Morgunblaðið - 16.02.2007, Síða 18

18 FÖSTUDAGUR 16. FEBRÚAR 2007 MORGUNBLAÐIÐ
ERLENT
Eftir Svein Sigurðsson
svs@mbl.is
MIKILL ágreiningur um stríðið
gegn talibönum í Afganistan var á
ráðstefnu, sem haldin var í London
fyrir nokkrum dögum, og voru skoð-
anir ekki síst skiptar um tilraunir
vestrænna ríkja til að uppræta
ópíumræktunina í landinu. Um það
mál er líka fjallað í grein eftir Pulitz-
er-verðlaunahafann Anne Apple-
baum í tímaritinu Slate Magazine.
Þar leggur hún til, eins og líka kom
fram á ráðstefnunni, að valmúarækt-
unin verði gerð lögleg og afurðin,
ópíumið, notað til lyfjagerðar.
Applebaum minnir á, að Bretar
hafi í eina tíð háð styrjöld til að
tryggja ópíumsölu sína í Kína en nú
standi þeir, Bandaríkjamenn og
fleiri vestrænar þjóðir fyrir hernaði
gegn ópíumframleiðslu í Afganistan.
Til liðs við talibana
Applebaum segir, að valmúarækt-
unin sé mest í Suður-Afganistan þar
sem talibanar eru sterkastir og í
hvert sinn sem valmúaakur sé eyði-
lagður, bætist þeim nýir liðsmenn.
Þetta þurfi þó ekki að vera svona,
segir hún, og rifjar upp, að áður fyrr
hafi Tyrkland verið eitt mesta fram-
leiðsluland ópíumsins. Tilraunir til
að banna valmúaræktunina þar hafi
engan árangur borið fyrr en 1974
þegar breytt var um aðferð í sam-
vinnu Tyrkja, Bandaríkjamanna og
Sameinuðu þjóðanna. Þá var ákveðið
að lögleiða valmúarækt og reistar
löglegar verksmiðjur í stað ólög-
legra. Þar hafa síðan verið unnin lyf
eins og morfín og kódín.
Applebaum spyr í grein sinni
hvers vegna ekki sé beitt sömu að-
ferð í Afganistan. Þá muni stór hluti
afganska hagkerfisins koma upp á
yfirborðið og Afganar átta sig á, að
vestræn ríki vilji í raun hjálpa þeim.
Á ráðstefnunni í London beitti
hugveitan Senlis Council sér fyrir
þessari hugmynd en fulltrúi Banda-
ríkjastjórnar hélt því hins vegar
fram, að hernaðurinn gegn valmúa-
ræktun í Afganistan væri réttur.
Vestræn ríki á villi-
götum í Afganistan?
Lagt er til að valmúaræktunin í landinu verði gerð lögleg
og framleiðslan, ópíumið, notað til lyfjagerðar
Reuters
Börn í Kabúl Lífsbaráttan er erfið flestum í Afganistan og í sumum hér-
uðum byggist afkoman að mestu á valmúaræktuninni.
Í HNOTSKURN
» Fram kom hjá sumum áráðstefnunni í London, að
vestræn ríki væru að vinna
hverja orrustuna á fætur ann-
arri í Afganistan en samt að
tapa stríðinu.
» Ástæðan fyrir þessu er sú,að aðstæður almennings
hafa ekki batnað og oft versn-
að vegna hernaðarins gegn
valmúaræktuninni. Hún er lík-
lega á bilinu einn þriðji og upp
í tvo þriðju af þjóðarfram-
leiðslu.
Eftir Baldur Arnarson
baldura@mbl.is
FYRIR nokkrum árum áætluðu sér-
fræðingar bresku ríkisstjórnarinnar
að fjöldi innflytjenda sem kæmi til
landsins frá nýju Evrópusambands-
ríkjunum tíu sem gengu í sambandið
í maímánuði 2004 yrði undir 20.000.
Raunin varð heldur en ekki önnur,
nú er talið að minnst hálf milljón
manna hafi sest að í landinu. Svo á
alþjóðavæðingin og góður hagvöxtur
í Bretlandi sinn þátt í aukningunni.
Þetta er öðrum þræði baksvið
nýrrar skýrslu London School of
Economics, sem unnin var fyrir
borgarráð Lundúna, um áhrif fólks-
flutninga og innflytjenda á hverfi
borgarinnar. Kemur þar fram að er-
lendum ríkisborgurum í borginni
fjölgi nú um eitt hundrað þúsund á
ári. Fólksflutningar innan borg-
armarkanna eru sagðir miklir, allt
að 35 prósent íbúanna í sumum
hverfum flytja búferlum árlega.
Telja skýrsluhöfundar að „sterkar
vísbendingar“ séu um að sum hverfi
séu einskonar stökkpallur fyrir inn-
flytjendur sem sæki þangað ýmsa
þjónustu og húsnæði áður en þeir
flytji annað og nýir komi í þeirra
stað. Þessi þjónusta er sögð kosta
borgina mikið fé árlega.
Helmingurinn fæddur erlendis
Á síðasta áratug hafa innflytjend-
urnir komið frá fleiri ríkjum en áður,
þróun sem á sinn þátt í að kostnaður
vegna enskukennslu er orðinn veru-
legur útgjaldaliður í rekstri borg-
arinnar. Fjöldi innflytjenda er einn-
ig iðulega vanmetinn og er fjölgunin
talin eiga þátt í því vaxandi vanda-
máli sem heimilisleysi er í mörgum
borgarhlutum.
Jafnframt er vísað til nýlegrar
fréttar breska ríkisútvarpsins, BBC,
sem stjórnin andmælti ekki, þar sem
áætlað var að kostnaður vegna túlk-
unarþjónustu nemi árlega um 100
milljónum punda, eða sem svarar um
13,2 milljörðum króna. Þá er áætlað
að enskukennsla fyrir innflytjendur í
Lundúnum kosti milljarða króna.
Mat skýrsluhöfunda á hlutfalli er-
lendra ríkisborgara af heildar-
íbúafjölda einstakra hverfa árið 2001
er athyglisvert, enda hefur það ef-
laust hækkað síðustu ár.
Hlutfallið er hæst í Brent, eða
46,6%, 44,6% í Kensington og
Chelsea. Hammersmith og Fulham
eru í tíunda sæti listans, þar er hlut-
fallið áætlað um 33,6%.
Í fyrsta sinn frá siðaskiptum
Á sama tíma skýrði breska dag-
blaðið The Times frá mikilli sókn
kaþólsku kirkjunnar í Bretlandi sem
senn verði stærsti trúflokkurinn
landinu – í fyrsta sinn frá siðaskipt-
um – vegna mikils straums innflytj-
enda úr röðum kaþólikka.
Við þetta bætist að aðrar kirkju-
deildir í Bretlandi eru sagðar í hægri
hnignun, þótt talsmaður ensku bisk-
upakirkjunnar vísi því á bug.
Frá þessari þróun er greint í nýrri
skýrslu Von Hügel-stofnunarinnar
við St. Edmunds College við Cam-
bridge-háskóla, en þar kemur fram
að margir innflytjendur tali litla eða
enga ensku, séu án vinnu og eigi
hvergi höfði sínu að halla.
Kaþólska kirkjan er hvött til að
bregðast við þessum vanda, sem er
sagður hafa komið prestum og bisk-
upum í opna skjöldu. Talsmaður
pólskra presta sem The Times ræddi
við segir fjölda Pólverja í Lundúnum
hafa tvöfaldast frá inngöngu Pól-
lands í ESB í maímánuði 2004 í að
minnsta kosti 600.000.
Dagblaðið The Daily Telegraph
fjallar einnig um skýrslu stofnunar-
innar og segir að þar komi fram að
allt að þrír fjórðu kirkjugesta í ein-
stökum söfnuðum hafi reynst vera
ólöglegir innflytjendur. Margir noti
kirkjurnar sem atvinnumiðstöðvar
og til að fræðast um félagsþjónustu.
Mikil útgjöld vegna
innflytjendastraums
Reuters
Alþjóðleg Innflytjendur hafa mikil
áhrif á íbúasamsetningu Lundúna.

Ný skýrsla London School of Economics metur aukinn kostnað

Kaþólska kirkjan senn stærsti trúflokkurinn vegna straumsins
Gaza-borg. AFP. | Ismail Haniya sagði
af sér embætti forsætisráðherra
palestínsku heimastjórnarinnar í
gær og Mahmoud Abbas, forseti
Palestínumanna, fól honum að
mynda þjóðstjórn sem vonast er til
að geti bundið enda á blóðug átök
helstu fylkinga Palestínumanna.
Þetta var tilkynnt eftir viðræður
milli Abbas, leiðtoga Fatah, og Han-
iya, sem fór fyrir heimastjórn sem
Hamas-hreyfingin myndaði fyrir
tæpum ellefu mánuðum. Hann á nú
mynda þjóðstjórn með aðild Fatah
innan fimm vikna.
Stjórnvöld í Ísrael og vestrænum
ríkjum hafa sniðgengið palestínsku
heimastjórnina og bannað fjárhags-
stuðning við hana síðan Hamas
komst til valda eftir sigur í kosn-
ingum í janúar á síðasta ári vegna
þess að hreyfingin hefur ekki viljað
viðurkenna til-
vistarrétt Ísr-
aelsríkis, hafna
ofbeldi og virða
friðarsamninga
Frelsissamtaka
Palestínumanna
við Ísraela.
Talsmaður
Bandaríkja-
forseta áréttaði í
gærkvöldi að stjórnin í Washington
stæði við þá kröfu sína að palest-
ínska heimastjórnin viðurkenndi til-
vistarrétt Ísraels, virti friðarsamn-
ingana og hafnaði vopnaðri baráttu
gegn Ísrael. Talið er að samstaða
vestrænu ríkjanna geti rofnað í mál-
inu og að Evrópuríki ákveði að
styðja palestínsku heimastjórnina
þrátt fyrir andstöðu Bandaríkja-
stjórnar.
Haniya falið að mynda þjóð-
stjórn innan fimm vikna
Ismail Haniya
DÓMSTÓLL í Danmörku hnekkti í
gær sektardómi kviðdóms yfir
þremur af fjórum mönnum sem
ákærðir voru fyrir að undirbúa
hryðjuverk í Evrópu. Fjórði mað-
urinn, sautján ára danskur rík-
isborgari af palestínskum ættum,
var dæmdur sekur og á allt að átta
ára fangelsisdóm yfir höfði sér.
Dómstóllinn úrskurðaði að láta
bæri mennina þrjá lausa.
Tólf manna kviðdómur hafði
komist að þeirri niðurstöðu að sak-
borningarnir væru allir sekir þótt
dómararnir hefðu hvatt til þess að
þremenningarnir yrðu sýknaðir
vegna skorts á sönnunum.
Þremenningarnir eru 18–21 árs,
einn þeirra er Bosníumaður, annar
Dani af sýrlenskum og palest-
ínskum uppruna og sá þriðji Dani
ættaður úr Marokkó.
Mennirnir voru allir handteknir í
október 2005 og ákærðir í ágúst
2006 fyrir að leggja á ráðin um
hryðjuverk í Evrópu. Þeir voru
ákærðir á grundvelli laga sem sett
voru til að herða baráttuna gegn
hryðjuverkastarfsemi árið eftir
hryðjuverkin í Bandaríkjunum 11.
september 2001.
Sýknaðir af
ákæru um
hryðjuverk
EHUD Olmert, forsætisráðherra
Ísraels, samþykkti í gær að Tyrkir
hefðu eftirlit með framkvæmdum
nálægt al-Aqsa-moskunni í Jerúsal-
em. Framkvæmdirnar hafa valdið
átökum og vakið reiði múslíma úti
um allan heim.
Vill eftirlit Tyrkja
GEORGE W. Bush, forseti Banda-
ríkjanna, hefur hvatt önnur aðild-
arríki Atlantshafsbandalagsins til
að senda fleiri hermenn til Afgan-
istans og vera sveigjanlegri þegar
óskað er eftir þátttöku þeirra í
hernaðaraðgerðum í landinu.
Vill fleiri hermenn
VLADÍMÍR Pútín, forseti Rúss-
lands, hefur skipað Sergej Ívanov
varnarmálaráðherra í embætti
fyrsta aðstoðarforsætisráðherra.
Þykir þetta styrkja stöðu Ívanovs
og auka líkurnar á því að hann
verði kjörinn forseti á næsta ári.
Ívanov styrkist
ÞAÐ hörmulega slys varð í Fær-
eyjum fyrir nokkrum dögum að tvö
börn féllu í á og drukknuðu. Um
var að ræða sjö ára gamla stúlku og
sex ára dreng. Var barnanna leitað
mikið en þau fundust loks bæði lát-
in í Trongisvágsfirði en í hann
rennur áin.
Hörmulegt slys
52 ÁRA suður-kóresk kona, Kim Seok-Ok, er
sögð hafa sett heimsmet í karaoke-söng með
því að syngja í nær 60 klukkustundir til að
gleðja eiginmann sinn sem er á sjúkrahúsi.
Kim hneig niður eftir að hafa sungið í 59
klukkustundir og 48 mínútur á karaoke-bar í
Seoul, um 37 mínútum lengur en Þjóðverji
sem átti heimsmetið.
Fulltrúi Heimsmetabókar Guinness var á
staðnum en hefur ekki enn staðfest heims-
metið.
Kim hvíldi sig í 10 mínútur eftir hverja 50
mínútna lotu og söng alls 979 af 1.014 lögum
sem hún hafði undirbúið. Hún kvaðst hafa
ákveðið að reyna að slá metið til að gleðja
eiginmann sinn sem er með heilaæxli.
Söng í 60 stundir
Söngelsk Kim Seok-Ok.
ÞAÐ verður æ al-
gengara í Dan-
mörku, að ungir
karlmenn, allt
niður í 19 ára,
verði að nota
stinningarlyfið
Viagra þegar
þeir vilja njóta
unaðar ástalífs-
ins. Ástæðan er
sú, að þeim er
hætt að rísa hold vegna mikillar
fíkniefnaneyslu.
„Við verðum æ oftar vör við
þetta, að ungir menn innan við tví-
tugt geti ekki verið með konu nema
taka inn Viagra. Það er vegna þess,
að þeir eru orðnir svona slappir
vegna fíkniefnaneyslu, enda oft
meira eða minna undir áhrifum
þeirra. Þetta er auðvitað alveg yf-
irgengilegt enda er Viagra og skyld
lyf fyrst og fremst fyrir karlmenn,
sem komnir eru heldur á efri ár,“
segir Steen Bach, sem starfar á
hjálparstöð fyrir fíkniefnaneyt-
endur í Esbjerg.
Bach segir, að svo sé komið fyrir
sumu ungu fólki, að það gleypi allar
pillur umhugsunarlaust án þess að
leiða hugann að því, að það geti
verið að eyðileggja sig. Segir hann,
að pillugrauturinn geti verið stór-
hættulegur enda ófá dæmi um al-
varlega eitrun. Segir hann, að t.d.
sé mikill vöxtur í notkun ungs fólks
á höfuðverkjatöflum.
19 ára ungmenni á Viagra
Hjálp Stinningar-
lyfið Viagra.