Morgunblaðið - 29.07.2006, Blaðsíða 53
MORGUNBLAÐIÐ LAUGARDAGUR 29. JÚLÍ 2006 53
DAGBÓK
Vin, athvarf Rauða kross Íslands fyrirgeðfatlaða, hefur boðið hingað til landsRon Coleman sem halda mun eins dagsnámskeið um að vinna með raddir. Guð-
björg Sveinsdóttir er forstöðukona Vinjar:
„Áhugaverðar rannsóknir hafa verið unnar í lönd-
unum í kringum okkur á geðklofa þar sem fólk
heyrir raddir. Unnið hefur verið að þróun aðferða
m.a. byggðra á hugrænni meðferð til að ná stjórn
á og vinna með röddum, frekar en að nota ein-
göngu lyf til meðferðar,“ segir Guðbjörg.
„Áætlað er að milli 1,5 og 2% fólks heyri raddir
en aðeins þriðjungur þess hóps sækir sér einhvers
konar aðstoð til geðheilbrigðiskerfisins. Af þeim
sem heyra raddir segja um 70% að einkennin hafi
byrjað í kjölfar andlegs áfalls, sem bendir til að
það að heyra raddir tengist atvikum í lífi fólks, en
orsakist ekki eingöngu af efnafræði heilans,“ út-
skýrir Guðbjörg. „Ron Coleman þjáðist sjálfur af
geðklofa og heyrði raddir og hefur verið mjög
virkur í breska geðheilbrigðiskerfinu við rann-
sóknir á þessu sviði. Hann hefur skrifað bækur og
greinar um þær aðferðir sem hann hefur beitt á
sinn sjúkdóm, sem byggja ekki á notkun lyfja
heldur að sjúklingurinn nái sjálfur stjórn á ein-
kennunum.“
Námskeið Ron Coleman verður haldið mánu-
daginn 13. nóvember á Hótel Lind. Má lesa nánar
um aðferðir hans á slóðinni www.roncolem-
anvoices.co.uk.
Vin er starfrækt á Hverfisgötu 47 af Lands-
skrifstofu Rauða kross Íslands í samstarfi við
Reykjavíkurborg. „Vin var stofnuð árið 1993 í
kjölfar könnunar Rauða krossins sem benti til
þess að geðfatlaðir sem útskrifuðust af geðdeild-
um byggju margir við bágan hag og í félagslegri
einangrun,“ segir Guðbjörg.
Markmið Vinjar eru að draga úr félagslegri ein-
angrun og einmanaleika geðfatlaðra, efla andlegt
og líkamlegt heilbrigði, skapa umhverfi byggt á
gagnkvæmri virðingu og trausti og efla þekkingu
á málefnum geðfatlaðra.
Í Vin er boðið upp á ýmsa þjónustu og stuðning
og er lögð áhersla á að geðfatlaðir séu virkir þátt-
takendur í starfsemi athvarfsins: „Gestir í Vin
geta keypt sér mat á vægu verði og þar er bað- og
þvottaaðstaða. Á vegum Vinjar er starfræktur
skákklúbbur í samstarfi við Hrókinn, og ferða-
félag sem stendur fyrir ferðalögum innanlands og
utan. Staðið er fyrir ýmiss konar fræðslu og þjálf-
un, sjálfstyrkingu og sjálfseflingu, og margskonar
önnur starfsemi er í boði. Þá hefur Vin staðið fyrir
málþingum og ráðstefnum og tekur þátt í skipu-
lagningu alþjóðlega geðheilbrigðisdagsins sem
haldinn er 10. október ár hvert.“
Guðbjörg segir öllum velkomið að nýta sér
þjónustu Vinjar á eigin forsendum. „Erfitt er að
mæla árangur starfsins en margir sem sækja Vin
reglulega styrkja sín félagslegu tengsl. Þeir byrja
að taka upp samband við fjölskyldur sínar sem
þeir hafa ekki gert áður, sumir fara í skóla eða
byrja að vinna.“
Heilsa | Ron Coleman heldur námskeið í nóvember um óhefðbundna meðferð við geðklofa
Að ná stjórn á röddunum
Guðbjörg Sveins-
dóttir fæddist í
Þykkvabæ í Rang-
árvallasýslu 1954. Hún
lauk gagnfræðaprófi
frá Kvennaskólanum í
Reykjavík 1971, lærði í
tvö ár við Lindargötu-
skólann, lauk námi frá
Hjúkrunarskóla Íslands
1978 og útskrifaðist
sem geðhjúkr-
unarfræðingur í Noregi 1991. Guðbjörg starf-
aði um langt skeið við geðdeildir Landspítala
og Kleppsspítala en hún hefur frá árinu 1994
verið forstöðukona Vinjar. Guðbjörg er gift
Einari Ólafssyni bókaverði og eiga þau tvö
börn.
Spurningar til
ríkisstjórnar Íslands og
allra alþingismanna
1) HVERNIG á að lifa af ör-
orkubótum? (Svar óskast)
2) Hvernig ætlið þið að sjá til
þess að við öryrkjar komumst í
bíó, leikhús eða innan um fólk?
(Svar óskast)
3) Hvers vegna fáum við ekki
það sem við höfum borgað í lífeyr-
issjóði, þá peninga sem við eigum,
án þess að Tryggingastofnun
skerði örorkubætur okkar? (Svar
óskast)
4) Hvenær ætlið þið að hækka
laun öryrkja? (Svar óskast)
5) Mannsæmandi laun þurfa að
vera 150.000 kr. á mánuði.
6) Öryrkjar ættu að fá að vinna
4 klst. á dag án þess að bætur
skerðist. Það myndi koma mörgum
öryrkjum út á vinnumarkaðinn,
þeim sem það gætu.
7) Hversu lengi ætlið þið að láta
okkur þiggja mat frá hjálparstofn-
unum eins og betlarar, 4–5 mál-
tíðir á mánuði? (Svar óskast)
8) Við öryrkjar erum 11.000 í
landinu og það eru kosningar
framundan.
9) Hvaða flokkur ætlar að sjá
um þessi og fleiri baráttumál ör-
yrkja, fyrir og eftir kosningar?
(Svar óskast)
10) Veit nokkur ykkar hvað það
er að missa heilsuna?
Virðingarfyllst,
Ólafur Jón Einarsson,
framreiðslumeistari.
Fljótaskrift
og æðibunugangur
ÞAÐ gegnir furðu hve álútir
landshöfðingjar Íslendinga ríða í
söðlinum þessa dagana er þeir
ræða við bandarísk stjórnvöld um
málefni landsins. Fljótaskrift og
æðibunugangur, „erindisleysa með
dugnaðarfasi,“ eins og Einar
Benediktsson kvað í ljóði sínu.
Bandarísk stjórnvöld, sem gáfu
loforð í herverndarsamningi sín-
um, rufu það heit strax í upphafi.
Alfbert, fyrrum fréttamaður, her-
foringi sem gnístir tönnum, sagði
að vísu að það hefði verið „bömm-
er fyrir okkur sjálfstæðismenn að
kosningarnar fóru eins og vitað
er,“ en allt er þetta heldur laust í
reipum.
Það er athyglisvert að hyggja að
því að það var ekki síst marka-
kunnátta og þekking Valdimars
Björnssonar Vestur-Íslendings,
sem tryggði honum aðdáun og
virðingu bænda á Héraði. Hann
kunni allar markaskrár þeirra bet-
ur en Marka-Leifi.
Pétur Pétursson þulur.
Dömuhringur
í óskilum
FYRIR u.þ.b. 3 vikum síðan fannst
fallegur dömuhringur í Ráðhúsinu.
Hugsanlegur eigandi getur haft
samband við Upplýsingaþjónustu
Ráðhúss Reykjavíkur í síma
411 1005.
Velvakandi
Svarað í síma 5691100 frá 10–12
og 13–15 | velvakandi@mbl.is
Nickell/Weed.
Norður
♠KG
♥G982 N/Allir
♦ÁKD862
♣9
Vestur Austur
♠1095 ♠Á7632
♥765 ♥4
♦10543 ♦7
♣á103 ♣KDG752
Suður
♠D84
♥ÁKD103
♦G9
♣864
Þegar litið er til allra átta sést að
ellefu slagir fást í rauðum lit í NS
(650 í hjartageimi), en AV eiga níu
slagi í svörtum lit (sem gæti verið
–200 í fjórum spöðum dobluðum).
Þetta var spil númer 45 af 64 í úr-
slitaleik Nickells og Weeds í Spin-
gold-keppninni:
Lokaður salur:
Vestur Norður Austur Suður
Versace Meckstr. Lauria Rodwell
-- 1 tígull 3 lauf * 3 tíglar *
3 spaðar 4 hjörtu 4 spaðar Dobl
Pass Pass Pass
Stökk Lauria í þrjú lauf sýnir
svörtu litina og þrír tíglar Rodwells
virðast vera yfirfærsla í hjarta (dobl
væri væntanlega tígull). Versace tók
sína níu slagi og NS urðu að sætta
sig við 200-kall. Sveiflufæri fyrir
Ítalina í sveit Weeds:
Opinn salur:
Vestur Norður Austur Suður
Soloway Fantoni Hamman Nunes
-- 1 tígull 2 lauf 2 hjörtu
Pass 3 lauf * 3 spaðar Dobl
5 lauf 5 tíglar Pass 5 hjörtu
Pass 5 spaðar Pass 5 grönd
Pass 6 hjörtu Allir pass
En sveiflan datt í bandaríska dálk-
inn, því Fantoni og Nunes villtust
upp í slemmu með tvo ása úti. Kerfið
er eðlilegt í grunninn, en ítölsku-
skotið og persónulegt, svo það er
erfitt að segja hvað fór úrskeiðis.
Fantoni lá reyndar lengi yfir síðustu
ákvörðun. Kannski hefur hann hugs-
að sem svo að makker þyrfti spaða-
ásinn til að fimm hjörtu ynnust og
þá mætti eins keyra í sex.
En lokaákvörðunin kostaði 17 stig
– pass hefði gefið Weed 10 stig, en
hækkunin í slemmu þýddi 7 stiga
tap.
BRIDS
Guðmundur Páll Arnarson | ritstjorn@mbl.is
1. c4 Rf6 2. Rc3 c5 3. g3 e6 4. Rf3 b6
5. Bg2 Bb7 6. O-O d6 7. He1 Rbd7 8.
e4 a6 9. d4 cxd4 10. Rxd4 Dc7 11.
Be3 Be7 12. Hc1 O-O 13. f4 Hfe8 14.
g4 Rc5 15. Bf2 e5 16. fxe5 dxe5 17.
Rf5 Bf8 18. g5 Rfd7 19. Rd5 Dc6 20.
Hf1 Hac8 21. Hc3 Ra4 22. Hh3 Rxb2
23. Dg4 De6 24. Dh4 Dg6 25. Bf3 f6
26. Hg3 Df7
Staðan kom upp í AM-flokki Fyrsta
laugardagsmótsins sem lauk fyrir
skömmu í Búdapest í Ungverjalandi.
Nick A. Adams (2184) hafði hvítt
gegn Bence Nagy (2355). 27. g6!
Dxg6, svartur þarf að láta drottn-
inguna af hendi þar sem eftir 27…
hxg6 yrði hann mát eftir 28. Hh3 De6
29. Dh7+ Kf7 30. Rh6#. 28. Hxg6
hxg6 29. Rfe3 Rxc4 30. Rxc4 Hxc4
31. Dg4 Bxd5 32. Dxd7 Bc6 33. Dd3
b5 34. He1 Bb4 35. He3 f5 36. Db3
Kf8 37. exf5 Bxf3 38. Hxf3 e4 39.
fxg6+! og hvítur gulltryggir sér nú
sigurinn. 39…exf3 40. Dxf3+ Ke7 41.
Df7+ Kd8 42. Bb6+ og svartur gafst
upp.
SKÁK
Helgi Áss Grétarsson | ritstjorn@mbl.is
Hvítur á leik.
Árnaðheilla
ritstjorn@mbl.is
90 ÁRA afmæli. Í dag,29. júlí, er níræð Jón-
ína Guðmundsdóttir, búsett
á Tjörn, heimili aldraðra á
Þingeyri við Dýrafjörð. Hún
fagnar tímamótunum með
afkomendum á Þingeyri.
50 ÁRA afmæli. Í dag, laugardag-inn 29. júlí, er fimmtugur
Magnús Rúnar Magnússon, raf-
iðnfræðingur hjá Orkuveitu Reykja-
víkur, til heimilis í Hesthömrum 11 í
Reykjavík.
60 ÁRA afmæli. Útivistarfélaginn,göngugarpurinn og mót-
orhjólakappinn Björn Viggósson er
sextugur í dag, laugardaginn 29. júlí.
Hann verður utandyra á afmælisdag-
inn.
Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
Hvenær settist
fólk að í
Reykjavík?
2ja ára nám í ilmolíufræðum
byrjar í september 2006.
Allar uppl. á heimasíðu skólans
www.simnet.is/lifsskolinn
og í s: 861 1070 og 557 7070,
tölvup: lifsskolinn@simnet.is.
Lífsskólinn Aromatherapyskóli
Íslands