Morgunblaðið - 30.07.2006, Blaðsíða 2

2 SUNNUDAGUR 30. JÚLÍ 2006 MORGUNBLAÐIÐ
FRÉTTIR
KAMBUR VIÐ KOLKUÓS
Fornleifauppgröftur við Kolkuós í
Skagafirði hefur leitt ýmislegt í ljós.
Í vikunni fannst annars vegar kamb-
ur úr beini frá 13. öld og hins vegar
akkeri í neðansjávarrannsóknum á
svæðinu. Kamburinn er að líkindum
innfluttur. Akkerinu verður lyft af
sjávarbotni á mánudag og rann-
sakað nánar. Meðal gripa sem fund-
ist hafa við Kolkuós eru keramik,
pottar og hnífur úr járni, silfurpen-
ingur frá 12. öld, bein smáhunda og
kjarni úr plómu.
Beiðni Sþ synjað
Stjórnvöld í Ísrael synjuðu í gær
beiðni Sameinuðu þjóðanna um
þriggja daga vopnahlé til að hægt
yrði að koma hjálpargögnum til
nauðstaddra Líbana á átakasvæð-
unum. Ísraelar sögðust þegar hafa
samþykkt beiðni Condoleezza Rice,
utanríkisráðherra Bandaríkjanna,
um að sjá til þess að flutningaleið
yrði haldið opinni til að hægt yrði að
koma hjálpargögnum á átakasvæðin,
flytja þaðan sært fólk, börn og aldr-
aða. Yfir 750.000 Líbanar hafa flúið
heimili sín vegna árása Ísraelshers.
Vilja meira íslenskt efni
Samhliða setningu nýrra laga um
RÚV hf. verða sett fram töluleg
markmið um eflingu íslenskrar dag-
skrárgerðar, í samningi milli RÚV
og menntamálaráðuneytis.
Íranar fá frest til ágústloka
Ríkin fimm, sem eru með neit-
unarvald í Öryggisráði Sameinuðu
þjóðanna, hafa náð samkomulagi um
ályktun þar sem stjórnvöldum í Íran
er veittur frestur til loka ágústmán-
aðar til að hætta auðgun úrans, ella
íhugi ráðið að grípa til refsiaðgerða
gegn þeim. Fulltrúar allra aðild-
arríkjanna fimmtán fengu drög að
ályktun í fyrrakvöld og líklegt er að
hún verði samþykkt á næstu dögum.
Rússar og Kínverjar fengu því fram-
gengt að orðalag textans er mildara
en í fyrri drögum þar sem gert var
ráð fyrir tafarlausum refsiaðgerðum
verði Íranar ekki við kröfunni um að
hætta auðgun úrans sem hægt væri
að nota í kjarnavopn.
Þróar kortaþjónustu Google
Guðmundur Hafsteinsson vinnur
hjá 8.000 manna stórfyrirtækinu Go-
ogle en segir að andinn sé eins og í
litlu fyrirtæki. Hann hefur und-
anfarið ár unnið að því að gera kort
og gervihnattamyndir fyrirtækisins
aðgengileg í farsímum. Hægt er að
sjá umferðarþunga hraðbrauta í
Bandaríkjunum með þessari tækni.
Y f i r l i t
Í dag
Sigmund 8 Hugvekja 32
Fréttaskýring 8 Auðlesið efni 39
Hugsað upphátt 25 Myndasögur 40
Menning 44/49 Dagbók 40/43
Sjónspegill 24 Víkverji 40
Forystugrein 26 Staður&stund 43
Reykjavíkurbréf 26 Bíó 46/48
Umræðan 28/32 Sjónvarp 50
Bréf 32 Staksteinar 51
Minningar 33/37 Veður 51
* * *
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jó-
hann Björnsson, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is
Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jóns-
dóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
YFIRDÝRALÆKNIR telur að
menn ættu að þurfa sérstakt leyfi til
að mega halda búfé. Nautgriparækt
er háð leyfum og þykir auðveldara að
bregðast við vanrækslu nautgripa en
vanhirðu dýra eins og hrossa og sauð-
fjár sem ekki er skylt að hafa leyfi
fyrir.
Í ársskýrslu yfirdýralæknis fyrir
árið 2005 kemur fram að starfsmenn
embættisins hafi þurft að hafa af-
skipti af dýraverndarmálum líkt og
oft áður. Halldór Runólfsson yfir-
dýralæknir segir að erfitt sé að segja
til um hvort fjölgun eða fækkun hafi
orðið á tilfellum sem þessum en þau
komi þó alltaf upp. Flest snúist um
vanfóðrun og vanrækslu sauðfjár og
hrossa en nokkur vegna nautgripa.
„Þetta eru sem betur fer fá tilfelli og í
langflestum tilfellum er búfjárhald í
góðu lagi. Hvert tilfelli um vanrækslu
er samt einu of mikið,“ segir Halldór.
Í ársskýrslu embættisins kemur fram
að héraðsdýralæknar telji að mikil
þörf sé á að leyfisskylda búfjárhald og
að slík leyfi yrðu háð ýmsum skilyrð-
um sem vörðuðu aðbúnað og dýra-
vernd.
Nautgriparækt er leyfisskyld og
segir Halldór að mun auðveldara sé
að grípa inn í komi upp tilfelli um van-
rækslu þeirra. „Yfirleitt hefur það þá
ekki gengið það langt að menn séu
sviptir leyfum. Menn hafa bætt að-
búnað og farið eftir kröfum en í ein-
stökum tilfellum hefur dýrum verið
lógað.“ Mjög flókið geti verið að taka
á málum sem þessum út frá dýra-
verndunarlögum og búfjárhaldslög-
um og auðveldara væri að bregðast
við ef dýrahald væri háð leyfi. Fyrst
og fremst mætti þó koma í veg fyrir
að vandamál er vörðuðu vanrækslu
dýra kæmu upp. Sjá mætti fyrirfram
hvort aðbúnaður væri ófullnægjandi.
Aðspurður hvort hann muni beita sér
fyrir því að lögum verði breytt á
þennan hátt segir Halldór að hann
hafi bent á þessi atriði en samkomu-
lag ekki náðst um hvað gera skyldi.
Hrossa- og sauðfjár-
hald verði leyfisskylt
Eftir Gunnar Pál Baldvinsson
gunnarpall@mbl.is
FERNT var flutt á slysadeild
Landspítala – háskólasjúkrahúss í
fyrrinótt eftir árekstur á Álftanes-
vegi við Bessastaðaafleggjarann.
Ökumaður annars bílsins virti ekki
biðskyldu og beygði í veg fyrir
þann sem á móti kom. Fjórir voru
í bílunum tveimur og hlutu allir
hrufl og meiðsl, að sögn lögreglu,
og einn hlaut nokkur beinbrot en
er ekki í lífshættu. Beita þurfti
klippum á annan bílinn til að ná
fólki út.
Harður árekstur
á Álftanesvegi
Í SÍÐUSTU viku var merktur 5.000
fuglinn frá því að undirbúningur
að stofnun Fuglaathugunarstöðvar
Suðausturlands hófst árið 2003. Ár-
ið 2003 var 151 fugl merktur og
2004 voru merktir 88 fuglar eða
samtals 239 fuglar fyrir stofnun
stöðvarinnar. Af þeim tegundum
sem mest hefur verið merkt af eru
2.768 skógarþrestir, 966 kríur, 700
þúfutittlingar, 94 maríuerlur og 92
steindeplar en alls hafa 38 tegundir
verið merktar. Þetta kemur fram á
vefnum www.fuglar.is.
Flestir fuglarnir hafa komið í net
í Einarslundi sem er trjálundur
sem Félag fuglaáhugamanna á
Hornafirði hefur fengið til umráða.
Hafa merkt
5.000 fugla
21 ÁRS ökumaður var aðfaranótt
laugardags sviptur ökuleyfi til
bráðabirgða eftir að lögreglumenn
höfðu mælt bifreið hans á 168 km
hraða á Strandarheiði á Reykjanes-
braut, en leyfilegur hámarkshraði
þar er 90 km.
Að sögn lögreglunnar í Keflavík
má ökumaðurinn búast við þriggja
mánaða ökuleyfissviptingu auk
hárrar sektar.
Þá var ölvaður og æstur tvítugur
karlmaður handtekinn í miðbæ
Reykjanesbæjar snemma á laug-
ardagsmorgun eftir að lögregla
hafði fengið ábendingu um að hann
hefði þá rétt áður brotið rúðu í
símaklefa. Maðurinn var færður í
fangageymslur og stóð til að taka
af honum skýrslu þegar áfeng-
isvíman rynni af honum.
Á 168 km hraða
á Strandarheiði
MIKILLAR óánægju gætir meðal
vagnstjóra Strætós vegna þess
vaktakerfis sem þeir aka eftir og fyr-
irhugaðra breytinga á því. Að sögn
Guðmundar Jónssonar vagnstjóra
hafa yfir 30 vagnstjórar Strætós sagt
upp störfum undanfarið og segir
hann að leggja hafi þurft niður leið S5
þess vegna, ekki vegna þess að
sparnaðar hafi verið þörf. Hann segir
stjórnendur Strætós skapa mannekl-
una, menn séu að hætta og fara í
lægra launuð störf vegna þess að þeir
hafi fengið sig fullsadda á vaktakerf-
inu.
Guðmundur segir akstursleiðir
misjafnar, á sumum leiðum séu góð
hlé en aðrar leiðir séu mjög strembn-
ar og þá fái menn ekki hlé til að rétta
úr sér, hvað þá fara á klósettið á
álagstímum. Þá sé sá aðbúnaður sem
vagnstjórum er búinn í Nauthólsvík
og Mosfellsbæ með ótrúlegasta hætti
en þar þjóna gámar hlutverki kaffi-
stofu. Þar er t.d. ekkert heitt vatn að
finna.
Í kjölfar nýs leiðakerfis Strætós
sem tekið var upp fyrir um ári og
óánægju með nýtt vaktakerfi þá var
að sögn Guðmundar gert bráða-
birgðasamkomulag um að það vakta-
kerfi fengi að haldast en nú hafi það
verið endurskoðað og taki nýtt vakta-
kerfi gildi 20. ágúst næstkomandi,
um leið og endurskoðað leiðakerfi
verður tekið upp þar sem hætt verð-
ur að keyra stofnleiðir á 10 mínútna
fresti á álagstímum yfir vetrartím-
ann.
„Það vaktakerfi er hreinasta
hörmung. Sumir þora ekki að segja
það en menn eru að skila inn vakta-
möppunum og mótmæla kerfinu
þannig. Það sem við sjáum er að
menn byrja um tvöleytið og vinna til
miðnættis, í stað þess að byrja klukk-
an sex og vinna til miðnættis. Í raun-
inni er það uppsögn að koma með
nýtt vaktakerfi, margir fengu aðeins
dagvaktir og það þýðir 30–40% kaup-
lækkun hjá þeim,“ segir Guðmundur
og bætir við að með þessu sé verið að
nýta mannskapinn sem sé þá farinn
að vinna eins og vélmenni.
Aukin veikindi
Hann segir ástæðuna fyrir því að
ekki sé búið að leggja niður fleiri leið-
ir þá að sumir vagnstjórar keyri allan
ársins hring og svo aukalega í fríum.
Þá segir Guðmundur marga vagn-
stjóra vinna í sumarfríinu, sem sé
kolólöglegt.
„Það eru mikil veikindi í kringum
þetta, menn eru farnir í baki og fót-
um á þessu og veikindin hafa aukist
mjög mikið. En margir vagnstjórar
þora ekki að tjá sig, ég skil það vel,
þeir eru komnir á efri árin og vilja
hætta en óttast að þeir fái ekkert
annað, þeir taka þessu því bara eins
og hverju öðru hundsbiti.“
Guðmundur segir það mjög gaman
að keyra strætó og hann hafi kynnst
mörgu fólki. En þegar þreytan sé far-
in að segja til sín þá sé erfitt að hafa
gaman af akstrinum.
Þá segir hann vagnstjóra mjög
hneykslaða á stjórnarformanni
Strætós, sem hafi játað það í Kast-
ljósi fyrir framan alþjóð að hann tæki
aldrei Strætó.
„Þetta er eins og að reka hótel og
kanna aldrei aðstæður á hótelinu eða
þjónustuna. Jafnvel verslunarstjórar
labba um verslanir og athuga hvort
það sé ekki vel raðað í hillurnar.“
Morgunblaðið/Kristinn
Vagnstjórar hafa fengið sig
fullsadda á vaktakerfinu
Segir leið S5 lagða niður vegna þess að yfir 30 vagnstjórar sögðu upp störfum
Eftir Sigurhönnu Kristinsdóttur
sigurhanna@mbl.is
ÞAÐ var hart barist á strand-
handboltamótinu sem fór fram í
Nauthólsvík í gær en þar öttu bæði
stúlkur og piltar kappi í sandinum.
Alls mættu sextán lið til leiks, þar á
meðal fornfræg félög á borð við FH
og Fram, sem og minna þekkt félög
líkt og Sólstrandagæjarnir og Bor-
is. Þá mættu liðsmenn Uppgjafar
vígreifir á vettvang en þegar þetta
er skrifað er ekki vitað hvort gengi
þeirra hafi verið í samræmi við
nafngiftina. Á myndinni má sjá
stúlkurnar í HK í leik gegn pilt-
unum í World Class.
Morgunblaðið/Eggert
Handbolti á ströndinni