐ
MINNSTAÐUR
SUÐURNES
AUSTURLAND
Djúpivogur | Hótel Framtíð er reisu-
legt og einstaklega fallegt hús sem
stendur í hjarta bæjarins á Djúpa-
vogi. Á undanförnum mánuðum hafa
staðið yfir viðamiklar endurbætur á
húsinu og það m.a. verið klætt að ut-
an með bárujárni. Framkvæmdin
heppnaðist vel í alla staði og hefur hið
gamla og fornfræga hús líklega aldrei
verið tilkomumeira en einmitt nú.
Árið 1999 var byggður við hótelið
250 fermetra samkomu- og veit-
ingasalur og 18 herbergi.
Eigendur Hótels Framtíðar eru
Þórir Stefánsson og Guðrún Anna
Eðvaldsdóttir.
Fjölskrúðug saga
Hótel Framtíð á sér merka sögu.
Það var danskur verslunarmaður að
nafni Gustaf Ivarsen sem kom með
húsið tilhöggvið frá Kaupmannahöfn
og það var reist veturinn 1905 til
1906. Gustaf Ivarsen rak verslun í
húsinu til ársins 1908, en þá varð
hann að hætta vegna gjaldþrots. Árin
1909 til 1925 var rekin verslun í
tengslum við verslunina Framtíðina á
Seyðisfirði. Árið 1925 keypti danskur
maður að nafni Carl Bender húsið og
rak þar verslun auk þess að vera
gjaldkeri Kaupfélags Berufjarðar,
sem stofnað var 1920. Carl Bender
seldi húsið árið 1946 og kaupandi var
Ingimundur Steingrímsson, hrepp-
stjóri og póstmeistari. Pósthúsið var í
húsinu næstu 10 árin eða til ársins
1956 er Halldór Jónsson frá Seyð-
isfirði keypti húsið og rak þar versl-
un. Kaupfélag Berufjarðar keypti
húsið 1963 og hefur það síðan verið
mikið endurbætt og notað sem hótel.
Morgunblaðið/Andrés Skúlason
Endurbætur Hótel Framtíð er eitt reisulegasta húsið á Djúpavogi.
Endurbætur á
Hótel Framtíð
ÞAÐ verður sannkölluð tón-
listarveisla í Bræðslunni á
Borgarfirði eystra hinn 29.
júlí nk. þegar Kjarvalsstofa
stendur þar fyrir alþjóðlegum
stórtónleikum með heims-
frægu listafólki.
Í fréttatilkynningu frá
Kjarvalsstofu á Borgarfirði
segir að Emilíana Torrini,
sem söng sig inn í hug og
hjörtu tónleikagesta í
Bræðslunni síðasta sumar,
snúi nú aftur og með henni í
för verði ein virtasta hljóm-
sveit Bretlandseyja, Belle &
Sebastian.
Borgfirðingar láta þó ekki
þar við sitja og daginn fyrir
Bræðslutónleikana, föstudag-
inn 28. júlí, verða aðrir tón-
leikar á Borgarfirði, í félags-
heimilinu Fjarðarborg þar
sem fram koma í fyrsta skipt-
ið á Borgarfirði Magni Ás-
geirsson og hljómsveit hans,
Á móti sól, Jónas Sigurðsson,
kenndur við Sólstranda-
gæjana, en hann kynnir nýja
breiðskífu sína, og fleiri gest-
ir. Á móti sól mun spila á
dansleik og fleira skemmti-
legt verður á boðstólum sem
nánar verður kynnt síðar.
Segir í tilkynningunni að
glæsileg tjaldstæði séu í boði
á Borgarfirði og því um að
gera að taka helgina frá fyrir
mikla tónlistarveislu.
Emilíana
með Belle &
Sebastian
Reyðarfjörður | Nýlega hélt Golf-
klúbbur Reyðarfjarðar í Græna-
felli aðalfund sinn. Á fundinum
var samþykkt að breyta nafninu í
Golfklúbb Fjarðabyggðar, GKF.
Formaður er Stefán Ingvarsson
og félagar tæplega 50.
Jarðvegur úr álverslóðinni
nýtist í uppfyllingu golfvallar
Klúbburinn hefur fengið jörð-
ina Hólma í Reyðarfirði og hefj-
ast framkvæmdir við golfvöllinn
á næstu dögum.
Ef vel gengur verður hægt að
spila á fyrstu brautunum í haust.
Undirbúningur hefur staðið nokk-
uð lengi og hefur m.a. upp-
mokstri úr lóð álvers Alcoa
Fjarðaáls verið komið fyrir innst
á svæðinu og mun hann nýtast í
brautir.
Landslagið er mjög fjölbreytt
til útivistar; Hólmahálsinn með
Völvuleiðinu og göngustíg á
Hólmatind, Hólmanesið með sínar
tignarlegu Hólmaborgir,
skemmtilegar fjörur og göngu-
leiðir, svo þar verður eitthvað
fyrir alla fjölskylduna. Ekki er
vitað hvort Hólmaskottan hefur
flutt aðsetur sitt vegna þessara
miklu framkvæmda á svæðinu en
talið er að hún hafi búið í kletta-
belti milli Flateyrar og Hrauns.
Hólmar voru prestssetur fram
til 1909 þegar kirkjan var flutt
inn á Reyðarfjörð og presturinn
út á Eskifjörð. Búskapur lagðist
þarna af árið 2004.
Afstöðumynd/Landslag ehf.
Golfvallarsvæðið á Hólmum Hönnuðir þess eru Landslag ehf., Guðlaugur
Georgsson og Ingvar Ívarsson.
Nýr 18 holu golf-
völlur undirbúinn
Sandgerði | Betur fór en áhorfðist
þegar moldarkantur við Sandgerð-
ishöfn gaf sig undan tólf tonna
vörubíl. Bíllinn fór að síga niður í
sjó og ekki tókst að ná honum upp
með jarðýtu og öðrum vörubíl fyrr
en tekist hafði að losa hlassið af
pallinum.
Vörubíllinn er frá A. Pálssyni
verktaka og var að losa mold og
grjót við Sandgerðishöfn. Bíllinn
vegur 32 tonn með farmi og gaf
kanturinn sig undan þunganum.
Bíllinn slapp óskemmdur úr þess-
um hremmingum. Morgunblaðið/Reynir Sveinsson
Kanturinn
gaf sig
undan
þunganum
Grindavík | Bláalónsþrautin á
fjallahjóli verður haldin næstkom-
andi sunnudag. Þrautin felst í því
að hjóla frá Hafnarfirði með
ströndinni og í Bláa lónið og er
hægt að fara tvær mismunandi
leiðir, 55 og 90 km.
Bláa lóns þrautin er skipulögð
af Hjólreiðafélagi Reykjavíkur
(www.hfr.is) í samvinnu við Bláa
lónið og Hafnarfjarðarbæ. Er
þetta fjölmennasta hjólreiðakeppni
fullorðinna sem haldin er hér á
landi.
Hjólað verður frá Íþróttahúsinu
við Strandgötu í Hafnarfirði kl.
10.
Þrautin er ætluð hjólreiðafólki
15 ára og eldri og keppt er í
nokkrum aldursflokkum. Einnig
er boðið upp á liðakeppni.
Verðlaunaafhending fer fram í
Bláa lóninu kl. 15.30 á sunnudag.
Fjölmennasta hjól-
reiðakeppni landsins
Garður | Framkvæmdir eru hafnar við end-
urbætur á gamla prestssetrinu á Útskálum
í Garði. Framkvæmdum við húsið sjálft á að
ljúka í febrúar eða mars á næsta ári og
stefnt er að opnun sýningar á sögu prests-
setra í landinu og Útskála sérstaklega eftir
ár.
Útskálar eru eitt elsta prestssetur lands-
ins og var um aldir eitt mesta höfuðból á
Suðurnesjum. Íbúðarhúsið þar var byggt
1889. Það er illa farið og hefur ekki verið í
notkun í nokkur ár. Prestssetrasjóður gerði
á sínum tíma áætlun um endurbyggingu
íbúðarhússins en þegar til átti að taka
reyndust þær svo kostnaðarsamar að sjóð-
urinn treysti sér ekki í þær og hætti við.
Keypt var nýtt íbúðarhús fyrir Út-
skálaprest í nágrenninu.
Félagsskapurinn Menningarsetrið á Út-
skálum, sem Sveitarfélagið Garður, Spari-
sjóðurinn í Keflavík og Útskálasókn standa
að ásamt fleirum, hefur unnið að undirbún-
ingi þess að gera húsið upp í sem næst upp-
runalegri mynd og koma þar upp Menning-
arsetri prestssetra. Að sögn Jóns
Hjálmarssonar, formanns Menningarseturs-
ins á Útskálum, hefur það dregist að hægt
hafi verið að ráðast í framkvæmdir, meðal
annars vegna fornleifarannsókna. Hann
segir að nú séu öll leyfi fengin.
Menningarsetrið hefur fengið húsið af-
hent ásamt liðlega 1500 fermetra lóð. Búið
er að semja við Braga Guðmundsson, verk-
taka í Garði, um að annast endurbæturnar á
húsinu. Hófst verkið með því að steyptur
var sökkull undir stigahús.
Upplýsingum safnað
Samið hafði verið við Búmenn að annast
framkvæmdirnar en Jón segir að þegar til
átti að taka hafi þótt hentugt að vinna að
málinu á þann hátt og því hafi orðið sam-
komulag um að fella samninginn úr gildi. Í
staðinn hefur verið samið við Sparisjóðinn í
Keflavík um að fjármagna uppbygginguna á
framkvæmdatímanum, til þess að unnt væri
að flýta henni. Jafnframt verði gengið í það
að afla styrkja í uppbyggingu hússins sem
áætlað er að kosti 40–50 milljónir kr., að
sögn Jóns, og eru þá fornleifarannsóknir
meðtaldar. Fyrirhugað er að fjármagna
uppsetningu sýningarinnar sérstaklega.
Jón Hjálmarsson segir að unnið sé að
söfnun upplýsinga vegna sýningarinnar,
meðal annars um sögu Útskála og um sjó-
sókn og sjóslys sem tengist mjög sögu Út-
skála. Segir Jón vel þegið ef þeir sem búa
yfir upplýsingum og ekki síst ljósmyndum
gefi sig fram við stjórn eða starfsmann
Menningarsetursins.
Safnaðarheimili í bið
Áformað er að byggja þjónustuhús á lóð-
inni sem jafnframt yrði safnaðarheimili fyr-
ir Útskálasókn og rekið í tengslum við fyr-
irhugað hótel á Útskálum. Jón segir að þau
áform séu í biðstöðu en vonast til að hægt
verði að huga að málinu frekar síðari hluta
sumars.
Endurbyggingu prestssetursins lýkur í vetur
Morgunblaðið/Kristinn Benediktsson
Útskálar Kirkjan á Útskálum var byggð árið
1861 og íbúðarhús prestsins 1889. Nú eru að
hefjast langþráðar framkvæmdir við að
koma prestssetrinu í upprunalegt horf.
Eftir Helga Bjarnason
helgi@mbl.is