Morgunblaðið - 17.06.2007, Page 75

Hvað eru margir meðlimir í múm í
dag?
„Það eru náttúrlega ég og Gunni.
Síðan getum við verið á bilinu frá
tveimur til átta á sviði. Í dag eru þrjár
söngkonur en þetta er búið að vera að
breytast og á eftir að halda áfram að
breytast og þróast. Í þessari tónleika-
ferð eru sjö á sviðinu.“
Er nýja platan alveg tilbúin?
„Já, það er búið að taka allt upp og
hljóðblanda og mastera og gera al-
búmið. Nú erum við bara að bíða eftir
september þegar hún kemur úr.
Plötufyrirtækið okkar vill hafa plöt-
urnar tilbúnar sex mánuðum áður en
þær koma út. Það er bara einhver
standard. Þangað til erum við bara að
taka eina og eina tónleika hér og þar.
Í kvöld er það á Spáni. Í næstu viku
spilum við í París. Svo verðum við aft-
ur á Spáni í júlí, og svo spilum við í
Aþenu og loks í Moskvu og það eru
síðustu tónleikarnir í þessari törn.
Þegar platan kemur út í september
förum við aftur af stað, og þá túrum
við Bandaríkin og Evrópu út um allt.“
Hvernig er nú að vera að ferðast
um með svona stórum hópi?
„Það er ógurlega skemmtilegt, ég
var búinn að sakna þess mikið. Það
eru komin tvö ár síðan síðast. Við túr-
uðum alltaf ofsalega mikið, vorum
eiginlega bara stanslaust á ferðinni.
Svo koma tvö ár þar sem maður er
ekki með hópnum í svona pakka að
leika sér, og ég var farinn að sakna
þess mjög mikið. Við erum búin að
spila tvisvar nýlega, eina tónleika í
Belgíu og svo í Fríkirkjunni um dag-
inn, en það má segja að tónleikarnir í
kvöld séu fyrstu tónleikarnir í þessari
ferð sem við æfum fyrir. Því hlakka
ég mjög mikið til kvöldsins. Ég er
bæði smástressaður og með fiðring.“
Spila á Airwaves
Hvað er það skemmtilegasta sem
þú ert búinn að sjá hér á hátíðinni?
„Ja, ég er eiginlega ekki búinn að
ná að sjá neitt en ég heyrði í Beirút.
Svo væri ég til í að sjá Sonic Youth
flytja Daydream Nation, en ég veit
ekki hvort ég vaki eftir því. Við erum
nefnilega að spila klukkan þrjú í nótt,
og því er ég að spá í að borða kvöld-
mat og leggja mig svo áður en við
spilum. Það er mjög mismunandi
hvað fólkið í hópnum ætlar að gera.
Sumir ætla á tónleika, aðrir að hvíla
sig og enn aðrir að labba niður á
strönd.“
Hvenær fá íslenskir aðdáendur
múm að sjá sveitina spila næst?
„Við höfum eitthvað verið að tala
um að halda eina útgáfutónleika á Ís-
landi í ágúst eða september en það er
ekki komið á hreint. En við spilum á
Airwaves, og er það í fyrsta skipti
sem við gerum það. Ákváðum bara að
slá til núna.“
Örvar fór í mat og múm hóf svo leik
klukkan þrjú um nóttina. Tónleikarn-
ir voru framúrskarandi og nýja efnið
einmitt stútfullt af leikgleði og gáska-
fullum röddum söngkvennanna
þriggja, Hildar Guðna, Ólafar Arn-
alds og Mr. Sillu. Virkilega gaman að
heyra hvernig næsta múm-plata
hljómar og þá er bara að bíða eftir
september.
Ljósmynd/Ingvi M. Árnason
Fjölhæfar Söngkonurnar í múm eru nú þrjár, en þær grípa líka í hljóðfæri; f.v.: Ólöf Arnalds, Hildur Finnsdóttir
og Sigurlaug „Mr. Silla“ Gísladóttir.
MORGUNBLAÐIÐ SUNNUDAGUR 17. JÚNÍ 2007 75
BMW1 lína
www.bmw.is Sheer
Driving Pleasure
Með bílinn handa þér
B&L - Grjóthálsi 1 - 110 Reykjavík - Sími 575 1200 - www.bl.is
BMW Sound Machine
Ný útgáfa af BMW 1 línunni með HIFI Professional hljóðkerfi og BMW
Radio System ásamt 30 GB Apple iPod spilara.
Nánari upplýsingar um BMW 1 línu Sound Machine hjá sölumönnum í síma 575 1200.ri upplýsingar um BMW Sound Machi e hjá söludeild BMW í síma 575 1210.
MasterCard korthafar fá miðann á þessa skemmtilegu fjölskyldumynd
á aðeins 600 kr. meðan myndin er sýnd, greiði þeir með kortinu.
Myndin er sýnd í Laugarásbíói og Smárabíói.
Meira á www.kreditkort.is/klubbar
600 kall
meðan myndin er í sýningum!
Komin í bíó!
Komin í bíó!