Morgunblaðið - 30.07.2006, Blaðsíða 6
6 SUNNUDAGUR 30. JÚLÍ 2006 MORGUNBLAÐIÐ
FRÉTTIR
FJÖLMENNT var í Öxnadalnum á föstu-
dagskvöld, þegar hljómsveitin Sigur Rós,
sem verið hefur á tónleikaferð um landið,
lék þar við bæinn Háls. Var ekki annað að
sjá á tónleikagestum en að þeir væru afar
ánægðir með framtak Sigur Rósar og var
stemningin í dalnum góð, en margir höfðu
tjaldað í námunda við tónleikastaðinn. Tón-
leikaferð Sigur Rósar lýkur í dag með úti-
tónleikum á Klambratúni í Reykjavík.
Verða tónleikarnir sendir út beint í þjóð-
arkvikmyndahús Englendinga í Lundúnum,
National Film Theatre, en tónleikaferðin öll
hefur verið kvikmynduð. Tónleikarnir í
kvöld hefjast klukkan 20.30 og verður að-
gangur ókeypis.
Ljósmynd/Ragnhildur Aðalsteins
Sigur Rós með útitónleika í Öxnadal
FRANSKIR dagar standa nú yfir á
Fáskrúðsfirði, en hátíðin var form-
lega sett á föstudagskvöld í skrúð-
garði staðarins. Blíðskaparveður var
við setninguna og var mikið fjöl-
menni samankomið. Mátti þar sjá
fólk úr nágrannabyggðum og einnig
brottflutta Fáskrúðsfirðinga sem
heimsótt höfðu sinn gamla bæ.
Kveiktur var varðeldur og sungið,
flugeldum var skotið á loft og var til-
komumikið að fylgjast með flug-
eldasýningunni í blíðunni.
Þetta er í ellefta skipti sem fransk-
ir dagar eru haldnir á Fáskrúðsfirði.
Hafa þeir hafist með tónleikum
Bergþórs Pálssonar í Fáskrúðsfjarð-
arkirkju. Bergþór hefur haft sér til
fulltingis frábært listafólk og svo var
einnig í þetta sinn, en með honum í ár
voru Jóhanna Vigdís Arnardóttir,
Sigrún Eðvaldsdóttir og Kjartan
Valdimarsson. Þau fluttu franska
kaffihúsatónlist, íslensk stemmnings-
lög og lög úr söngleiknum Skrúðs-
bóndinn eftir Björgvin Guðmunds-
son. Undirtektir voru afar góðar og
léku listamennirnir nokkur aukalög.
Franskir dagar
á Fáskrúðsfirði
Morgunblaðið/Albert Kemp
MIKIL reiði er innan samfélags bif-
hjólamanna vegna þeirra tilfella sem
upp hafa komið síðastliðna sólar-
hringa þar sem bifhjólamenn hafi
verið stöðvaðir á ofsafengnum hraða.
Brotin koma í kjölfar baráttufundar
sem haldinn var á fimmtudaginn til
minningar um þá sem látist hafa í
sumar á bifhjólum og til að stuðla að
bættri umferðarmenningu meðal bif-
hjólamanna.
Dagrún Jónsdóttir, ein þeirra sem
stóð að fundinum á fimmtudaginn,
segir að mikil reiði sé innan sam-
félags bifhjólamanna. „Við sem stóð-
um að fundinum erum mjög svekkt
yfir því að hafa ekki náð betur til
fólks en þetta.“ Hún segir ljóst að
allavega tveir þeirra sem lögreglan
þurfti að hafa afskipti af stuttu eftir
fundinn hafi verið á fundinum og
einnig á minningarstund sem haldin
var í Heiðmörk. Dagrún segir ljós að
vakning þurfi að verða meðal vél-
hjólamanna og eftir fundinn hafi ver-
ið mikill vilji til að stofna regnhlíf-
arsamtök sem gætu beitt sér til þess.
Fólk vilji bæta ástandið og hraðakst-
urinn síðustu daga sé fordæmdur.
Árni Friðleifsson, bifhjólamaður
og varðstjóri hjá umferðardeild, var
einn framsögumanna á fundinum og
segir að mikill vilji hafi verið þar til
að bæta stöðu mála. „Þessi hraðakst-
ur núna er eins og blaut tuska í and-
litið á þessu fólki,“ segir Árni. Hann
segir að hraðakstur sé í raun ekki al-
gengur meðal bifhjólafólks og um
þröngan hóp manna sé að ræða.
„Mörg hjól komast ekki einu sinni á
þennan hraða.“ Þrír ökumannanna
sem lögreglan mældi nú fyrir helgi
reyndu að stinga af undan lögreglu
og segir Árni að slíkt komi reglulega
fyrir og því miður hafi þess konar til-
fellum fjölgað upp á síðkastið.
Meðal fundarmanna á fimmtu-
dagskvöldið kom fram nokkur
gremja í garð stjórnvalda og vildu
sumir meina að ekki hefði verið nóg
gert til að sinna fræðslu og áróðri til
bifjólamanna. Sigurður Helgason,
verkefnastjóri umferðaráróðurs hjá
Umferðarstofu, segir að Umferða-
stofa hafi starfað með Sniglunum að
fræðslumálum og útvegað fjármagn
til auglýsinga. „Það er sárt að heyra
að lögreglan þurfi að stöðva bifhjól
svona skömmu eftir fund sem þenn-
an. Þetta er vandamál sem menn
verða að vinna innan frá og við höf-
um reynt að gera það í gegnum tíð-
ina,“ sagði Sigurður í samtali við
Morgunblaðið í gær.
Mikil reiði meðal bifhjóla-
manna í kjölfar hraðaksturs
Tilfellum fjölgar þar
sem ökuþrjótar á bif-
hjólum stinga af
Eftir Gunnar Pál Baldvinsson
gunnarpall@mbl.is
ALLS starfa nú tæplega 30 hjúkr-
unarfræðingar á vegum einkafyrir-
tækja inni á Landspítala – háskóla-
sjúkrahúsi í júlí. Spítalinn fer þá leið
að kaupa þjónustu hjúkrunarfræð-
inga af einkafyrirtækjum til að létta
undir mönnun á spítalanum. Starfs-
mennirnir koma frá fyrirtækjunum
Liðsinni ehf. og Alhjúkrun ehf. sem
eru hvort tveggja einkafyrirtæki á
sviði heilbrigðisþjónustu.
Að sögn Önnu Stefánsdóttur,
hjúkrunarforstjóra LSH, er fjöldi
hjúkrunarfræðinga á vegum einka-
fyrirtækja tiltölulega lágur en að
jafnaði starfi á spítalanum 1.150–
1.200 hjúkrunarfræðingar og ljós-
mæður í 960 störfum. Anna segir að
hjúkrunarfræðingar eigi rétt á fjög-
urra vikna sumarleyfi.
Aukin eftirspurn
Alhjúkrun ehf. er þjónustufyrir-
tæki á heilbrigðissviði sem var stofn-
að árið 2001 en starfsemi þess hófst
árið 2002. Fyrirtækið útvegar hjúkr-
unarfræðinga til heilbrigðisstofnana,
fyrirtækja og einstaklinga. Starf-
semin hófst í júní 2001.
Dagmar Jónsdóttir, stofnandi og
framkvæmdastjóri Alhjúkrunar,
segir að um tíu hjúkrunarfræðingar
vinni á spítölum á vegum fyrirtæk-
isins. Fyrirtækið útvegar starfs-
menn allt árið um kring en Dagmar
segir að mest þörf sé á sumrin og há-
tíðum, t.d. jólum og páskum. Al-
hjúkrun hefur einnig unnið fyrir
öldrunarheimili og mannar stöður á
slíkum heimilum. Alls starfi um 25
hjúkrunarfræðingar hjá fyrirtækinu
og 4–5 sjúkraliðar.
Dagmar segir að ásókn í þjónustu
fyrirtækisins hafi farið vaxandi und-
anfarin ár og að það megi meðal ann-
ars skýra með því að starfssvið
hjúkrunarfræðinga hafi stækkað
síðastliðin ár samhliða aukinni tækni.
Aðspurð hvort kjörin hjá einkafyr-
irtækjum séu öðruvísi en á spítalan-
um segir Dagmar að þau séu eitthvað
betri. Hún tekur þó fram að fyrir-
tækið stundi það ekki að bjóða í
starfsmenn ríkisspítalanna.
Haft var samband við Liðsinni ehf.
en þeir vildu ekki ræða við fjölmiðla
um að hve miklu leyti fyrirtækið
kæmi að mönnun á spítölum.
Um 30 hjúkrunarfræðing-
ar frá einkaaðilum á LSH
Eftir Árna Helgason
arnihelgason@mbl.is
Morgunblaðið/ÞÖK
Hjúkrunarfræðingar að störfum á Landspítala-háskólasjúkrahúsi.
MJÓLKA íhugar að krefjast þess
að Osta- og smjörsalan hætti að
nota orðið FETA á umbúðir sínar
þar sem það vörumerki er lögform-
lega skráð eign Mjólku hjá Einka-
leyfastofu, segir í tilkynningu frá
Mjólku. Fyrirtækið hafi ótakmark-
að leyfi til að nota það á vörur sín-
ar og hyggist gera það áfram þrátt
fyrir hótanir samkeppnisaðila um
lögbann en Osta- og smjörsalan
hefur krafist þess að Mjólka stöðvi
tafarlaust sölu á fetaosti í gler-
krukkum sem líkist umbúðum
Osta- og smjörsölunnar. Í tilkynn-
ingunni segir að Osta- og smjörsal-
an noti vörumerkið FETAOST á
sínar afurðir en það sé óskráð og
hafi Grikkir hlotið alþjóðlega við-
urkenningu á því að þeir eigi það
vörumerki. Mjólku sé kunnugt um
að stjórnvöld þar í landi hyggi á
aðgerðir gegn þeim framleiðendum
sem nota vörumerkið FETAOST á
sínar vörur í óleyfi.
„Mjólka skilur vel viðbrögð
Osta- og smjörsölunnar sem ekki
er vön því að starfa á samkeppn-
ismarkaði. Sérstaklega í ljósi þess
að á tæplega hálfu ári hefur Mjólka
náð yfir 50% markaðshlutdeild á
neytendamarkaði og enn stærri
hlut á stórnotendamarkaði, þ.e. í
sölu á FETA til veitingahúsa og
framleiðenda,“ segir í tilkynning-
unni.
Mjólka íhugar að kæra
Osta- og smjörsöluna