Morgunblaðið - 27.10.2006, Side 14

14 FÖSTUDAGUR 27. OKTÓBER 2006 MORGUNBLAÐIÐ
FRÉTTIR
Eftir Silju Björk Huldudóttur
silja@mbl.is
Á ÞEIM fjórum áratugum sem
kvennadeild Reykjavíkurdeildar
Rauða kross Íslands hefur verið
starfrækt nema gjafir deildarinnar
hundruðum milljóna króna. Stærst-
ur hluti gjafanna hefur farið til stóru
sjúkrahúsanna í formi lækninga- og
rannsóknartækja, en einnig hefur
deildin árlega styrkt hin ýmsu fé-
laga- og líknarsamtök. Þannig má
sem dæmi nefna að á þessu ári hefur
stjórn kvennadeildarinnar ákveðið
að styrkja fötluð börn á Íslandi með
7–8 milljóna króna framlagi og allur
ágóði af hinum árlega jólabasar
deildarinnar, sem haldinn verður á
Hótel Loftleiðum nk. sunnudag milli
kl. 14 og 17, rennur að þessu sinni til
CP-félagsins á Íslandi sem er fé-
lagsskapur hreyfihamlaðra barna og
aðstandenda þeirra.
„Það er afar góð tilfinning að
leggja góðu málefni lið og njóta í
leiðinni ánægjulegra samvista við fé-
lagana í starfinu,“ segir Sigríður
María Sigurjónsdóttir, formaður
kvennadeildar RRKÍ, þegar hún er
innt eftir því hvers vegna hún hafi
kosið að starfa sem sjálfboðaliði á
vegum kvennadeildarinnar sl. tvo
áratugi. Að sögn Auðar Kristjáns-
dóttur, starfsmanns kvennadeildar
RRKÍ og sjálfboðaliða til margra
ára, hefur markmið kvennadeild-
arinnar allt frá stofnun verið að
bæta líðan sjúkra og aldraðra, stuðla
að bættri læknisþjónustu við al-
menning t.d. með kaupum á full-
komnum tækjum til rannsókna og
aðgerða.
„Þetta höfum við m.a. gert með
því að reka sölubúðir á LSH við
Hringbraut og í Fossvogi, en sölu-
búðirnar eru helsta tekjulind
kvennadeildarinnar,“ segir Auður og
Sigríður bendir á að öll starfsemi
deildarinnar sé rekin með endur-
gjaldslausu vinnuframlagi sjálf-
boðaliða. „Nú um stundir starfa um
220 sjálfboðaliðar hjá deildinni og
voru vinnustundir þeirra rúmar 10
þúsund klukkustundir á síðasta ári,“
segir Sigríður og tekur fram að nýir
sjálfboðaliðar séu ávallt velkomnir
til starfa enda fremur vöntun á sjálf-
boðaliðum heldur en hitt.
Auk þess að standa vaktina í sölu-
búðunum hafa sjálfboðaliðar m.a.
séð um sjúkrabókasöfn sjúkrahús-
anna síðan 1968 með því að kaupa
bækur og sjá um rekstur safnanna.
Heimsóknarþjónusta hefur, að sögn
Auðar, einnig verið mikilvægur þátt-
ur í starfi kvennadeildarinnar og
segir hún markmiðið með því verk-
efni að rjúfa einangrun sjúkra og
aldraðra með félagslegum stuðningi.
Afar góð tilfinn-
ing að láta
gott af sér leiða
Fórnfúst starf Alls starfa um 220 sjálfboðaliðar á vegum kvennadeildar RRKÍ og meðal verkefna þeirra eru að sjá
um bókasöfn sjúkrahúsanna. Vinnustundir sjálfboðaliðanna námu rúmum 10 þúsund klukkustundum í fyrra.
Morgunblaðið/Ómar
Sigríður María Sigurjónsdóttir, formaður kvennadeildar Reykjavík-
urdeildar RKÍ, og Auður Kristjánsdóttir, starfsmaður deildarinnar.
Í HNOTSKURN
» Kvennadeild Reykjavík-urdeildar Rauða kross Ís-
lands var stofnuð 12. desember
1966 að frumkvæði Ragnheiðar
Guðmundsdóttur augnlæknis
sem kynnst hafði sjálfboðaliða-
störfum kvenna í Rauða kross
starfi í Bandaríkjunum og Bret-
landi.
» Gjafir kvennadeildarinnarnema frá stofnun hundruðum
milljóna króna.
» Á þessu ári styrkir kvenna-deildin fötluð börn á Íslandi
með 7–8 milljóna króna framlagi.
Suðurlandsbraut 20 – 108 Reykjavík – Sími 588 0200 –www.eirvik.is
-hágæðaheimilistæki
Ef þú kaupir Miele þvottavél færðu kaupverðið
endurgreitt með betri meðferð á þvottinum þínum
Miele þvottavélar erumeð nýrri tromlumeð
vaxkökumynstri semferbeturmeðþvottinn.
Einkaleyfi Miele.
Miele þvottavélar eru byggðar á stálgrind
og eru með ytri þvottabelg úr ryðfríu stáli
ólíkt flestum öðrum þvottavélum.
Miele þvottavélar endast lengur en aðrar
þvottavélar.
Íslenskt stjórnborð
AFSLÁTTUR
30%
ALLT AÐ
1. VERÐLAUN
í Þýskalandi
W2241WPS
Gerð Listaverð TILBOÐ
ÞvottavélW2241 kr. 160.000 kr. 114.800
1400sn/mín/5 kg.
Þurrkari T223 kr. 112.200 kr. 78.540
útblástur/5 kg.
Þurrkari T233C kr. 131.000 kr. 91.700
rakaþéttir/5 kg.
MIELE ÞVOTTAVÉL
- fjárfesting sem borgar sig
Hreinn sparnaður Laugardaginn28. október
FUS í suðvesturkjördæmi heldur framboðsfund fyrir
unga kjósendur laugardaginn 28. október í Sjálf-
stæðisheimilinu í Hlíðasmára 19 í Kópavogi.
Fundartíminn er frá kl. 10-12.
Morgunkaffi með frambjóðendum Sjálfstæðisflokksins
í kjördæminu. Frambjóðendur kynna sig og svara
fyrirspurnum.
Sjálfstæðismenn fjölmennum á fundinn.
Allir hjartanlega velkomnir.
Félög ungra sjálfstæðismanna í kjördæminu
FÉLAG íslenskra fótaaðgerðafræð-
inga hefur sent frá sér yfirlýsingu
þar sem mótmælt er harðlega „þeirri
aðför sem Snyrtiakademían gerir að
fagi þeirra um þessar mundir.“
Í yfirlýsingunni segir: „Snyrtiaka-
demían hyggur á kennslu í fótaað-
gerðafræðum án þess að hafa leyfi
yfirvalda. Eins og fram kom í svör-
um menntamálaráðherra við fyrir-
spurn sem sett var fram á Alþingi
miðvikudaginn 18. október sl. hefur
Snyrtiakademían ekki fengið leyfi til
að hefja kennslu í fótaaðgerðum við
skólann.
Snyrtiakademían er snyrtiskóli
sem útskrifar iðnaðarmenn. Fótaað-
gerðafræði er löggilt heilbrigðisfag.
„Fótaaðgerðafræðingur vinnur við
að bæta og fyrirbyggja fótamein og
viðhalda heilbrigði fótanna“.
Það er stefna Alþjóðasamtaka
fótaaðgerðafræðinga, FIP, að sam-
ræma námið á háskólastigi. Nefnd á
vegum Evrópusambandsins er að
vinna að reglum sem miða að því að
nám í fótaaðgerðafræði verði þrjú ár
eftir stúdentspróf. Á sama tíma
stefnir Snyrtiakademían að því að
námið hér taki eitt og hálft ár í
snyrtiskóla. Nemendur þurfa að
greiða 1,6 milljónir í skólagjöld nú í
nóvember.
Það væri stórslys fyrir fagið ef af
þessu námi yrði í þeirri mynd sem
Snyrtiakademían stefnir að.“
Mótmæli fóta-
aðgerðafræðinga