Morgunblaðið - 30.07.2006, Blaðsíða 39
AUÐLESIÐ EFNI
MORGUNBLAÐIÐ SUNNUDAGUR 30. JÚLÍ 2006 39
Á ÞRIÐJU-daginn féllu
fjórir eftir-litsmenn
Sameinuðu þjóðanna
(SÞ) í loft-árás Ísraela á
bækistöð þeirra í Khiam
í Suður-Líbanon.
Eftirlits-mennirnir, sem
voru frá Austur-ríki,
Kanada, Kína og
Finnlandi, störfuðu allir
fyrir
friðar-gæslu-sveitina
Unifil sem hefur verið í
landinu síðan árið
1978. Kofi Annan,
framkvæmda-stjóri SÞ, brást hart
við og sagði árásina hafa verið
gerða af ásetningi.
Ingibjörg Þórðardóttir,
stríðs-frétta-maður hjá breska
ríkis-útvarpinu BBC í Líbanon, sagði
á fimmtu-daginn að líbanskir
ráða-menn hefðu viðurkennt að þeir
hefðu misst tökin á stjórn landsins
í hendur liðsmanna Hizbollah. „Það
var Hizbollah sem fór í stríð við
Ísrael og það er ákveðin hætta á
að hreyfingin komi út úr þessu
sterkari en áður,“ sagði Ingibjörg
en að hennar sögn eru allir innviðir
landsins farnir og efna-hagurinn í
rúst. Fjármála-ráðherra Líbanons
hefur verið harðorður í garð
Banda-ríkjanna vegna þess að þau
vilja ekki styðja vopna-hlé.
Ingibjörg Þórðardóttir, stríðsfréttamaður hjá
breska ríkisútvarpinu BBC.
„Ríkis-stjórnin valdalaus
andspænis Hizbollah“
JAKOB Örn Sigurðsson,
landsliðs-maður í körfu-knatt-leik,
hefur samið við spænska liðið
Ciudad de Vigo Basket sem leikur í
þriðju efstu deild þar í landi, LEB 2.
Jakob, sem lék með Bayern
Leverkusen í úrvals-deildinni í
Þýska-landi á síðasta
keppnis-tímabili, verður því fjórði
íslenski atvinnu-maðurinn í
körfu-knattleik á Spáni. Hinir þrír eru
Jón Arnór Stefánsson, Pavel
Ermolinski og Hörður Axel
Vilhjálmsson.
Liðið er nýtt og varð til eftir að
hópur fjár-festa með stuðningi
borgar-yfirvalda í Vigo keypti
keppnis-réttinn af öðru liði og er
þetta í fyrsta skiptið sem borgin á lið
í deildar-keppni í körfu-knattleik.
Margir munu hins vegar kannast við
knatt-spyrnulið borgarinnar, Celta.
Jakob samdi við Vigo á Spáni
VIÐSKIPTA-bankarnir eiga meiri
verð-tryggðar eignir en skuldir og
hagnast því á verð-bólgunni sem nú
hrjáir landið, að sögn Sigurjóns Þ.
Árnasonar, banka-stjóra
Lands-bankans, en bankinn kynnti
afkomu-tölur sínar á fimmtu-daginn.
Bankinn skilaði sex milljarða hagnaði
á öðrum árs-fjórðungi en það er
þremur milljörðum meira en búist
hafði verið við.
„Allir þeir sem eiga meira verð-tryggt
en þeir skulda græða á
verðbólgu-skoti. Hins vegar er
mikilvægt að benda á að verði
verð-bólgan viðvarandi tapa allir,“
segir Sigurjón.
Hagnaður Lands-bankans fyrir skatt
á fyrri hluta ársins nemur því 25
milljörðum króna samanborið við 13,1
milljarð króna á fyrstu sex mánuðum
ársins 2005.
Hagnast á
verðbólgu
SÁ ORÐRÓMUR gekk fjöllunum
hærra í Englandi í vikunni að
miðvallar-leikmaðurinn Michael
Carrick frá Tottenham væri á
leiðinni til Manchester United og
Tottenham væri þegar búið að
sætta sig við ákvörðunina. Aðeins
væri eftir að semja um kaup-verðið
en líklegt er talið að það verði um
17 milljónir punda.
Michael Car-
rick til Man-
chester United
Í RANNSÓKN sem
Heilsu-gæslu-stöðin á Akureyri og fleiri
gerðu kemur fram að tengsl séu á milli
aukinnar þyngdar og lakari
náms-árangurs hjá nemendum 10.
bekkjar.
Í hóp þeirra sem eru þungir eru
örfáir nemendur sem ná ágætum
náms-árangri, að sögn Magnúsar
Ólafsonar læknis.
Þyngdar-þróun á svæðinu sem var
rannsakað er þó jákvæð í 4.–7. bekk
en nemendur í 10. bekk hafa skorið
sig úr með því að þyngjast á milli ára.
Hlutfall of þungra barna í 10. bekk
hefur vaxið úr 21,3% árið 2000 í
27,7%.
Lakari
námsárangur
tengdur þyngd
Í NÝRRI skýrslu um jarð-göng til
Vestmanna-eyja kemur fram að
kostnaður geti numið á bilinu
20-25 milljörðum en skýrsluna
vann norska ráðgjafa-fyrirtækið
Multiconsult og var hún kynnt á
fundi Ægis-dyra, félags áhuga-fólks
um veg-tengingu milli lands og
Eyja, sem haldinn var á
fimmtudaginn.
Í yfirlýsingu frá Ægis-dyrum segir
að miðað við framlög sem
ríkis-sjóður greiði árlega vegna
Herjólfs og innkomu af áætluðu
veg-gjaldi sé ljóst að göngin myndu
verða greidd upp á 40 árum.
Á dögunum skilaði starfs-hópur
samgöngu-ráðherra um bættar
samgöngur áliti sínu en þar voru
jarð-göng nánast blásin út af
borðinu. Ingi Sigurðsson, formaður
Ægis-dyra, segir þá niður-stöðu
hafa valdið sér miklum vonbrigðum
en hann átti sætti í starfs-hópnum.
Jarðgöng til
Vestmanna-
eyja gætu
kostað 25
milljarða
Á ÞRIÐJUDAGINN valt
bensín-flutninga-bíll frá Olíu-dreifingu
á þjóð-vegi 1 í Ljósa-vatns-skarði en
10 þúsund lítrar af bensíni láku á
jörðina á meðan bíllinn lá á hliðinni.
Þrátt fyrir gríðarlega hættu á
bæði eldi og mengun tókst að
koma í veg fyrir hvoru-tveggja.
Olíu-gildrur voru settar upp við
skurði og læki en talið er að hlýtt
veður hafi átt sinn þátt í að talsvert
af bensíninu gufaði upp áður en
mengun hlaust af. Bílstjórinn hlaut
minni háttar meiðsl.
Björgunar-lið tók enga áhættu og
ákvað að tæma bílinn eins vel og
hægt var áður en hreyft var við
honum. Notast var við froðu og
sand til að vinna gegn
bensín-menguninni á meðan unnið
var að tæmingu tankbílsins.
Mikill umferðarhnútur myndaðist
við slys-staðinn enda var
þjóð-vegurinn lokaður í um 6
klukkustundir.
Lögreglan á Húsavík segir að
mildi sé að ekki hafi farið verr þar
sem eldsneyti hafi byrjað að leka úr
kerrunni áður en hún stöðvaðist. Því
hefði ekki þurft nema lítinn neista
til að kveikja í eldsneytinu og þá
hefði orðið stórbruni.
Bensín-flutningabíll valt
og olli mikilli hættu
Morgunblaðið/Margrét Þóra
Olíubíll valt í Ljósavatnsskarði með þessum afleiðingum.
Á SUNNUDAGINN síðasta fór pall-bíll
með fimm farþega innan-borðs á kaf í
Krossá en fólkið náði að bjarga sér í
land með því að klifra upp á þak
bílsins og synda svo yfir að
ár-bakkanum.
Krossá hefur lengi þótt sérstaklega
varasöm þar sem hún lítur iðulega
sakleysislega út en ár-farvegurinn er
síbreytilegur og afl árinnar er slíkt að
hún getur grafið djúpa skorninga.
Fólkið lét neyðar-línuna vita og kom
flug-björgunar-sveit Hellu á vettvang
og dró pall-bílinn upp úr ánni með
tveimur vöru-bílum.
Að sögn skála-varðar í Húsadal
hefur verið nokkuð um að fólk festi
bíla í ánni í sumar og hvetur hann fólk
til að sýna varkárni og jafnvel hafa
með sér vöðlur svo hægt sé að vaða
út í ána og mæla dýpi þar sem
ætlunin er að keyra yfir hana.
Pallbíll á kaf í Krossá
Þó Krossá lýti sumsstaðar sakleysilega út hefur það margsinnis sýnt sig að
það er varasamt að aka yfir hana.