Morgunblaðið - 30.08.2006, Page 42

42 MIÐVIKUDAGUR 30. ÁGÚST 2006 MORGUNBLAÐIÐ
menning
RONJA RÆNINGJADÓTTIR
Sun 10/9 kl. 14 Sun 24/9 kl. 14
Lau 30/9 kl. 14 Sun 1/10 kl. 14
VILTU FINNA MILLJÓN?
Lau 2/9 kl. 20 Sun 3/9 kl. 20 UPPS.
Fim 7/9 kl. 20 Sun 10/9 kl. 20
FOOTLOOSE
Fim 31/8 kl. 20 Lau 9/9 kl. 20
Fös 22/9 kl. 20 Lau 23/9 kl. 20
EYFI STÓRTÓNLEIKAR
Fös 1/9 kl. 20
Fös 1/9 kl. 22
MANNAKORN
ÚTGÁFUTÓNLEIKAR
Þri 5/9 kl. 20
Þri 5/9 kl. 22
HÖRÐUR TORFA
AFMÆLISTÓNLEIKAR
Fös 8/9 kl. 19:30
Fös 8/9 kl. 22
PINA BAUSCH
LOKSINS Á ÍSLANDI!
Dansleikhúsið frá Wuppertal undir stjórn
Pinu Bausch verður með 4 sýningar á
verkinu Aqua í Borgarleikhúsinu.
Sun 17/9 kl. 20
Mán 18/9 kl. 20
Þri 19/9 kl. 20
Mið 20/9 kl. 20
Aðeins þessar 4 sýningar.
Miðaverð 4.900. MIÐASALA HAFIN.
OPIÐ HÚS
Sunnudaginn 3.september verður opið hús
í Borgarleikhúsinu milli 15-17. Fjölbreytt
dagskrá og léttar veitingar. Allir velkomnir.
ÁSKRIFTARKORT
Endurnýjun áskrftarkorta stendur yfir!
Mein Kampf e. George Tabori
Amadeus e. Peter Shaffer
Fagra veröld e. Anthony Neilson
Dagur vonar e. Birgi Sigurðsson
Söngleikurinn Grettir e. Ólaf Hauk Símonar-
son, Þórarinn Eldjárn og Egil Ólafsson.
Lík í óskilum e. Anthony Neilson
Ronja ræningjadóttir e. Astrid Lindgren
Viltu finna milljón? e. Ray Cooney.
Belgíska Kongó e. Braga Ólafsson
Íslenski dansflokkurinn
og margt, margt fleira.
Kortasala hafin!
Áskriftarkort er ávísun á góðan vetur. Vertu með!
Litla hryllingsbúðin - síðustu aukasýningar!
Lau. 2/9 kl. 19 UPPSELT
Lau. 2/9 kl. 22 ný aukasýn – örfá sæti laus
Sun. 3/9 kl. 20 UPPSELT
Fös. 8/9 kl. 19 UPPSELT
Fös. 8/9 kl. 22 ný aukasýn - í sölu núna!
Lau. 9/9 kl. 19 UPPSELT
Lau. 9/9 kl. 22 ný aukasýn – sala hafin!
Sun. 10/9 kl. 20 örfá sæti laus
Fös. 15/9 kl. 19
Lau. 16/9 kl. 19 síðasta sýning – örfá sæti laus
www.leikfelag.is
4 600 200
Miðasalan er opin alla daga nema mánudaga kl. 14-18 og fram að sýningu sýningardaga.
Símasala kl. 10-18 þriðjudaga - föstudaga. Miðasala á Netinu allan sólarhringinn.
BROTTNÁMIÐ ÚR KVENNABÚRINU - eftir W. A. Mozart
Frumsýning fös. 29. sep. kl. 20
2. sýn. sun. 1.okt. kl. 20 – 3. sýn. fös. 6. okt. kl. 20 – 4. sýn. sun. 8. okt . kl. 20
5. sýn. fös. 13. okt. kl. 20 - 6. sýn. sun. 15. okt. kl. 20
www.opera.is opera@opera.is Sími: 511 4200
Kynning fyrir sýningu í boði Vinafélags íslensku óperunnar kl. 19.15
Námskeið um Mozart og Brottnámið úr kvennabúrinu hjá
EHÍ hefst 3. október. Skráning í síma 525 4444 – endurmenntun@hi.is
Vinsælasti söngleikjahöfundurallra tíma, Andrew Lloyd
Webber, er með
nýtt verk í
vinnslu, að því er
fram kemur í
The Daily Mail of
London. Ekki
hefur verið til-
kynnt hvenær
söngleikurinn
verður frum-
sýndur en hann
ku vera leikgerð upp úr skáldsög-
unni Meistaranum og Margarítu
eftir Mikhail Bulgakov – satíru um
Sovétríkin sem eiginkona rithöfund-
arins lauk við skömmu eftir andlát
hans árið 1940.
  
Bandaríski leikarinn MatthewBroderick viðbeinsbrotnaði er
hann féll af hest-
baki í sum-
arfríinu sínu á Ír-
landi á
sunnudaginn.
Hinn 44 ára
gamli leikari var
í útreiðartúr með
eiginkonu sinni
Söru Jessicu
Parker er hann
datt af baki á strönd í Donegal.
Farið var með Broderick á
sjúkrahús í Sligo þar sem bundið
var um brotið. BBC skýrir frá því
að þau hjónin hafi dvalið í sum-
arhúsi sínu sem er á bjargbrún
skammt frá Sligo, en þangað fara
þau reglulega á sumrin og á milli
verkefna ásamt þriggja ára gömlum
syni þeirra, James.
Árið 1987 varð hann valdur að bíl-
slysi í Enniskillen þar sem hann
slasaðist illa og tvær konur í öðrum
bíl létust.
  
Hinn 63 ára gamli Mick Jagger,söngvari Rolling Stones, er
farinn að kalka
því hann þarf að
hafa textavél til
öryggis ef hann
skyldi gleyma
textanum í lögum
sveitarinnar þeg-
ar hún er að spila
á tónleikum.
Þessu heldur
fram heimild-
armaður breska götublaðsins The
Sun. Hann segir Jagger þó ekki
þurfa oft að hlaupa að hátalara til
að lesa textann. Það væri þó vand-
ræðalegt fyrir hann að gleyma texta
í lagi sem hann hefur sungið í 40 ár.
Fólk folk@mbl.is
Stórstjarnan Tom Cruise lauk nýverið14 ára samskiptum sínum við kvik-myndafyrirtækið Paramount Pict-
ures. Báðir aðilar hafa sagst hafa skorið á
böndin. Í yfirlýsingu frá fyrirtækinu sagði
að það væri vegna þess að hegðun hans
upp á síðkastið hefði verið „óásættanleg.“
Talið er að samband Cruise við Katie
Holmes og skoðanir hans á fæðingum og
þunglyndislyfjum hafi stuðlað að þessu.
En samkvæmt vefútgáfu BBC News,
hefur Cruise nú gert nýtt samkomulag við
Daniel Snyder sem er eigandi bandarísks
ruðningsliðs. Samkomulagið mun að sögn
Paulu Wagner, talsmanns stjörnunnar,
gera Cruise kleift að halda áfram á sinni
braut.
Engar tölulegar upplýsingar liggja fyrir
um samninginn, en talið er að hann nái
ekki til fjármögnunar á kvikmyndum.
Wagner segir of snemmt að fjölyrða um
samninginn en sagði hann þó „ekki snúast
um peninga, heldur um aðgengi og mögu-
leika í framtíðinni.“ Með honum hefði
Cruise möguleika á að vinna fyrirtæki ut-
an við stærstu kvikmyndaverin í Holly-
wood.
Myndir Cruise hafa síðastliðinn áratug
gefið af sér 2 milljarða bandaríkjadala eða
um 140 milljarða króna. Þriðja Mission:
Impossible myndin þótti hins vegar standa
sig tiltölulega illa í kvikmyndahúsum.
Tom Cruise gerir nýjan samning
Reuters
Hvaða erindi á rómantík19. aldarinnar við okk-ur í dag? Hvers vegnaerum við enn að hlusta
á Schumann og söngvana um
þrána – endalausa þrá – botn-
lausa, hyldýpis-þrá? Er þetta eitt-
hvað sem talar til okkar samtíma?
„Ég er svo rómantísk, að ég sé
það vel. Annars vorum við Anna
Helga að spila prógrammið fyrir
kennarann okkar, Svönu Víkings
um daginn, og vorum einmitt að
tala um hvað þetta væri ótrúlega
nútímaleg tónlist hjá Schumann.
Eftir því sem maður hlustar meira
á hann skynjar maður hvað hann
er tímalaus.“
Þrennir tónleikar
Anna Helga er Anna Helga
Björnsdóttir píanónemandi í Tón-
listarskólanum í Reykjavík. Hún
lýkur burtfararprófi í vor.
Svana Víkings er píanókennari
Önnu Helgu.
Viðmælandi minn er hins vegar
Guðbjörg Sandholt, nýútskrifuð
mezzósópransöngkona frá Tónlist-
arskólanum í Reykjavík. Nemandi
Alinu Dubik og fyrrum píanónem-
andi Svönu Víkings. Hún byrjar
nám í Guildhall skólanum í Lond-
on eftir tvær vikur.
Þær Guðbjörg og Anna Helga
halda þrenna tónleika á næstu
dögum þar sem þær flytja
Söngvasveig ópus 39 eftir Schu-
mann, og Sjö spænsk alþýðulög
eftir Manuel de Falla. Fyrstu tón-
leikarnir verða í Listasafni Sig-
urjóns Ólafssonar í kvöld kl. 20.
Annað kvöld kl. 20 verða þær í
Selfosskirkju og á laugardag kl.
17 í Reykholti. Konurnar ungu
fengu styrk úr tónlistarsjóði
menntamálaráðuneytisins til tón-
leikahaldsins, sem þær hafa eytt
lunganum úr sumrinu í að und-
irbúa.
Sterk þrá
„Ljóðin eru falleg og Schumann
á alveg erindi við nútímahlust-
endur. Ástin og þráin eru sígilt
viðfangsefni, og í ljóðunum eru
líka fallegar náttúrustemmningar
og mystík.“
Spurningin er sú hvort viðfangs-
efni söngva þeirra Schumanns og
de Fallas séu ekki jafn eilíf og
ástin. „Þráin er sterk í tónlist
þeirra beggja þótt hún sé gjörólík.
Í hvorugum lagaflokknum er þó
verið að segja sögu, þetta eru
stemmningar – eins konar mál-
verkasýning – ný stemmning í
hverju lagi. Senurnar eru margar
mjög flottar, eins og hjá veiði-
manninum í skóginum, sem hittir
Lorelei og veit um leið að hann er
feigur.“ Hér er Guðbjörg að tala
um lag Schumanns, Waldesge-
spräch, mikla dramatík í litlu lagi,
en dramatíkina er líka að finna
hjá Spánverjanum. „Síðasti söng-
urinn í flokki hans er mjög drama-
tískur og örvæntingarfullur. Þar
er ástinni bölvað í sand og ösku!“
Í anda alþýðulagsins eru ljóðin
hjá Falla ósköp hversdagsleg, eins
og það fyrsta, um skítuga klæðið.
„Það gerist í búð. Þar er voða fínt
klæði til sölu, en nú er kominn
blettur í það, svo það hefur misst
verðgildi sitt. Merkingin er auðvit-
að dýpri og segir að það sem fer
um margra hendur falli í verði –
og hægt að heimfæra það upp á
ýmislegt. Ég nálgast ljóðin þannig
að ég reyni að búa mér til skýrar
myndir í kollinum um hvað er að
gerast í hverju þeirra fyrir sig, og
koma þeim þannig til skila.“
Aðgangur er ókeypis á tón-
leikana, og öllum heimill.
Tónlist | Ljóðaflokkar eftir Robert Schumann og Manuel de
Falla á efnisskrá tveggja ungra tónlistarkvenna
Ástinni bölvað í sand og ösku
Eftir Bergþóru Jónsdóttur
begga@mbl.is
Morgunblaðið/Júlíus
Rómantík Guðbjörg og Anna Helga flytja lög um ástir og þrár, örvæntingu, dauða – og – vefnaðarvöruverslun.
Guðmundur mælti
fyrir Gretti
ÞAU leiðu mistök áttu sér stað í
blaðinu í gær að Christof Wehmeyer
voru ranglega eignuð ummæli um
myndina Gretti 2. Hið rétta er að
Guðmundur Breiðfjörð hjá Senu átti
ummælin í gær ásamt þeim sem hér
eru birt: „Við erum mjög ánægðir
með opnunina á Gretti 2 sem tók
5.500 manns um helgina og er það á
pari við áætlanir en við reiknum með
að myndin endi í 30.000 manns.
Grettir 2 slær í gegn hérlendis eins
og víðar.“ Beðist er velvirðingar á
mistökunum.
LEIÐRÉTT