Morgunblaðið - 29.07.2006, Qupperneq 18

18 LAUGARDAGUR 29. JÚLÍ 2006 MORGUNBLAÐIÐ
ERLENT
EMBÆTTISMENN í Venesúela
fullyrða að þarlend stjórnvöld hafi
verið þvinguð til að falla frá kaupum
á 10 herþotum frá Spáni, vegna af-
skipta stjórnvalda í Washington,
sem hafi komið í veg fyrir sölu á lyk-
ilhlutum í þoturnar en þeir eru
framleiddir í Bandaríkjunum.
Að sögn Alberto Muller, hernað-
arlegs ráðgjafa Hugo Chavez, for-
seta Venesúela, íhuguðu þarlendir
embættismenn og kollegar þeirra á
Spáni að sækja umrædda lykilhluti
annað. Hins vegar var fallið frá slík-
um hugmyndum vegna þess að
kostnaðurinn við að kaupa umrædda
hluti frá öðru landi en Bandaríkj-
unum var talinn alltof mikill.
Kaup stjórnarinnar í Caracas á
átta spænskum eftirlitsbátum munu
engu að síður ganga eftir. Upphaf-
legur samningur þjóðanna um
vopnakaup, að þotunum meðtöldum,
hljóðaði upp á 160 milljarða ís-
lenskra króna og hefði það verið
stærsti einstaki kaupsamningur
Venesúela af þessu tagi til þessa.
Keyptu 53 þyrlur af Rússum
Óhætt er að segja að Chavez hafi
verið í sviðsljósinu í vikunni. Hann
hóf för sína til nokkurra ríkja með
því að kynna til sögunnar „öxulveldi
hins góða“ á fundi með Alexander
Lúkasjenkó, forseta Hvíta-Rúss-
lands, í Minsk á þriðjudag.
Að þessu loknu hélt hann til
Moskvu þar sem hann og Vladímír
Pútín Rússlandsforseti undirrituðu
á fimmtudag samning um kaup á 24
herflugvélum og 53 herþyrlum frá
Rússum fyrir sem svarar um 217
milljörðum króna. Þá hefur stjórnin
í Caracas þegar pantað 100.000 Ka-
lashnikov-riffla af Rússum og
hyggst auk þess byggja tvær verk-
smiðjur til að framleiða rifflana
heima fyrir.
Útilokar ekki kjarnorkuver
Chavez notaði tækifærið og sagði
í samtali við Interfax-fréttastofuna í
fyrradag að ekki væri útilokað að
smíðuð yrðu kjarnorkuver í Vene-
súela sem er betur þekkt fyrir olíu-
lindir sínar.
Bandaríkjaþing samþykkti fyrr á
árinu vopnasölubann til landsins og
var Chavez því afar þakklátur Pútín.
„Rússar hafa rétt okkur höndina
andspænis alþjóðlegum þrýst-
ingi … og vopnasölubanninu gagn-
vart okkur,“ sagði Chavez. „Her-
menn okkar fyllast sérstökum anda
þegar við afhendum þeim rússneska
Kalashnikov-riffla í staðinn fyrir
byssur frá fimmta áratug síðustu
aldar.“
Við sama tilefni sagði Pútín að
rússnesk fyrirtæki hefðu áhuga á að
fjárfesta fyrir hundruð milljarða
króna í Venesúela en Chavez vonar
að slíkt fjármagn muni hjálpa til við
byggingu olíuleiðslu sem áætlað er
að kosti um 1.500 milljarða króna.
Chavez hélt upp á 52 ára afmæli
sitt í Íran í gær,þar sem búist var
við að hann mundi undirrita samn-
inga um fjárfestingu í olíuvinnslu í
Venesúela. Mahmoud Ahmadinejad
Íransforseti hefur miklar mætur á
Chavez og veitti forsetanum sem
heimsótti landið í fimmta sinn í gær
sérstaka orðu „íslamska lýðveldis-
ins“ í tilefni dagsins.
Fyrirtæki í Íran hafa þegar fjár-
fest fyrir að jafnvirði 73 milljarða
króna í Venesúela og reiknar ír-
anska innanríkisráðuneytið með að
sú upphæð eigi eftir að nífaldast í
um 652 milljarða á næstu árum.
Afskipti Bandaríkjamanna
gagnrýnd í Venesúela
Stjórn Chavez þvinguð til að falla frá
kaupum á tíu herþotum frá Spáni
AP
Pútín og Chavez föðmuðust á fundi sínum í Kreml á fimmtudag.
Eftir Baldur Arnarson
baldura@mbl.is
STUNDUM er sagt í rómantískum
tóni að það að missa af strætó geti
skorið úr um það til hvaða lífs-
förunautar örlögin kjósa að leiða
mann. Stórskáld hafa í gegnum
tíðina gert þetta að yrkisefni sínu
og snert viðkvæma strengi með
myndlíkingum um djúpa og var-
anleg ást við fyrstu sýn.
Karlar ættu ef til vill að endur-
skoða þessar hugmyndir og leggja
rómantískar ljóðabækur til hliðar,
því val á lífsförunaut getur átt sér
allt aðrar og jarðbundnari rætur.
Þannig bendir ný bresk rann-
sókn á 61 karli í háskólanámi til
þess að svangir menn hafi tilhneig-
ingu til að laðast að þyngri konum
en þeir sem eru með magann full-
an, að því er fram kemur á vefsíðu
breska ríkisútvarpsins, BBC.
Svangir þátttakendur beindu
einnig mun minni athygli að vaxt-
arlagi kvenna og voru síður upp-
teknir af því hvort útlínur þeirra
væru „bugðóttar“ heldur en þeir
sem saddir voru. Hvaða áhrif
svengd hefur á makaval kvenna
verður svo næsta viðfangsefni
rannsakenda.
Þótt óljóst sé hvert orsaka-
samhengið er í þessu sambandi
benda eldri rannsóknir í fé-
lagsfræði til þess að í samfélögum
þar sem matur er af skornum
skammti, líkt og t.a.m. í Suður-
Kyrrahafsríkjum, séu karlar hrifn-
ari af þéttholda konum. Þá eru
innflytjendur frá þróunarlönd-
unum sagðir laðast að grennri
konum en áður eftir að hafa flutt
til þróaðra ríkja þar sem slíkt
holdarfar er lofsamað í fjöl-
miðlum.
Svangir
vilja þyngri
konur
KÍNVERSK stjórnvöld tilkynntu
í vikunni að sérstakir rannsak-
endur í máli andófsmannsins Fu
Xiancai, sem lamaðist eftir að
hafa verið í haldi lögreglu, hefðu
komist að þeirri niðurstöðu að
hann hefði hálsbrotnað eftir að
hafa „lamið sig sjálfur“.
Mál Fu hefur vakið gríðarlega
athygli en hann hefur barist fyrir
rétti fólks sem hefur þurft að yf-
irgefa heimili sín vegna fram-
kvæmda við Þriggja gljúfra stífl-
una svokölluðu í Kína.
Að mati Fu hafa yfirvöld komið
illa fram við bændur á landinu
sem fer undir vatn vegna bygg-
ingar stíflunnar, úthlutað þeim
lakara landi og ekki hirt um
spillta embættismenn sem hafi
svipt þá skaðabótum. Meint árás
var gerð þremur vikum eftir að
Fu gagnrýndi framkvæmdir við
stífluna í viðtali við þýska sjón-
varpsstöð, en talið er að það hafi
verið kornið sem fyllti mæli yf-
irvalda.
Að sögn talsmanna mannrétt-
indasamtakanna Human Rights in
China (HRIC) er ekki búist við
því að hann geti gengið aftur.
Þeir fullyrða ennfremur að Fu
hafi orðið fyrir svo miklu höggi á
hálsinn að þrír hryggjarliðir hafi
mölbrotnað.
Rannsakendur á vegum stjórn-
valda segja hins vegar að engin
fótspor hafi verið að finna á
meintum árásarstað og að þar af
leiðandi hljóti hann að hafa valdið
sjálfum sér þessum skaða. Tals-
menn HRIC efast mjög um sjálf-
stæði rannsakenda í málinu, sem
þeir segja starfa fyrir sömu aðila
og taldir eru hafa ráðist á Fu.
Sagður hafa „lamið sig sjálfur“
AP
Fu Xiancai skömmu áður en hann
fór í skurðaðgerð í júnímánuði.
Los Angeles. AFP. | Maður, sem var
dæmdur í lífstíðarfangelsi í kjölfar
þess að hann var handtekinn fyrir
morð árið 1995, hefur fullyrt að
hann hafi orðið samtals 48 mönn-
um að bana á 25 ára tímabili, áður
en lögreglan hafði hendur í hári
hans. Reynist frásögn mannsins,
hins 43 ára gamla Robert Charles
Browne, rétt er um að ræða einn
versta fjöldamorðingja í sögu
Bandaríkjanna.
Browne játaði á sig þessi morð
þegar hann viðurkenndi í réttarsal
í Colorado-ríki á fimmtudag að
hafa myrt 15 ára gamla stúlku árið
1987.
Dagblaðið Colorado Springs Ga-
zette hefur það eftir skrifstofu lög-
reglustjóra á svæðinu að Browne
hafi sagt morðrununa hafa hafist
eftir að hann gegndi herþjónustu í
Suður-Kóreu, þar sem hann myrti
annan hermann vegna rifrildis um
vændiskonu.
Tímasetningin á játningu Brow-
nes er sérstök, því að ljóðskáldið
og grunaður fjöldamorðingi, Willi-
am Richard Bradford, var í vik-
unni talinn hafa borið ábyrgð á
dauða um 50 kvenna sem sátu fyr-
ir á ljósmyndum hans. Nú hefur
hins vegar verið staðfest að 26
kvennanna séu á lífi.
AP
Robert Charles Browne.
Játar á sig
48 morð
KÍNVERSKUR maður, sem missti móður sína og
fatlaðist í jarðskjálftanum mikla í borginni Tangs-
han 1976, minntist þess með tilfinningaþrungnum
hætti í gær að 30 ár voru liðin frá því að skjálftinn
reið yfir. Alls fórust 240.000 manns í skjálftanum,
sem er einhver sá mannskæðasti í sögunni.
Skjálftinn var áætlaður 7,8 til 8,2 á Richter-
kvarðanum og var eyðilegging af hans völdum í
iðnaðarborginni Tangshan gríðarleg.
AP
Skjálftans í
Tangshan
minnst
♦♦♦