Morgunblaðið - 19.12.2006, Síða 4

4 ÞRIÐJUDAGUR 19. DESEMBER 2006 MORGUNBLAÐIÐ
FRÉTTIR
BRESKA tíma-
ritið The Eco-
nomist fjallar um
fjórar erlendar
sakamálasögur í
nýjasta hefti sínu
og er Grafarþögn
Arnalds Indriða-
sonar nefnd fyrst
til sögunnar.
Sagt er að um
afar drungalega
sögu sé að ræða en hefð sé fyrir því
meðal norrænna höfunda að sýna
dökka hlið velferðarsamfélagsins.
Reykjavík sé lýst sem stað þögullar
örvæntingar.
„Vettvangur Erlends Sveinssonar
er ekki túristaborg hvera og ný-
tískulegra listamanna heldur
þröngsýnt þorp sem veldur innilok-
unarkennd. Æskufólk hennar,
þ.á m. Eva Lind, dóttir Erlends,
leitar fróunar í eiturlyfjum,“ segir
m.a. í dómnum. Sagt er að ekki sé
erfitt að sjá endinn fyrir en stíllinn
sé svo kraftmikill að bókin haldi
lesandanum hugföngnum. „Líklega
verður þetta ekki ferðaþjónustu
Reykjavíkur mjög til framdráttar
en sagan er heillandi gluggi að ann-
ars konar Íslandi.“
Arnaldur
Indriðason
Economist
hælir
Grafarþögn
HAGKAUP hafa fært Sjónarhóli ráð-
gjafarmiðstöð 1,2 milljónir króna sem
er ágóði af sölu tuskudýrsins Engil-
ráðar. Að sögn Evu Þengilsdóttur,
höfundar Engilráðar, gefur samstarf
Sjónarhóls við Hagkaup gert félaginu
kleift að efla ráðgjöf við foreldra
barna með sérþarfir. Eva segir and-
arungann Engilráð hafa farið í fjölda
heimsókna í skóla og leikskóla í des-
ember og aðstoðað kennara við að
segja sögur af jólunum og baka.
Ljósmynd/Matthías Ingimarsson
Vinamörg Engilráð gefur knús.
1,2 milljónir
vegna
Engilráðar
ÞAÐ FER lítið fyrir jólastressinu hjá börnunum í Snælandsskóla sem voru í
gær að skreyta fyrir jólin og föndra. Voru þau m.a. að hengja upp listaverk
sem þau höfðu unnið úr perlum.
Þrátt fyrir slagviðrið utandyra ríkti ró og friður í skólastofunni. Jólin
hafa þó eflaust verið börnunum ofarlega í huga, enda líður senn að stóru
stundinni.
Líklega getur fullorðna fólkið lært töluvert af börnunum þegar kemur
að því að njóta aðdraganda jólanna í rólegheitunum.
Morgunblaðið/Ásdís
Beðið í rólegheitum eftir jólum
Eftir Silja Björk Huldudóttur
silja@mbl.is
FJARVISTARDAGAR starfs-
manna, bæði vegna eigin veikinda og
slysa sem og vegna fjölskyldumeð-
lima, voru að meðaltali 9,8 árið 2005
og fjölgaði um 1,5 daga frá árinu áð-
ur. Starfsmannavelta fyrirtækja á
árinu 2005 var 14,2%. Það jafngildir
því að sjöundi hver starfsmaður hafi
skipt um starf á árinu.
Þetta kemur fram í tölum sem ráð-
gjafarfyrirtækið ParX hefur tekið
saman fyrir Samtök atvinnulífsins
(SA). Í gagnasafni ParX um veik-
indafjarvistir og starfsmannaveltu,
sem nær aftur til ársins 2002, eru
upplýsingar frá 110 þátttakendum
sem ná til rúmlega 50 þúsund starfs-
manna, sem er um 31% allra starfs-
manna á íslenskum vinnumarkaði.
Dulinn kostnaður fyrirtækja
Hannes G. Sigurðsson, aðstoðar-
framkvæmdastjóri SA, segir greini-
lega náið samband milli starfs-
mannaveltu og þenslu á
vinnumarkaði. Bendir hann þannig á
að árið 2002 hafi starfsmannavelta
mælst 14,8% sem
skýrist af mikilli
þenslu á vinnu-
markaði árin þar
á undan. Veltan
hafi síðan minnk-
að verulega árið á
eftir eða í 9,4%,
en þá ríkti meira
jafnvægi. Segir
Hannes ákjósan-
legt að starfs-
mannavelta fari ekki upp fyrir 10% á
ári.
Aðspurður segir Hannes mikil-
vægt að fá þessar upplýsingar fram,
því bæði veikindafjarvistir og ekki
síður starfsmannavelta sé dulinn
kostnaður hjá fyrirtækjum.
Í samantektinni kemur fram að
veikindahlutfall, þ.e. hlutfall veik-
indadaga á ári af vinnudögum ársins,
jókst úr 3,7% árið 2004 í 4,3% árið
2005. Veikindahlutfallið varð hæst
árið 2002 þegar það náði 4,8%. Í út-
reikningum sem nálgast má á vef SA
má sjá að miðað við þessar forsendur
má áætla að veikindalaunagreiðslur
hafi numið 25 milljörðum króna á
árinu 2005.
Fjarvistardagar að meðal-
tali tæplega 10 á síðasta ári
Áætla má að veikindalaunagreiðslur hafi numið 25 milljörðum króna árið 2005
Hannes G.
Sigurðsson
eignarstofnunar til að gefa henni
kost á að fjalla um málið gagnvart
okkur.“
Aðspurður segist Magnús líta svo
á að þau málefni sem hafa verið til
umfjöllunar séu alvarlegs eðlis. Því
sé mikilvægt að fá viðbrögð frá
Byrginu og gefa stjórnarmönnum
tækifæri til að gera okkur grein fyr-
MAGNÚS Stefánsson félagsmála-
ráðherra hefur óskað eftir fundi
með stjórn Byrgisins í ljósi þeirrar
opinberu umræðu sem fram hefur
að undanförnu farið um málefni
Byrgisins. Þar hafa ásakanir verið
bornar á forstöðumann Byrgisins
um fjármálaóreiðu og að misnota
aðstöðu sína gagnvart kvenkyns
skjólstæðingum.
Byrgið er líknarfélag og sjálfs-
eignarstofnun sem er viðskiptaaðili
félagsmálaráðuneytisins og segir
Magnús að gengið hafi verið frá yf-
irlýsingu árið 2003 um að Byrgið
fengi árlega styrki skv. fjárlögum.
„En öll fagleg og rekstrarleg mál
stofnunarinnar eru á ábyrgð Byrg-
isins sjálfs,“ bendir Magnús á. „Við
óskuðum hins vegar eftir því fyrir
rúmum mánuði að Ríkisendurskoð-
un gerði úttekt á Byrginu og sú
vinna er hafin. Ég vonast til að nið-
urstöður úttektarinnar liggi fyrir
fljótlega. Síðan hef ég í ljósi þeirrar
umræðu sem verið hefur óskað eftir
fundi með stjórn þessarar sjálfs-
ir málinu.
Spurður segir
Magnús þessa
umfjöllun eina og
sér þó ekki gefa
tilefni til þess að
fara ofan í saum-
ana hjá öðrum
áþekkum stofn-
unum. „Ríkisend-
urskoðun er allt-
af að gera úttektir af og til á
stofnunum og öðrum sem höndla
með opinbert fé. Þessi umfjöllun
núna gefur ekki tilefni til að fara af
stað með neina herferð á því sviði.“
Magnús segir æskilegt að haft sé
reglulegt eftirlit að þessu leyti, ekki
eingöngu gagnvart Byrginu, heldur
öðrum einnig.
Spurður hvort gagnrýni hafi kom-
ið fram í ráðuneytinu eða ríkisstjórn
á fyrirkomulagið með Byrgið segist
Magnús ekki hafa orðið var við slíkt.
Hann segir ekki um þjónustusamn-
ing að ræða við Byrgið heldur yf-
irlýsingu um að Byrgið fái styrki.
Spurður hvort ekki hefði verið betra
að gera þjónustusamning segist
Magnús ekki geta svarað slíkri
spurningu enda hafi hann ekki verið
í ráðherraembætti á þeim tíma.
Fjármálastjórn áfátt
Varnarmálaskrifstofa utanríkis-
ráðuneytisins fór þess á leit við Að-
alstein Sigfússon sálfræðing árið
2001 að hann gerði úttekt á starf-
semi og fjármálum Byrgisins en það
var þá starfrækt í Rockville sem er
á varnarsvæðinu, samkvæmt samn-
ingi. Við úttektina var bókhald
Byrgisins skoðað og lagt mat á
rekstrarkostnað og gildi starfsem-
innar. Almennt kom fram það álit
viðmælenda að þörf væri fyrir Byrg-
ið. Hins vegar leiddi úttektin í ljós
að fjármálastjórn Byrgisins væri
verulega áfátt. Var mælt með því að
ríkið héldi áfram að veita Byrginu
fjárhagsstuðning en að uppfylltum
skilyrðum um að bæta úr annmörk-
um sem bent var á.
Magnús Stefánsson
Í HNOTSKURN
»Árið 2002 fór vinnuhópur,skipaður aðstoðarmönnum
heilbrigðis-, félagsmála- og ut-
anríkisráðherra yfir mál
Byrgisins og komst að þeirri
niðurstöðu að finna ætti annað
húsnæði fyrir Byrgið og er
það nú starfrækt í Grímsnesi.
»Jafnframt var lagt til aðríkið gerði samning um
rekstur Byrgisins sem væri
háður þeim fyrirvara að
rekstri félagsins væri komið í
eðlilegt horf.
Kallar stjórnendur Byrgisins fyrir
STJÓRN með-
ferðarheimilisins
Byrgisins hefur
ákveðið að fara í
meiðyrðamál
vegna umfjöllun-
ar fréttaskýr-
ingaþáttarins
Kompáss sem
sýndur var í sjón-
varpi í fyrradag.
Þar var því haldið
fram að forstöðumaður Byrgisins,
Guðmundur Jónsson, hefði átt í kyn-
ferðislegum samböndum við skjól-
stæðinga sína. Hefur Guðmundur
látið tímabundið af störfum meðan á
rannsókn málsins stendur.
Hilmar Baldursson, lögfræðingur
Byrgisins, sagði í gær að kæran
gegn Kompási, fréttaskýringaþætti
Stöðvar 2, yrði vonandi lögð fram í
dag fyrir hönd Guðmundar Jónsson-
ar fyrir grófar ærumeiðingar.
Byrgið
kærir fyrir
meiðyrði
Guðmundur
Jónsson
♦♦♦