Morgunblaðið - 27.04.2007, Qupperneq 24

Eftir Kristínu Heiðu Kristinsdóttur
khk@mbl.is
Ég kom fyrst með móðurminni hingað að Gegnis-hólaparti sem krakki þeg-ar hún var ráðskona hér á
bænum í nokkur sumur. Ég hélt
áfram að vera hér á sumrin eftir að
hún lét af ráðskonustarfinu, því ég
var með fráhvarfseinkenni og gat
varla hugsað mér að vera í Reykjavík
á sumrin. Ég var því í sextán sumur í
sveit hér hjá bræðrunum Sigurði og
Jóhannesi Árnasonum sem bjuggu á
Gegnishólaparti og voru einhleypir.
Nú eru þeir báðir dánir en ég
þekkti þessa menn betur en marga
sem eru skyldari mér. Ræturnar eru
því sterkar og staðurinn hefur
löngum togað í mig. Ég fór hingað á
mínar fornu slóðir fyrir rúmu ári og
hitti þáverandi eiganda sem gekk
með mér um landareignina og sagði
svona í framhjáhlaupi að hann væri
að hugsa um að selja, enda kominn á
áttræðisaldur og hafði aðeins notað
jörðina sem sumaríverustað.
Skömmu síðar keyptum við hjónin
jörðina og Helgi félagi minn kom svo
inn í það fljótlega,“ segir Bjarni Sig-
urðsson vélsmiður sem ásamt sam-
starfsmanni sínum Helga Friðrik
Halldórssyni, flutti með fyrirtæki
þeirra úr borginni í Gaulverjabæ
hinn forna þar sem þeir reistu vél-
smiðju mikla á bænum Gegnishóla-
parti. Þar reka þeir félagarnir nú
framleiðslufyrirtækið ParaLamp en
þeir þróa aðallega og markaðssetja
hátæknivörur á sviði kælitækni,
frystingar matvæla sem og vinnslu-
línur sem tengdar eru frystingu.
„Við Margrét kona mín reistum
nýtt íbúðarhús en Helgi er að taka
gamla bæinn í gegn og ætlar að búa
þar. Og það skemmtilega er að
mamma og hennar félagi Karl Þor-
grímsson hafa líka reist sér hús
hérna og eru flutt hingað. Við hjónin
erum með hross og Helgi og Karen
konan hans stefna að því að koma
líka í hestamennskuna enda eru kjör-
aðstæður til þess hér.“
Selja vörur til Suður-Ameríku
Bjarni segir að þeir Helgi hafi
markaðssett vörur sínar erlendis og
hafi verið að vinna mikið fyrir Suður-
Ameríku.
„Á flakki mínu um Suður-Ameríku
komst ég að því að þar er mikill upp-
gangur í skelfiskvinnslu. Þar er
kræklingarækt að fara af stað og við
erum komnir með góð sambönd og
þetta er farið að skila árangri. Til
dæmis seldum við stóran frysti ný-
lega til kræklingavinnslu í Chile en
það er sérútbúin lausn fyrir skelfisk-
frystingu. Við seldum líka sérhæfðan
og alsjálfvirkan frysti fyrir mjólkur-
bú í Brisbane í Ástralíu sem frystir
rjóma í iðnaðarpakkningu. Einnig
má nefna ískrapakerfi sem vil seld-
um til Perú. Við ætlum okkur stóra
hluti en erum varkárir og tökum að-
eins eitt skref í einu.“
Konan skapar verkefni
Bjarni segir að sumt af því sem
þeir Helgi framleiði sé mjög sér-
hæfðar vörur og því selja þeir hugvit
ekki síður en handverk.
„Við framleiðum ekki allt sjálfir
sem við hönnum, heldur notum
óspart undirverktaka. Ásamt því að
vera í tæknilausnum fyrir matvæla-
iðnaðinn erum við einnig með sér-
smíðaða stiga í íbúðarhús eða annað
sem kemur oft til okkar út frá verk-
efnum frá konu minni Margréti Sig-
fúsdóttur sem er innanhússarkitekt
og hannar fyrir sína viðskiptavini.
Við sérsmíðum einnig hesthúsainn-
réttingar eftir óskum hvers og eins
og ýmislegt fleira. En við segjum
stundum að helsta mjólkurkýrin okk-
ar sé lampinn sem við framleiðum og
heitir ParaLamp, rétt eins og fyrir-
tækið. Þessi lampi er notaður undir
snyrtiborðin í vinnslulínum og við
seljum hann til meira en tuttugu
landa.
Við Helgi erum búnir að vinna
saman í meira en tuttugu ár og erum
komnir á framtíðarstað með fyrir-
tækið okkar hér á Gegnishólaparti.
Erlendir viðskiptavinir sem koma
hingað í sveitina til okkur eru alveg
yfir sig hrifnir.“
Úti í guðsgrænni Bjarni og Margrét í góðum félagsskap hesta sinna og ánægð með að vera flutt úr borginni.
Sveitapiltsins draumur
Í smiðjunni Helgi að störfum.
daglegt líf
24 FÖSTUDAGUR 27. APRÍL 2007 MORGUNBLAÐIÐ
FÓLK tekur upp á ýmsu þegar það
gengur í það heilaga. Walt Disney-
samsteypan býður nú upp á sann-
kölluð ævintýrabrúðkaup í töfra-
höllinni í Disney World.
Brúðkaupin þar beinast nú eink-
um að þeim konum sem dreymir um
að líta út eins og Öskubuska þegar
stóri dagurinn rennur upp. Brúð-
irnar geta valið úr 34 kjólum sem
allir eru hannaðir af Kirstie Kelly
og sýndir voru á tískupöllunum nú
fyrr í mánuðinum. Kjólarnir kosta á
bilinu 100.000–200.000 krónur sem
er fyrir neðan það verð sem hönn-
uðir selja kjóla sína á, en fyrir ofan
meðalverð á brúðarkjólum almennt
í Bandaríkjunum.
Hjón eru nú eldri en áður þegar
þau ganga í hjónaband og æ al-
gengara er að þau borgi sjálf kostn-
aðinn við herlegheitin.
Reuters
Íburður Fyrirsætur Disney-samsteypunnar sýna verðandi brúðhjónum
hversu glæsileg umgjörð brúðkaupsins gæti orðið.
Öskubuskubrúðkaup
Prinsessa Fyrirsæta í kjól sem
hönnuðurinn Kirstie Kelly hannaði
fyrir Disney-samsteypuna.
Ævintýri Með Öskubuskuhöllina í baksýn.
Vertu á tánum og fylgstu
með enska boltanum á
Taktu þátt í getraunaleiknum „Skjóttu á úrslitin“ og þú gætir
verið á leiðinni á leik í Ensku úrvalsdeildinni í boði Iceland Express.
Verður þú stjóri mánaðarins? Í hverjum mánuði fær heppinn giskari
borðspilið um enska boltann, Stjórann, í verðlaun fyrir þátttökuna.
Meðal efnis á vefnum er:
• Daglegar fréttir af enska boltanum
• Getraunaleikurinn „Skjóttu á úrslitin“ með veglegum vinningum
• Staðan í deildinni og úrslit leikja
• Boltablogg
• Yfirlit yfir næstu leiki
• Tenglar á vefsíður stuðningsmannaklúbba
Upplifðu HVÍTA
H
Ú
SI
Ð
/
SÍ
A