Morgunblaðið - 16.03.2007, Qupperneq 17

MORGUNBLAÐIÐ FÖSTUDAGUR 16. MARS 2007 17
HVERNIG BORÐAR MAÐUR MEIRI TREFJAR?
Flest okkar hafa gott af því að borða meiri trefjar.
Fullorðnir ættu að borða a.m.k. 25 grömm af trefjum á
dag, en að meðaltali borðum við ekki nema 16,7
grömm*, eða aðeins 2/3 af ráðlögðum dagskammti.
Þó við Íslendingar höldum að við séum best á öllum
sviðum hafa rannsóknir sýnt að við stöndum okkur alls ekki
nógu vel þegar kemur að neyslu trefja. En það er auðvelt að
bæta sig – ef þú borðar Kellogg’s All–Bran á hverjum degi
færðu næstum helming af ráðlögðum trefjaskammti, sem
hjálpar þér að halda meltingunni í góðu lagi. Laus við
þembu, þyngsli og doða líður þér vel innan sem utan.
Fáðu þér gómsætt Kellogg’s All–Bran, Sultana Bran eða
Bran Flakes og vertu bestur ... í trefjum!
*Skv. Lýðheilsustöð
F
í
t
o
n
/
S
Í
A
Vestmannaeyjar | Klukkan 13.44 í
gær kom Vestmannaey VE 444, nýtt
skip sem Bergur-Huginn lét smíða í
Póllandi, til heimahafnar í Vest-
manneyjum. Í fylgd með henni voru
Vestmannaey VE 54 og Smáey VE
sem eru í eigu sömu útgerðar. Að
sögn skipstjóra reyndist Vest-
mannaey vel á heimsiglingunni og
gerir hann ráð fyrir að það taki viku
að gera skipið klárt til veiða. Vest-
mannaey er togskip sem ætlað er til
ísfiskveiða.
Það var fjöldi manns sem fagnaði
komu Vestmannaeyjar þegar hún
lagðist að bryggju í gær í blíðskap-
arverði. Fyrstur um borð var séra
Guðmundur Örn Jónsson sem flutti
hugvekju og bæn og blessaði skip og
áhöfn af brúarvængnum. Að því
loknu bauð Magnús Kristinsson út-
gerðarmaður öllum að skoða Vest-
mannaey og margir komu færandi
hendi með blóm og gjafir. Skipið er
hið myndarlegasta og vel tækjum
búið. Allt er að sjá mjög vel unnið af
hendi Pólverjanna og íbúðir áhafnar
til fyrirmyndar.
Öflugt skip
„Það er alltaf stór stund í lífi
hvers útgerðarmanns er hann tekur
á móti nýju skipi og það er ég að
upplifa núna,“ sagði Magnús útgerð-
armaður í samtali við Morgunblaðið.
„Þetta er líka stór stund fyrir áhöfn-
ina og Vestmannaeyjar. Strákarnir
segja að Vestmannaey hafi reynst
vel á heimsiglingunni enda er þetta
öflugt skip sem á eftir að verða mik-
ið happafley,“ bætti Magnús við.
Og hann hélt áfram. „Það skiptir
miklu fyrir okkur hér í Vestmanna-
eyjum að fá svona öflugt atvinnu-
tæki og það er mikil innspýting í
samfélagið. Nú vantar bara fleira
fólk og ég get fullvissað alla um að
hér er gott að búa. Það er ekkert
bæjarfélag sem býður upp á átta
stórar uppákomur á hverju sumri
enda hvergi meira fjör.“
Birgir Þór Sverrisson skipstjóri
var ánægður með Vestmannaey eftir
reynsluna á heimsiglingunni. „Hún
reyndist mjög vel og hafa hönnuð-
irnir, Alfreð Tulinius og Bárður Haf-
steinsson hjá Nautic, skilað góðu
verki. Við lentum í hörkubrælu á
leiðinni og kom í ljós að þetta er fínt
sjóskip. Hér erum við með mjög öfl-
ugt skip í höndunum, vel tækjum bú-
ið, og ég hef góða tilfinningu fyrir
því,“ sagði Birgir sem verið hefur í
30 ár til sjós og alltaf hjá sömu út-
gerðinni.
„Það að fá nýtt skip er ekki bara
hagur útgerðar og áhafnar heldur
skiptir þetta miklu máli fyrir Vest-
mannaeyjar. Vonandi er þetta vís-
bending um að okkur takist að snúa
þróuninni við og aftur fari að fjölga í
Eyjum.“
19 flatskjáir í brúnni
Vestmannaey er mikið tækniver
og sem dæmi um það verða nítján
flatskjáir í brúnni. Öll tæki eru staf-
ræn og þar verður að finna miklu
meiri upplýsingar en í eldri tækjum.
„Þau verða öll tengd með NAV-neti
sem gerir okkur mögulegt að fá
saman á einn skjá hinar ýmsu upp-
lýsingar um það sem er að gerast.
Einnig getum við náð í eldri gögn og
borið þau saman við aðstæður
hverju sinni.“
Birgir tók sem dæmi að hægt
væri að fylgjast með straumum og
hitastigi á mismunandi dýpi. „Við
pælum meira í því en hér áður fyrr
hvaða áhrif straumur hefur á fisk og
veiðarfæri og þá koma nýju tækin að
góðum notum. Með tímanum safnast
saman miklar upplýsingar um miklu
fleiri þætti en hægt var að safna
upplýsingum um áður. Þær getum
við náð í hvenær sem er og borið
saman utanaðkomandi áhrif frá ein-
um tíma til annars. Þetta geta verið
straumar, sjólag og vindur. Við
verðum líka með tæki sem hjálpa
okkur að spara raforku og olíu.“
Vestmannaey er 29 m löng og 10,4
m á breidd. Til samanburðar þá er
gamla Vestmannaey 59,9 m löng og
9,50 m breið. Aðalspil eru lágþrýst-
ispil, 20 tonn hvort. Íbúðir eru fyrir
fjórtán en gert er ráð fyrir tólf í
áhöfn. Vinnsludekkið er mjög rúm-
gott en búnaðurinn er smíðaður í
Vélsmiðjunni Þór og er tilbúinn.
Morgunblaðið/Sigurgeir
Útgerðin Skipakostur Bergs-Hugins. Fremst er nýja Vestmannaey, næst sú gamla og loks Smáey.
Stór stund að taka
á móti nýju skipi
Nýju skipi fagnað Kolbrún Eva Valtýsdóttir, kona Birgis skipstjóra,
Magnús útgerðarmaður, Lóa Skarphéðinsdóttir, kona Magnúsar, Birkir,
bróðir hans, og Þóra Magnúsdóttir, móðir hans, í brúnni á Vestmannaey.
Áhöfnin Þeir sigldu skipinu heim. Kristinn Valgeirsson yfirvélstjóri með
dótturina Indíönu, Leó Snær Valgeirsson, Ólafur Guðmundsson vélstjóri,
Pétur Kristjánsson kokkur, Egill Guðnason vélstjóri, Sigurður Konráðsson
2. vélstjóri og Birgir Þór Sverrisson skipstjóri.
Í HNOTSKURN
»Það að fá nýtt skip er ekkibara hagur útgerðar og
áhafnar heldur skiptir þetta
miklu máli fyrir Vest-
mannaeyjar.
»Hér erum við með mjögöflugt skip í höndunum,
vel tækjum búið og ég hef
góða tilfinningu fyrir því.
»Strákarnir segja að Vest-mannaey hafi reynst vel á
heimsiglingunni enda er þetta
öflugt skip.
ÚR VERINU