Morgunblaðið - 30.07.2006, Blaðsíða 9

MORGUNBLAÐIÐ SUNNUDAGUR 30. JÚLÍ 2006 9
FRÉTTIR
43
27. janúar – 1 vika / 3. febrúar – 1 vika / 27. janúar – 2 vika
Verð: 123.970 kr. á mann í tvíbýli í 1 viku
Verð: 182.400 kr. á mann í tvíbýli í 2 vikur
Saalbach - Hinterglemm er oft nefnt skíðaparadís Alpanna og
hefur verið valið eitt af 10 vinsælustu skíðasvæðum Austurríkis.
Gist verður á 4 stjörnu hóteli í þorpinu Hinterglemm. Hótelið er
vel staðsett í jaðri bæjarins, rétt við skíðalyfturnar. Fararstjórar
dvelja allan tímann á hótelinu og skipuleggja daglegar ferðir um
skíðasvæðið. Innifalið er hálft fæði og rútuferðir til og frá flugvelli.
Fararstjórar: Sævar Skaptason & Guðmundur K. Einarsson
s: 570 2790www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
Sp
ör
-
Ra
gn
he
ið
ur
In
gu
nn
Ág
ús
ts
dó
tti
r
til Saalbach-Hinterglemm
Skíðaferð
Afmælisþakkir
Innilegar þakkir færi ég öllum þeim sem með
einum eða öðrum hætti glöddu mig á 95 ára
afmælisdaginn minn þann 17. júlí sl.
Guð veri með ykkur öllum.
Freyja Bjarnadóttir
(Lúlla), Borgarnesi.
TJALDIÐ er fallið, ef svo mætti
segja, í skútukappsiglingunni Skip-
pers d’Islande frá Paimpol á Bret-
aníuskaga í Frakklandi til Reykjavík-
ur og Grundarfjarðar og til baka.
Fyrsta skútan kom í mark á laug-
ardag og síðan tíndust þær inn ein af
annarri næstu daga en frestur til
þess rann svo út síðdegis í gær, mið-
vikudag. Lentu skúturnar flestar í
hrakningum á bakaleiðinni sem var
óvenju seinfarin. Glímdu þær við allt
að 50 hnúta vind og fjallháar öldur á
siglingunni milli Frakklands og Ís-
lands.
Fljótust til heimahafnar eftir að
skúturnar voru ræstar af stað í
Grundarfirði var 40 feta skúta með
nafninu Tchuda Popka. Var hún önn-
ur til Reykjavíkur og hraðskreiðust
samanlagt. Og það þrátt fyrir að
hálfs annars sólarhrings refsitíma
væri bætt við siglingatíma hennar
fyrir að laumast á brott frá Grindavík
á undan öðrum siglurum sem þar
leituðu vars vegna yfirvofandi óveð-
urs á siglingaleið skútanna suður af
Íslandi.
Áhafnir skútanna höfðu sammælst
um að leggja samtímis upp frá
Grindavík og þótti því ekki góð
íþróttamennska af skútustjóranum
Gwenchlan Catherine að fara fyrr af
stað þaðan.
Tchuda Popka, sem mun vera
rússneska og útleggjast sem „glæsi-
legi litli rassinn“, vann flokk sérsmíð-
aðra 40 feta kappsiglara og var fljót-
ust í þeim flokki á báðum leiðum. Að
meðtöldu stoppi í Grindavík var hún
16 daga og tæpar 10 stundir með sigl-
inguna, þar af 6 daga og 12 stundir til
Reykjavíkur. Skútan var smíðuð í
vetur og vor og sjósett um mánuði
fyrir keppni. Ung áhöfn hennar þótti
sýna færni í að lesa í veðurkort og
herfræði því hún nýtti lægðirnar
hagstæðast til að skila sér á mark.
Spíttskútan Vedette Brehat undir
stjórn ungrar afrekskonu, Servane
Escoffier, sem varð fyrst til Íslands
frá Paimpol á 5 dögum og rúmum 13
stundum, vann 50 feta flokkinn.
Sigldi hún ein síns liðs til baka til að
ávinna sér keppnisrétt í keppninni
eftir Rommleiðinni svonefndu síðar í
haust. Er þar um margfalt lengri
keppnislengd að ræða, frá Frakk-
landi til Karíbahafsins. Að heildar-
tíma töldum var hún næstfljótust
með báðar leiðir.
Nokkrum skútum var siglt einliða
til baka og var tilgangurinn að öðlast
þátttökurétt í Rommleiðarsigling-
unni. Það tókst þeim öllum. Fyrstur
þessara „sólóista“ til baka varð
Pierre-Yves Chatelin á skútunni
Destination Calais, en á henni vann
hann Skippers d’Islande-siglinguna
árið 2003.
Skúta að nafni Armor Crustacés,
sem einnig gengur undir bretónska
nafninu Diaoul Gwenn eða Hvíti djöf-
ullinn, vann svonefndan IRC-flokk.
Hafði hún þar betur m.a. í keppni við
tæplega sjötuga slúpu, Khayyam,
sem varð fyrst í þessum flokki til
Reykjavíkur. Skútustjórinn Didier
Bellenger steig því á efsta þrep verð-
launapallsins að þessu sinni eftir að
hafa orðið í öðru sæti í Íslandssigl-
ingunni bæði árið 2000 og 2003.
Alls hófu 19 skútur keppni en ekki
höfðu allar skilað sér í mark er tím-
inn rann út á keppendur. Og sumar
lentu í ýmiss konar hremmingum.
Sjálfstýring bilaði á skútunni As-
wakh svo skútustjórinn sem var einn
um borð leitaði til Reykjavíkur. Tók
niðri við Akurey en slapp vel frá því
atviki. Hann ákvað svo að fljúga heim
og fá aðra til að sigla skútunni til
baka svo hann kæmist í tæka tíð í
brúðkaup dóttur sinnar.
Neysluvatnið þraut fljótt
vegna leka
Skipverjar á skútunni Port de Gra-
velines, fulltrúar bæjarins Gravelines
á Flandri þaðan sem mjög var sótt á
fiskimið við Ísland á öldum áður,
urðu fyrir því að neysluvatnstank-
urinn var orðinn tómur eftir tveggja
daga siglingu frá Grindavík. Gat
hafði myndast á slöngu í tankinn svo
hann tæmdist án þess að þess yrði
vart fyrr en tómur var orðinn. Urðu
skipverjar því að svala þorstanum á
bjór og öðrum guðaveigum þá viku
sem eftir var í heimahöfn.
Siglingin til baka til Frakklands
tók skúturnar miklu lengri tíma en
áætlað hafði verið en lélegur byr var
á leiðinni í kjölfar óveðursins sem
leitað var undan til Grindavíkur.
Vegna þessa voru vistir orðnar litlar
eða engar á lokasprettinum um borð í
magri skútunni. Keppnin fór nú fram
í þriðja sinn og er orðin fastur liður í
úthafskappsiglingum. Til hennar hef-
ur verið efnt á þriggja ára fresti og er
þegar ráðgert að hún fari fram fjórða
sinni árið 2009.
Að sögn Michèle Le Reun-Gaigné
blaðafulltrúa keppninnar líður þátt-
takan seint úr minni þeirra 150
manna sem við sögu kappsigling-
arinnar komu. Hafi þeim í glímunni
við Ægi og Kára verið hugsað til
frönsku fiskimannanna sem sóttu á
Íslandsmið á öldum áður, oft á tíðum
við ólýsanlega erfiðar aðstæður og
komu ekki allir til baka. Áttuðu
skútusiglararnir sig á því að sóknin á
Íslandsmið til forna var ekkert sæld-
arlíf. Er skútukeppnin haldin til að
halda sögu og minningu frönsku Ís-
landssjómannanna á lofti.
Gísli og Baldvin sæmdir
heiðursborgaratign í Paimpol
Mikil útgerð var á sínum tíma frá
Paimpol á Íslandsmið á 19. öld og
fram á þá tuttugustu. Þar er minn-
ingunni um siglingarnar haldið á
lofti. Götur, veitingahús og fleira eru
kennd við Ísland eða Íslandssjó-
mennina og af opinberri hálfu er Pa-
impol sagður bær Íslendinganna.
Bæjarbúum er kært um allt er við-
kemur þessari sögu og í heiðursskyni
við veitta aðstoð hafnaryfirvalda og
íslenskra skútusiglara við fram-
kvæmd keppninnar Skippers d’Isl-
ande voru tveir fulltrúar þessara
sæmdir heiðursborgaratign í Paim-
pol í gær. Annars vegar Gísli Gísla-
son framkvæmdastjóri Faxaflóa-
hafna og hins vegar Baldvin
Björgvinsson skútustjóri á skútunni
Bestu. Hann tók m.a. þátt í keppn-
inni 2003 og var þá fljótastur til Pa-
impol frá Reykjavík.
Siglingin frá Grundarfirði til
Paimpol ekkert sældarlíf
Morgunblaðið/Ágúst Ásgeirsson
Tchuda Popka var fyrsta skútan til baka til Paimpol á Bretaníuskaga.
Servane Escoffier stýrir skútu sinni Vedettes de Bréhat.
Ágúst Ásgeirsson í Frakklandi
Innihaldið skiptir máli