Morgunblaðið - 30.07.2006, Blaðsíða 31

MORGUNBLAÐIÐ SUNNUDAGUR 30. JÚLÍ 2006 31
UMRÆÐAN
Sigurður Óskarsson lögg. fasteignasali
Sími 585 9999 - Þjónustusími um helgar 664 6999
OPIÐ HÚS Í HLAÐBREKKU 9
Í DAG KL. 14-16
UPPLÝSINGAR Í SÍMA 844-6785
168 fm einbýli, 3 herbergi, stofa, borðstofa og garðskáli. Fallegur
garður. Gróin og róleg gata. V. 41 millj.
Spennandi kostur í fallegu umhverfi
Jörðin Þverhamar 3 er rétt fyrir ofan byggðina á Breiðdalsvík. Þar er rekið sauðfjár-
bú með fullvirðisrétti upp á 230 ærgildi. Á fóðrum í vetur voru 200 kindur.
Fjárhús eru steypt með vélgengum áburðarkjallara og rúma húsin 300 kindur, áföst
hlaða er við húsin sem býður upp á möguleika á að breyta í fjárhús ef menn vilja.
120 fermetra góð véla- og verkfærageymsla, ræktað land er tæpir 30 hektarar.
Vélakostur eru fjórar dráttarvélar ásamt heyvinnuvélum. Frjósemi hefur verið rétt um
2 lömb á hverja kind, fallþungi dilka hefur verið milli 17 og 18 kg. Á jörðinni er 297
fermetra glæsilegt íbúðarhús, vel staðsett með fallegu útsýni, einnig 73 fermetra
gamalt uppgert íbúðarhús.
Hér er góð jörð til sauðfjárræktar með góðum húsakosti og í fallegu
umhverfi, skammt frá einu gróskumesta uppbyggingasvæði á Íslandi í
dag, þ.e. Fjarðabyggð.
Sími 595 9000
Þverhamar 3 - Breiðdal
Franz Jezorski, hdl. og lögg.
fasteignasali
Hóll er landsþekkt fyrir fagleg vinnubrögð og úrvals-
þjónustu í á annan áratug.
Taktu enga áhættu með þína fasteign. Skiptu við heið-
arlega og ábyrga fasteignasölu sem hefur hagsmuni
þína að leiðarljósi.
Einna fremstir í bújörðum
Upplýsingar veitir
Ásmundur Ásmundsson sölumaður
s: 894 0559
FASTEIGNA
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri og lögg. fasteignasali.
Höfum til sölu fjórar
íbúðir í tveimur samliggj-
andi húsum við Kárastíg.
Heildarstærð eignarinnar
er um 193 fm og eru
tvær íbúðir í hvoru húsi.
Lóðin er 261,0 fm. Hús
og íbúðir þarfnast lag-
færinga. Frábær stað-
setning í miðborginni.
Tilvalið tækifæri fyrir byggingarverktaka. Miklir möguleikar.
Verðtilboð.
Kárastígur - Fjórar íbúðir
NÝR meirihluti hefur tekið við
stjórnartaumum á Akureyri. Sjálf-
stæðismenn eru áfram við stjórnvöl-
inn, en þeir hafa nú skipt um með-
reiðarfólk; hafa tekið
Samfylkinguna inn í staðinn fyrir
Framsókn. Í síðasta kjörtímabili
skammaði ég þáver-
andi stjórnarherra fyr-
ir slælega uppbygg-
ingu í málefnum
aldraða og það ekki að
ástæðulausu. Þótt ég
segi sjálfur frá, þá held
ég að þetta hafi haft
áhrif. Stjórnendur
bæjarins fundu til
þess, að skrif mín
leystu úr læðingi
gremju, sem lengi
hafði kraumað undir
niðri meðal aldraðra
og ekki síður meðal
þeirra aðstandenda, sem svíður
hvernig farið er með foreldra, afa og
ömmur.
Nú er ég ekki að halda því fram,
að ástandið sé alslæmt, síður en svo.
Eftir mikið japl, jaml og fuður tókst
að koma af stað nýbyggingu við
Hlíð, sem hefði þurft að vera í það
minnsta áratug fyrr á ferðinni. Hún
verður vonandi tilbúin i haust, þótt
það geti dregist fram á veturnætur,
samkvæmt síðustu fréttum. Þar er
sjúkrarými, en það gerir ekki betur
en að taka við því fólki sem þegar er
á biðlistum, auk þess sem margir
búa við þröngan kost í gamla húsinu
á Hlíð og vonandi fá þeir þarna inni.
Það er til skammar, að gamalt slitið
fólk, skuli þurfa að deila herbergi
með fólki á ævikvöldinu, fólki sem
það þekkir ekki neitt. Það er til
skammar.
Það hefur líka verið staðið mynd-
arlega að uppbyggingu á heimaþjón-
ustu og íbúðir fyrir eldra fólk hafa
verið byggðar með myndarbrag, þar
sem jafnframt hafa verið byggðir
þjónustukjarnar fyrir íbúana. En
þetta er ekki nóg, því þeir sem hvað
erfiðast eiga og skortir þrek til rétt-
indabaráttu, hafa orðið útundan.
Þetta er fólk sem man nær alla síð-
ustu öld, lifði jafnvel við fátækt allt
sitt líf, en sá þó um sig og sína og
greiddi sína skatta og skyldur til
samfélagsins.
En á ævikvöldinu
tekur heilsan að bila,
líkaminn gefur sig eftir
strit dagsins og heila-
bilun getur gert vart
við sig á besta aldri.
Þetta fólk hefur orðið
útundan.
Á síðasta kjör-
tímabili var um tíma
neyðarástand í þessum
málaflokki. Dæmi voru
þess að sársjúkt fólk
fengi hvergi inni, en
væri upp á maka eða
börnin sín komin, sem fyrir vikið
gátu ekki stundað daglegt líf. Þegar
bæjarfulltrúar voru búnir að fá
margar ádrepur sáu þeir að þetta
gekk ekki lengur. Þá var ráðist í að
gera upp hluta af gömlu Skjald-
arvík, þar sem Stefán Jónsson reisti
elliheimili fyrir eigið fé á síðustu öld.
Hann gaf síðan Akureyrarbæ heim-
ilið. Þar var starfsemi fram á síðustu
áratugi síðustu aldar, en þá datt
stjórnendum bæjarins í hug að loka
heimilinu og flytja fólkið í Kjarna-
lund. Ég veit fyrir víst, að sumir
voru fluttir nauðugir, því þeim leið
vel í Skjaldarvík. Ég hef grun um,
að þetta hafi verið gert til að skapa
tekjur fyrir Kjarnalund, en Nátt-
úrulækningafélagið hafði byggt hús-
ið að mikilli eljusemi og fórnfýsi, en
draumar um heilsumiðstöð þar
rættust ekki. Húsið hefur nú verið
selt og þar á að koma hótel. Hvað á
að gera við gamla fólkið sem þar er?
Mér datt satt að segja ekki annað
í hug, þegar hafist var handa við
endurbætur í Skjaldarvík, að þar
væri aðeins verið að stíga fyrsta
skrefið í heildaruppbyggingu stað-
arins. Það segir mér fagfólk, sem
þar hefur unnið með öldruðum, að
umhverfið skapi einstakar aðstæður
fyrir gamla fólkið. Þarna sé kyrrð
og ró, sem gamla fólkið sækist eftir,
sérstaklega þegar óöryggi og kvíði
sækir að. En hvað gerist þá? Ný-
kjörinn meirihluti í bæjarstjórn Ak-
ureyrar ákveður að loka aftur í
Skjaldarvík. Það á sem sé að kasta
þeim fjármunum, sem þegar hafa
verið lagðar í endurbætur á hús-
næðinu, beint út í loftið. Það á líka
að hunsa vilja gamla fólksins og
þeirra sem vinna að hjúkrun þeirra.
Bæjarfulltrúarnir stara á einhverjar
tölur á blaði og taka kaldar ákvarð-
anir út frá hagkvæmnissjón-
armiðum.
Við fulltrúa meirihlutans í bæj-
arstjórn Akureyrar segi ég þetta;
skammist ykkar fyrst, efnið síðan til
samkeppni um framtíðaruppbygg-
ingu í Skjaldarvík með það að mark-
miði, að byggja þar upp vin fyrir
aldraða og aðra hópa í samfélaginu,
sem ekki geta bundið skóþvengi sína
með sama hætti og aðrir. Samhliða
mætti rækta þarna útivistarsvæði,
með golfvelli og leiksvæðum fyrir
alla fjölskylduna. Og það þarf að
hefjast handa við þessa framkvæmd
strax, því ella skapast neyðarástand
í málefnum aldraðra á Akureyri inn-
an fárra ára. Nú reynir á nýjan
meirihluta. Hefur hann kjark til að
viðurkenna mistök í upphafi valda-
tímabils? Hefur hann kraft til að
blása til sóknar? Það kemur í ljós.
Hvers á gamla
fólkið að gjalda?
Sverrir Leósson segir að meiri-
hluti í bæjarstjórn Akureyrar
geri sig sekan um alvarlegan
dómgreindarbrest með stefnu-
leysi í málefnum aldraðra.
’Nú reynir á nýjanmeirihluta. Hefur hann
kjark til að viðurkenna
mistök í upphafi valda-
tímabils? ‘
Sverrir Leósson
Höfundur er útgerðarmaður
á Akureyri.
ÞVÍ er ekki að leyna að nokkur
eftirvænting var meðal rekstr-
araðila hjúkrunarheimila vegna
samnings á milli heilbrigðisráðu-
neytis og rekstraraðila Sóltúns.
Lengi hefur verið deilt um grunn
þess daggjaldakerfis sem í gildi
hefur verið um langt árabil og því
áhugavert að sjá
kostnaðarmat fjárfesta
á daglegum rekstr-
arkostnaði við umönn-
un aldraðra á hjúkr-
unarheimili. Og
samningur varð til þar
sem Sóltúni er greitt í
daggjöld 17.000 kr. á
dag á einstakling á
meðan önnur hjúkr-
unarheimili fá 13.000
kr. á dag.
Ef borin eru saman
daggjöld á nýrri (H-
álma) 60 rýma hjúkr-
unarálmu við Hrafn-
istu í Reykjavík, allir heimilismenn
í einstaklings herbergjum, og sama
fjölda heimilismanna í Sóltúni
greiðir heilbrigðisráðuneytið
87.600.000 meira á ári til Sóltúns en
Hrafnistu.
Sé litið til gæða þjónustunnar við
þá öldruðu er ég ekki í nokkrum
vafa um að hún er sambærileg á
Sóltúni og Hrafnistu og ef eitthvað
er þá er meira í lagt við Hrafnistu
því áfast við hina nýju H-álmu er
nýbyggð sundlaug með heitum
pottum, leikfimisalur og mjög góð
aðstaða fyrir sjúkraþjálfun.
Auk þess mismunar sem Sóltún
fær í vistgjöld á dag á hvern ein-
stakling, greiðir ríkið til Sóltúns
allan lyfjakostnað við þann ein-
stakling ef ígildi þess kostnaðar
nemur hærri upphæð en 21 dag-
gjaldi. Slík greiðsla þekkist ekki til
annarra hjúkrunarheimila.
Þá fær Sóltún sérstakt húsnæðis-
gjald sem var 17.000 kr. á m² vegna
ársins 2005 og fékk þá greitt fyrir
6.796 m² eða alls 115.532.000 kr.
Rétt er að geta þess að heild-
arstærð Sóltúns er 6.800 m².
Enn skal það ítrekað að Hrafn-
ista vill gera sam-
komulag við heilbrigð-
isráðuneytið sem felur
í sér ígildi samnings
við Sóltún og ég ætla
að öll hjúkrunarheimili
á landinu vildu það
mjög gjarnan til að
geta enn betur bætt
þjónustu og aðbúnað í
þágu aldraðra.
Eftirréttur
Það má segja að
langt sé gengið í við-
tali við stjórn-
arformann Nýsis (Sól-
túns) en viðtalið við
hjúkrunarforstjóra Sóltúns Önnu
Birnu Jensdóttur er ekki síður í
anda stjórnarformannsins um ofur-
ágæti starfseminnar.
Í viðtali fyrrnefnds rits Samtaka
atvinnulífsins segir Anna Birna
m.a.: Kröfurnar til Sóltúns voru
raunar meiri á mörgum sviðum en
höfðu áður verið gerðar til hjúkr-
unarheimila, t.d. þeirra sem voru
rekin af hinu opinbera. „Já og sem
dæmi þá náði það alveg niður í
matseðilinn, það skyldi alltaf vera
eftirréttur. Til gamans kom það í
ljós að íbúarnir hjá okkur fitnuðu
mikið og ég sendi erindi í ráðu-
neytið og spurði hvort það mætti
athuga þetta með eftirréttinn,
hvort það mætti hafa hann kannski
aðeins um helgar og á hátíð-
isdögum? Við fengum þvert nei. Við
kaupum mat frá annarri heilbrigð-
isstofnun og ég veit að þeir hafa
stundum þurft að elda sérstaklega
fyrir okkur af því að þeir eru ekki
háðir svona skilyrðum.“
Þessi ónefnda heilbrigðisstofnun
sem matur er keyptur af er Hrafn-
ista í Reykjavík. Í eftirgrennslan
minni um séreldamennsku fyrir
Sóltún kannast matsveinar Hrafn-
istu ekkert við þetta. Það er sami
matseðill fyrir Hrafnistu og Sóltún
þannig að fullyrðing um ofurfæði,
fremra og betra en á öðrum hjúkr-
unarheimilum, fellur um sjálft sig.
Og eftir stendur þá í öllu þessu
Sóltúnsmáli fjárhagslegur eft-
irréttur til fjárfesta Sóltúns sem nú
vilja afleggja sjálfseignarstofnanir
og horfa til fjölgunar í röðum aldr-
aðra Íslendinga með mikla hagn-
aðarvon í huga, skattgreiðendum
þessa lands til óblandinnar ánægju.
Óviðunandi mismunun
Guðmundur Hallvarðsson
skrifar um mismunun
öldrunarstofnana ’Enn skal það ítrekað aðHrafnista vill gera sam-
komulag við heilbrigð-
isráðuneytið sem felur í
sér ígildi samnings við
Sóltún og ég ætla að öll
hjúkrunarheimili á land-
inu vildu það mjög gjarn-
an . . .‘
Guðmundur
Hallvarðsson
Höfundur er stjórnarformaður
Sjómannadagsráðs og
Hrafnistuheimilanna.