Morgunblaðið - 27.10.2006, Blaðsíða 20

20 FÖSTUDAGUR 27. OKTÓBER 2006 MORGUNBLAÐIÐ
ERLENTVIÐSKIPTI/ATVINNULÍF
LANDSBANKINN hefur selt
6,76% hlut sinn í Straumi-Burðarási
Fjárfestingabanka hf. en með söl-
unni lýkur afskiptum Landsbankans
af einu helsta umbreytingarverkefni
síðari tíma í íslensku atvinnulífi sem
hófst þegar bankinn ásamt öðrum
festu kaup á HF Eimskipafélagi Ís-
lands í september 2003.
Í tilkynningu Landsbankans kem-
ur fram að kaupandi bréfanna er
Fjárfestingafélagið Grettir hf. sem
keypti þau á genginu 17,3.
Jafnframt keypti Landsbankinn
9,9% hlut í Tryggingamiðstöðinni
(TM) af Gretti hf. á genginu 41.
Selur allan hlut sinn í Gretti
Þá hefur Landsbankinn selt allan
hlut sinn í Gretti ehf. eða alls 35,39%
hlutafjár félagsins. Eignarhalds-
félagið Hansa ehf., sem er í eigu
Björgólfs Guðmundssonar, keypti
þar af 33,6%.
Kaupverð hlutar Hansa ehf. er um
6,3 milljarðar króna og miðast við
markaðsvirði undirliggjandi eigna
Grettis á kaupdegi en eignir félags-
ins eru að stærstum hluta í skráðum
félögum í Kauphöll Íslands.
Landsbankinn selur hluti sína
í Straumi-Burðarási og Gretti
ÞÆR loftslagsbreytingar, sem nú
eiga sér stað, eru líklegar til að
valda alvarlegri kreppu um allan
heim. Kemur þetta fram í breskri
skýrslu, sem birt verður á mánudag,
en í henni segir, að taki stjórnvöld
og almenningur ekki við sér og
dragi úr útblæstri og mengun, muni
ekkert annað blasa við en efnahags-
legt hrun.
Í skýrslunni snýr Sir Nicholas
Stern, fyrrverandi aðalhagfræðing-
ur Alþjóðabankans, hinni efnahags-
legu rökræðu við og segir, að bar-
áttan gegn mengun og gróður-
húsaáhrifum sé einmitt lífsnauð-
synleg fyrir efnahagslífið, alveg
öfugt við það, sem fram kom hjá
George W. Bush, forseta Bandaríkj-
anna, þegar hann ákvað að skrifa
ekki undir Kýótó-sáttmálann vegna
þess, að það myndi skaða banda-
rískt efnahagslíf.
Innihald Stern-skýrslunnar um
efnahagslegar afleiðingar loftslags-
breytinga hefur farið leynt hingað
til eða þar til imprað var á því á ráð-
stefnu umhverfisráðherra í Mexíkó
fyrr í þessum mánuði. Í breska dag-
blaðinu Guardian birtist síðan í
fyrradag dálítið viðtal við Sir David
King, aðalvísindaráðgjafa bresku
stjórnarinnar, þar sem hann sagði
undan og ofan af efni skýrslunnar.
Hundruð milljóna
manna á flótta
„Það, sem fram kemur hjá Stern
um þróunina út þessa öld, er, að
verði ekki gripið í taumana, muni öll
heimsbyggðin horfast í augu við gíf-
urlega, efnahagslega afturför,“
sagði Sir David. Sagði hann skýrsl-
una vera nákvæmustu, efnahags-
legu greininguna, sem unnin hefði
verið.
Í skýrslunni er ekki síst fjallað
um hækkandi sjávarborð. „Það er
ekki erfitt að gera sér í hugarlund
hvaða afleiðingar það muni hafa.
Borgir og fjölmennar byggðir víða
um heim munu fara undir sjó og
hundruð milljóna manna munu
neyðast til að flýja annað,“ sagði Sir
David og minna ummæli hans á það,
sem fram kom hjá Margaret Bec-
kett, utanríkisráðherra Bretlands,
sl. þriðjudag. Þá sagði hún, að
mengun og loftslagsbreytingar
væru ekki bara umhverfismál, held-
ur snertu þær allt okkar líf, efna-
hagsmál, fjármál, landbúnað, hús-
næðismál, samgöngumál, verslun og
viðskipti, heilbrigðismál og alveg
örugglega hættuna á auknum átök-
um og ófriði.
Kostnaðurinn við aðgerðir
ekki mesti vandinn
Fram kom hjá Sir David, að það,
sem kæmi mest á óvart í skýrslu
Sterns, væri, að það væri alls ekki
jafnkostnaðarsamt og ætla mætti að
grípa til aðgerða og draga úr meng-
un. Mesti vandinn og hann ekki lítill
væri hins vegar að ná samstöðu um
aðgerðir.
„Við höfum aldrei staðið frammi
fyrir því áður, að allar þjóðir, mann-
kynið allt, verði að taka eina sam-
eiginlega ákvörðun. Krafan er sú, að
menn ýti stundarhagsmunum sínum
til hliðar, póltískum sem efnahags-
legum, og fallist á að fórna ein-
hverju í þágu barnanna og barna-
barnanna. Það er erfitt,“ sagði Sir
David og nefndi sem dæmi, að mán-
uði áður en flóðbylgjan mikla varð á
Indlandshafi, hefði nefnd vísinda-
manna varað stjórnvöld í aðliggj-
andi ríkjum alvarlega við fleka-
hreyfingum á sjávarbotni. Engin
þeirra tók mark á því. „Tveir millj-
arðar króna í viðvörunarkerfi hafa
líklega þótt of mikið fé. Það hefði þó
getað bjargað lífi 150.000 manna.“
Reuters
Mengun Gróðureyðing og mengun frá iðjuverum, bílum og annarri starf-
semi er farin að ógna framtíð okkar mannanna og öllu lífríkinu.
Hrun vegna
mengunar
Fram kemur í breskri skýrslu að hætta
sé á að annar og verri heimur blasi við
börnum okkar og barnabörnum
Sydney. AFP. | Æðsti klerkur múslíma
í Ástralíu vakti mikið uppnám þar í
landi í gær þegar hann sagði, að ósið-
lega klædd kona og án höfuðklúts
væri ekkert annað en „holdið bert“
og byði í raun upp á nauðgun.
John Howard, forsætisráðherra
Ástralíu, sagði á fundi með frétta-
mönnum í gær, að ummæli klerksins
væru „ógeðfelld og skammarleg“
enda væri verið að segja með þeim,
að konum væri um að kenna, væri
þeim nauðgað.
Klerkurinn, Sheik Taj Aldin al-Hi-
lali, reyndi að bæta um fyrir sér í
gær með því að segja, að orð sín
hefðu verið misskilin en Pru Gow-
ard, jafnréttisfulltrúi áströlsku
stjórnarinnar, hvatti í gær til, að al-
Halili yrði rekinn úr starfi og vísað
úr landi.
„Með orðum sínum er hann að
hvetja til glæpa. Ungir, múslímskir
karlmenn, sem nauðga konum, geta
nú vitnað í leiðtoga sinn verði þeir
dregnir fyrir rétt,“ sagði Goward.
Uppnám í Ástralíu
STRAUMUR-BURÐARÁS Fjár-
festingabanki var rekinn með 1.549
milljóna króna hagnaði á þriðja
fjórðungi ársins á móti nær 6,5
milljarða hagnaði á sama tímabili í
fyrra. Þetta er um þremur millj-
örðum minni hagnaður eða ríflega
það en greiningardeildir höfðu spáð.
Hagnaður bankans eftir skatta á
fyrstu níu mánuðum ársins var
rúmir 20,9 milljarðar króna á móti
14,1 milljarða hagnaði fyrstu níu
mánuði ársins í fyrra. Arðsemi eigin
fjár var 19,4% fyrstu þrjá fjórðunga
ársins en það jafngildir 26,6% arð-
semi á ársgrundvelli.
Gjaldeyrismunur versnar
um þrjá milljarða
Hreinar rekstrartekjur bankans
á þriðja ársfjórðungi lækkuðu um
67% frá sama tímabili í fyrra eða í
um 2,8 milljarða. Mestu munar um
að hreinar tekjur af veltufjáreign-
um og veltufjárskuldum fóru úr lið-
lega 3,5 milljörðum á þriðja árs-
fjórðungi í fyrra í 1,16 milljarða nú.
Þá var hreinn gjaldeyrismunur nei-
kvæður um nær 3,3 milljarða á
þriðja ársfjórðungi á móti aðeins
249 milljónum á sama tímabili í
fyrra. Hreinar tekjur af fjáreignum
á gangvirði lækkuðu úr tæpum 5,2
milljörðum í rúma 1,9 milljarða á
þriðja fjórðungi í ár. Hins vegar
jukust hreinar vaxtatekjur um
meira en 1,6 milljarða og hreinar
þóknanatekjur um rúmar 1.350
milljónir.
Sem fyrr segir var hagnaður
Straums-Burðaráss langt undir
væntingum, einkum vegna lakari af-
komu af hlutabréfasafni bankans og
meira gjaldeyristaps en menn höfðu
átt von á. Í Vegvísi Landsbankans
segir að uppgjörið verði að teljast
nokkur vonbrigði í ljósi hækkana á
hlutabréfamörkuðum á þriðja árs-
fjórðungi. Þá hafi bankinn verið
með stærri stöðu gegn íslensku
krónunni sem hafi aukið verulega á
gjaldeyristapið.
Afkoma Straums-Burðar-
áss var langt undir spám
Morgunblaðið/Árni Torfason
Nokkur vonbrigði Stöðutaka gegn krónunni jók á gjaldeyristapið.
Í HNOTSKURN
»Þrátt fyrir mun minni hagn-að á þriðja ársfjórðungi en
spáð var nam hagnaðurinn
fyrstu níu mánuðina 14,1 millj-
arði sem er methagnaður í sögu
Straums-Burðaráss.