Morgunblaðið - 29.07.2006, Blaðsíða 58

Það lá í loftinu að Maus var aðfara í frí. Ég hafði engu aðtapa, átti enga kærustu ogallt í einu enga hljómsveit,“
segir Birgir Örn Steinarsson, betur
þekktur sem Biggi í Maus, en hann
hefur að undanförnu verið búsettur í
London þar sem hann hefur unnið að
sinni fyrstu sólóplötu. Hún er nú
tilbúin og kemur út hér á landi og í
Skandinavíu í september á vegum 12
Tóna og ber nafnið id. „Ég vildi sjá
hvort ég gæti þetta. Ég var með ein-
hver sambönd þarna úti en það var
ekkert fyrirfram ákveðið. Ég var ekki
með neitt í höndunum áður en ég fór
út. Fjármagnaði allt sjálfur, tók mikið
upp heima en komst síðar í samband
við fólk. Ég hoppaði bara upp í flugvél
án þess að vita neitt hvað myndi ger-
ast.“
Allt lagt í plötuna
Að sögn Bigga eyddi hann fyrstu
mánuðunum í London að mestu í að
finna nýja rödd. Hann samdi mikið af
lögum og tók upp sjálfur. „Ég vildi
ekki gefa út sólóplötu sem hljómaði
eins og Maus. En ég var ekki alveg
með það á hreinu hvernig tónlist ég
vildi gera. Þannig að ég var í svona
þrjá eða fjóra mánuði bara einn að
gera „demó“, tók upp inni í íbúð og
átti þá enga vini í London.“
Í framhaldinu komst Biggi í sam-
band við upptökustjórann Tim Sime-
non en hann hefur m.a. annars unnið
með Depeche Mode, Björk og Neneh
Cherry og er í hljómsveitinni Bomb
The Bass. „Ég kynntist honum í
gegnum umboðsmann sem hafði áður
verið að vinna aðeins fyrir Maus. Við
byrjuðum svo að taka upp plötuna í
maí í fyrra. Hann er búinn að eyða ári
af lífi sínu í að hjálpa mér að gera
þessa plötu. Þetta er búið að ganga
mjög vel og hefur verið alveg geðbil-
uð vinna. Ég hef aldrei lagt jafnmikið
í neitt á ævinni. Ég er búinn að leggja
allt í þetta, allan minn metnað og pen-
inga. Ég stend og fell algjörlega með
þessari plötu,“ segir Biggi.
„Elektrónískur“ suðupottur
„Þetta er svona tilraunakennd
poppplata. Það er mjög fjölbreytt
tónlist á henni. Ég hef aldrei verið
hrifinn af því að flokka tónlist og
halda mig bara við eina stefnu. Góð
tónlist er tónlist sem hreyfir við mér
og svo er til tónlist sem hreyfir ekki
við mér. Þannig að fyrir mér er bara
til tvenns konar tónlist,“ segir Biggi
og tekur fram að platan sé fjölbreytt
ef hún sé skilgreind út frá „hefð-
bundnum“ tónlistarstefnum. „Þarna
er m.a. vögguvísa sem ég samdi með
finnskri þjóðlagasöngkonu, lag í anda
New Order og svo er mikið af lögum
þar sem spilað er undir á klassísk
hljóðfæri. Það er reyndar hægt að
segja að í heild sé þetta „elektróník“
sem hann Tim hefur komið með inn í
þetta en það er t.d. ekki mikið af for-
rituðum hljóðfærum heldur er spilað
á strengja-, blásturs- og áslátt-
arhljóðfæri. Þetta er algjör suðupott-
ur úr mínum haus.“
Sleppir dramatíkinni
Biggi segir að platan sé persónuleg
en það eigi við um allt sem hann geri í
sinni sköpun. Og að textarnir á id séu
ansi fjölbreyttir. „Ég tók meðvitaða
ákvörðun eftir að ég var búinn að
gera „demó“ í nokkra mánuði. Ég var
að ganga í gegnum leiðinlegt tímabil í
mínu lífi og þá samdi ég fullt af rosa-
lega dramatískum lögum. Ég ákvað
að sleppa þeim öllum. Ég nenni ekki
að vera að spila þessi lög næstu tvö
árin og vera alltaf að muna eitthvað
sem er löngu búið. Mér finnst það
svolítið eins og að marínera sjálfan
sig í einhverri sjálfsvorkunn og
rugli.“
Í staðinn fjalla textarnir á plötunni
um alls kyns hluti sem Biggi hefur
verið að velta fyrir sér upp á síðkast-
ið, svo sem skyndikynni, upphaf á
vináttusambandi og tilfinningar varð-
andi hryðjuverkaárásirnar á London
og Bandaríkin, en hann bjó í London
þegar ráðist var á borgina. „Svo er
lag þarna um dauða ömmu minnar en
þarna er ekkert volæði heldur er
þetta lag um afar fallega kveðju-
stund.“
Platan var unnin í Reykjavík,
London og Amsterdam. Fyrir utan
Tim Simenon upptökustjóra var
stundum hljóðupptökumaður til stað-
ar til að aðstoða Bigga og svo tók
hann oft upp sjálfur. „Ég er með fullt
af gestum á plötunni. Halli í Botn-
leðju er t.d. þarna en það er enginn úr
Maus. Það var meðvituð ákvörðun.“
Eins og sagt var frá í Morg-
unblaðinu í síðustu viku kom Biggi til
landsins fyrir stuttu ásamt bresku
hljómsveitinni The Bigital Orchestra,
en hún er skipuð ungum breskum
hljóðfæraleikurunum sem hann
kynntist á krá í London. Í framhaldi
af þeim kynnum urðu „krakkarnir“
(eins og hann kallar þá) að hljóm-
sveitinni sem spilar undir með honum
í sólóverkefninu en þar notar hann
sjálfur nafnið „Biggi“ og verður plat-
an gefin út undir því nafni. Hljóm-
sveitin, með Bigga sjálfan í broddi
fylkingar, spilaði á tveimur tónleikum
í Reykjavík og svo í framhaldinu á
LungA á Seyðisfirði um síðustu helgi.
Það er mikið tónleikahald fram-
undan í London á alls konar stöðum,
meðal annars í leikhúsi í Brixton-
hverfinu. „Ég vil ekki vera að segja of
mikið. Það er ekki allt komið á hreint
en við erum örugglega að fara til ein-
hverra annarra landa líka,“ segir
Biggi, en ekki hefur verið gengið frá
útgáfu á id utan Norðurlandanna.
„Þegar ég kom til London þá langaði
mig að gera plötu þar, vinna með nýju
fólki og koma plötunni í plötubúðir
úti. Mér finnst gott að taka allar
ákvarðanir sjálfur. Ég vil þá frekar
vera gæinn sem klúðrar hlutunum.
Ég vil ekki geta kennt einhverjum
öðrum um ef þetta mistekst.“
Úr eistum í egg
Meðlimir The Bigital Orchestra
hafa nú haldið af landi brott en Biggi
er hér enn og er myndband við lag af
plötunni í vinnslu. „Ég er að vinna
Marínerar sig ekki í sjálfsvorkunn og
Birgir Örn Steinarsson býr sig nú undir að gefa
út sína fyrstu sólóplötu en hún var mestmegnis
tekin upp í London. Jón Gunnar Ólafsson ræddi
við hann um nýtt myndband, upptökuferlið langa,
framtíð Maus og margt fleira.
Morgunblaðið/Sverrir
Biggi ásamt
bresku
hljóðfæra-
leikurunum
sem skipa
The Bigital
Orchestra.
58 LAUGARDAGUR 29. JÚLÍ 2006 MORGUNBLAÐIÐ
Sími - 564 0000Sími - 462 3500
Stormbreaker kl. 4 (400 kr.), 6, 8 og 10.
Silent Hill kl. 5.45, 8 og 10.20 B.i. 16.ára.
Stick It kl. 4 (400 kr.)
Silent Hill kl. 8 og 10.40 B.i. 16 ára
Silent Hill LÚXUS kl. 8 og 10.40 B.i. 16 ára
Over the Hedge m.ensku.tali kl. 1, 3, 5, 7 og 9
Over the Hedge m.ensku.tali LÚXUS kl. 1, 3 og 5
Over the Hedge m.ísl.tali kl. 1, 3 og 5
Ultraviolet kl. 4.50 og 8 B.i. 12 ára
Stick It kl. 3, 5.30, 8 og 10.20
Click kl. 10.10 B.i. 10 ára
Rauðhetta m.ísl tali kl. 3
Ísöld 2 m.ísl tali kl. 1
Þau ætla að ná
aftur hverfinu...
...einn bita í einu!
SÝNDI BÆÐI
MEÐ
ÍSLENSKU OG
ENSKU TALI
FRÁ HÖFUNDI
BRING IT ON
ÓVÆNTASTA, KYNÞOKKAFYLLSTA OG
SKEMMTILEGASTA GRÍNMYND ÁRSINS
eee
L.I.B. Topp5.is
eee
S.V. Mbl.
Magnaður
spennutryllir
eftir höfund
„Pulp Fiction“
VELKOMIN TIL SILENT HILL.
VIÐ ÁTTUM VON Á ÞÉR!
Með frábærum úrvalsleikurum eins og Sean Bean, Deborah Kara Unger
og Radha Mitchell (Pitch Black og Melinda & Melinda)
FÓR BEINT Á
TOPPINN Í USA!
MILLA JOVOVICH Í MÖGNUÐUM
SCI-FI SPENNUTRYLLI!
BLÓÐSTRÍÐIÐ
ER HAFIÐ!
HLAUT TILNEFNINGU TIL
GOLDEN TRAILER
VERÐLAUNANNA Í FLOKKNUM
BESTA
HRYLLINGSMYNDIN