Morgunblaðið - 29.07.2006, Qupperneq 19

MORGUNBLAÐIÐ LAUGARDAGUR 29. JÚLÍ 2006 19
ERLENT
ÍSRAELAR reyna nú ákaft að beita öflugum her-
afla sínum til að knésetja vígasveitir Hizbollah-
hreyfingarinnar í Líbanon. En þótt vafalaust hafi
margir liðsmenn hennar fallið bendir fátt til að
tekist hafi að draga vígtennurnar úr sveitunum.
Talið er að í þeim séu a.m.k. 8.000 manns og sverfi
verulega að þeim munu liðsmennirnir einfaldlega
láta sig hverfa, fela vopn sín og leita skjóls innan
um almenna borgara. Stjórnmálaskýrendur segja
að stuðningur við Hizbollah, sem er samtök bók-
stafstrúaðra sjía-múslíma, vaxi nú meðal almenn-
ings í löndum íslams, einkum arabaríkjum.
Æ fleiri gagnrýna nú Ísraela, í gær voru það
fimm íslömsk ríki í Asíu, Íran, Malasía, Pakistan,
Bangladesh og fjölmennasta ríki múslíma, Indó-
nesía, sem sendu frá sér sameiginlega yfirlýsingu.
Þar var þess krafist að gert yrði „tafarlaust og
skilyrðislaust vopnahlé“ og harkalegar aðferðir
Ísraelshers í Líbanon voru fordæmdar.
Ísraelar hófu árásirnar á Líbanon þegar Hizbol-
lah-menn rændu tveim ísraelskum hermönnum og
hófu auk þess að skjóta flugskeytum á Ísrael, sum
skeytanna eru mun langdrægari en þau sem sam-
tökin hafa áður notað. Bent er á í grein í The New
York Times í gær að í fyrstu hafi leiðtogar nokk-
urra mikilvægra arabalanda, Sádi-Arabíu,
Egyptalands og Jórdaníu, orðið við tilmælum
Bandaríkjamanna og gagnrýnt Hizbollah fyrir að
kalla hefndarárásir yfir líbönsku þjóðina með óá-
byrgri stefnu sinni. En nú hafi hundruð óbreyttra
borgara í Líbanon fallið og Hizbollah haldi enn
velli í Suður-Líbanon eftir tveggja vikna bardaga,
þrátt fyrir yfirburði ísraelska hersins.
Leiksoppar Bandaríkjanna?
Leiðtogi Hizbollah, Hassan Nasrallah, sem þyk-
ir snjall áróðursmaður og vel máli farinn, sé að
verða þjóðhetja meðal almennings í arabalöndum
sem finnist að hann og menn hans haldi uppi heiðri
araba gegn Ísraelum.
Margir arabar álíta að leiðtogar ríkjanna
þriggja sem áður voru nefnd og reyndar fleiri
arabalanda hagi sér eins og leiksoppar Bandaríkj-
anna og Ísraels, sýni ekkert sjálfstæði og láti stöð-
ugt auðmýkja sig. Rasha Salti, sjálfstætt starfandi
blaðamaður í Líbanon, lýsti því á bloggsíðu sinni
hvers vegna Nasrallah væri svo vinsæll. „Eftir að
stríðið braust út hefur komið í ljós að persónuleiki
Hassan Nasrallah og reyndar öll framkoma hans
út á við er alger andstæða þess sem gerist meðal
þjóðhöfðingja arabaríkja,“ sagði hún.
Stjórnvöld í Sádi-Arabíu hafa nú snúið við
blaðinu. Þau segja að stöðvi Ísraelar ekki árás-
irnar geti farið svo að þau hætti að styðja tillögu
frá 2002 um að friður verði saminn á grundvelli
þess að Ísrael verði viðurkennt af öllum arabaríkj-
um gegn því að skila öllu landi sem Ísraelar hafi
hernumið síðan 1967. Ráðamenn í Egyptalandi og
Jórdaníu eru einnig hvassyrtari gagnvart Ísrael
þótt ef til vill sé aðeins um að ræða tækifæris-
stefnu vegna reiði almennings. Hvarvetna birtast
nú blaðagreinar, skopmyndir, bloggfærslur og
ljóð þar sem Nasrallah er hafinn upp til skýjanna.
Condoleezza Rice, utanríkisráðherra Banda-
ríkjanna, er gagnrýnd og sögð hafa sýnt tilfinn-
ingakulda þegar hún lýsti átökunum sem fæðing-
arhríðum „nýrra Mið-Austurlanda“. Skopmynd í
Jórdaníu sýndi ísraelskan skriðdreka á rústum
fjölbýlishúss sem táknaði arabaheiminn, yfir-
skriftin var „Hin nýju Mið-Austurlönd“.
Súnnítar og sjítar starfa saman
Samskipti Hizbollah og Hamas-samtaka súnní-
múslíma, sem nú eru við stjórnvölinn í Palestínu,
eru góð. Á sínum tíma ráku Ísraelar hóp Hamas-
manna frá hernumdu svæðunum yfir til Líbanons
og urðu þeir í fyrstu að hírast við illan leik á ber-
angri. Hizbollah-menn gáfu mönnunum tjöld til að
skýla sér og sýndu þeim gestrisni sem varð til að
bæta mjög samskiptin.
Í grein The New York Times er minnt á að al-
Qaeda hafi nýlega sent frá sér yfirlýsingu þar sem
baráttan gegn Ísraelum í Líbanon er hyllt án þess
þó að Hizbollah-samtökin séu nafngreind. Næst-
ráðandi Osama bin Ladens í al-Qaeda, Egyptinn
Ayman al-Zawahri, sagði þar að baráttan í Líb-
anon væri hliðstæð stríðinu í Írak gegn stjórnvöld-
um í Bagdad og erlenda herliðinu.
Þetta er kaldhæðnislegt í ljósi þess að al-Qaeda
eru samtök ofstækisfullra súnní-múslíma sem hat-
ast við sjía-múslíma, líta á þá sem trúvillinga.
Hinn fallni leiðtogi al-Qaeda í Írak, Abu Musab al-
Zarqawi, hvatti eitt sinn súnníta í Írak til að gera
út af við alla sjíta í landinu.
Stuðningur við Hizbollah
eykst í arabalöndum
Eftir Kristján Jónsson
kjon@mbl.is Margir arabar dást
að baráttu samtakanna
við Ísraelsher
Reuters
Kröfuspjald á útifundi með mynd af leiðtoga
Hizbollah-samtakanna, Hassan Nasrallah.
RÁÐAMENN í nokkrum borgum í
Bandaríkjunum sporna við því að
heimilislausu fólki sé gefið að borða
í skemmtigörðum borgarinnar, að
sögn The New York Times. Mikið
er um að góðhjartaðir borgarar
víki mat og drykk að útigangsfólki
en margir kvarta undan drykkju-
látum, sóðaskap og glæpum sem oft
fylgi slíku fólki. Vilja ráðamenn í
sumum borgum að fólkinu sé frem-
ur bent á að fá sér að borða í opin-
berum súpueldhúsum.
Vandinn er að oft þarf umrætt
fólk að ganga nokkra kílómetra frá
görðunum að næsta súpueldhúsi og
það er ekki auðvelt í borg eins og
Las Vegas þar sem hitinn fer upp
undir 40 gráður á celsíus á sumrin.
„Yfirvöldum hérna er alveg sama
um fólk,“ segir Linda Norman, 55
ára gömul heimilislaus kona í Hunt-
ridge Circle-garði sem er í snyrti-
legu hverfi í grennd við miðborg
Las Vegas. „Við viljum bara fá að
borða.“
Gary Reese, sem á sæti í borgar-
stjórninni, segir að enginn vilji að
fólk deyi úr hungri. En leysa verði
vandann með öðrum hætti en að
venja útigangsfólk á að fá frítt að
borða í skemmtigörðum. „Fjöl-
skyldufólk er hrætt við að fara inn í
garðana,“ segir hann.
Um 12.000 manns teljast nú
heimilislausir í Las Vegas. Borgar-
yfirvöld hafa nú gengið lengra en
tíðkast annars staðar og sett reglur
gegn matargjöfunum. Verður refs-
að fyrir brot á reglunum með allt
að 1.000 dollara sekt, um 73 þúsund
kr. Tekið er fram að ekki sé átt við
handahófskennd góðverk heldur
skipulagða starfsemi sem valdi því
að heimilislausir mæti á ákveðna
staði í görðunum til að fá mat.
„Viljum bara
fá að borða“